eskuizkribuen azterketa eta iturriaren moldamoduak - Euskara

dira. Hauen artean A. Morin-en katalogoa dugu alde batetik (1974: 207-211)
eta Bollème-rena bestetik (1975: 438).
Aurreko aztertzaile guztien emaitzak biltzeaz gainera, ematen
dituzten tituluen edizio zerrendak oso bete eta datuz hornituak daude.
Morin-ek Troyes-eko Bibliothèque bleue-aren katalogoa ematen du, hiri
horretan argitaratu eta ezagutzen diren liburu urdinen tituluen edizio
guztiena alegia. Jean de Parisi dagokiola, hogei edizio desberdin ematen
ditu. Bollème-k bere aldetik hamasei zehazten ditu, bertan Morin-ek
aipaturiko zazpi daudelarik.
Bestalde, erantsi behar genuke, agian, katalogoetan
azalduriko ale jakinak aztertzera, Pariseko Liburutegi Nazionaleko erreseba
sailera jo genuela, eta, geroago, Arsenaleko Liburutegikora, non gordetzen
baitira Wickersheimer andreak erabilitakoak.
Gure bost laburpen horiek aplikatu edo frogatzeko lagina,
neurri handi batean, bion zerrendetatik atera dugu. Kopuru mugatuko edizio
multzoa aztertu dugu, eskueran izan ditugun ahalbideez baliatuta. Horrela,
Wickersheimer-ek eta Pauphilet-ek eginikoak alde batera (azken honena
aurrekoaren berdina baita, XV. mendeko eskuzkribuetatik aterata dagoena),
jarraian ematen dugu erabilitako edizio zerrenda, bost laburpenak aplikatuz
eginiko azterketarekin batera. Edizioen tituluak zeudenean zeudela aldatu
ditugu, aurkezten dituzten errakuntzak gorabehera, eta horren segidan ale
bakoitzak ematen dituen datuak (inprimatzailea, lekua, data eta aprobazio
edo baimentze datak, baldin eta agertzen badira).
112