eskuizkribuen azterketa eta iturriaren moldamoduak - Euskara

Zunden aplikazioa, alez ale:
* Charles Nisard-ek (1864, II: 395-407) erabilitako alearen
laburpena. Obraren berri ematean bi edizio aipatzen ditu:
Histoire de Jean de Paris, roi de France, chez Pellerin, à
Epinal, sans date; et à Montbéliard, chez Deckherr frères,
sans date (398 or.).
Lehenengoa erabili zuen, datazioaren hurbilpen bat
eginez: "c'en est un abregé, une refonte faite au dixseptième
siècle" (407 or.). Nobelaren argumentua eskaintzen
digu, zenbait zati zuzenean aldatzen dituela eta erabilitako
bigarren aleko bi grabatu ilustratibo erantsiz.
Testu apur horretan gure bost laburpenen aplikazioak
fruiturik ematen ez duen arren, esan dezakegu ale hori Oudot
1613an ateratako ediziotik egingo ziren bertsio anitzetako
bat dela seguruenik, bertan azaltzen baitira Ecosse eta
Pologneko erregeak. Gogora dezagun hala ere, J.-A. Garnier-en
1736koan berriz agertzen direla bi pertsonaia horiek.
* Histoire/de/Jean de Paris. (Nodier, 1842: 99-151). Ez
dizkigu honek lekua eta inprimatzailea ematen.
Gorago esan dugun bezala, bertsio hau XVII mende
hasieran idatzitakoa zela zioen Nodier-ek, 1615-1650 urteen
artean zehazki.
Bost laburpenak bertan aztertu eta gero ordea,
XVIII.eko J.-A. Garnier-enaren aurrekaria dela ematen du.
Lehenengoari dagokiola, 14. kapituluan ez da aipatzen
Jeanen Vincennes-erako ostera. Anglaterre ohera doala
bukatzen da kapituluaren lehen parrafoa eta bigarrenean,
inongo adierazpenik gabe eginiko saltoaz, Jean amarekin
hizketan dugu puntu eta hurrengo lerroan (112 or.). Izenburua
113