eskuizkribuen azterketa eta iturriaren moldamoduak - Euskara

que le roy de France luy avoit osté celle que tenoit son cueur et sa
pensee).
Bestetik (interesgarria gertatzen da azkeneko hau, bertan
soma baitaiteke Kontrarreformaren eragina, agian desegokitzat jo zitezkeen
pasarteak kentzeko orduan), 55 (Comment on coucha la pucelle et comment le
roy de France s'alla coucher auprès d'elle), 56 (Comment les costuriers et
tailliandiers du roy Jehan habillerent la royne a la mode de France) eta 57
(Comment le roy de Navarre, parlant a la royne de France, luy dit que les
fleurs de lis luy estoient monteez dessus).
Behin XVIII. mendearen lehen erdian nobelak jasandako
laburpenak finkatuta, hurrengo urratsa orduko eta geroko zenbait ediziotan
nola agertzen ziren zehaztea izan da. Laburpen edo mozketa horiek,
pastoralgileek eskaintzen dizkiguten testuetaraino istorioak egingo zuen
bide posiblea, neurri batean besterik ez bada ere, argitzen lagunduko
digute. Eta gainera adierazi ere, istorio-ale horiek noizko diren, eta
pastoral emanaldietan, iturri narratibotik zer hartu den, batetik; eta,
bestetik, emanaldi horietan zein diren jatorrizko elementuak, moldazioan
eginiko aukerak eta antzezpenaren ezaugarriak.
Aztertu ahal izan ditugun aleak eta zunden aplikazioa:
Zundak aplikatzeko aleak, edizio desberdinetakoak, biltzea
lanak eman dizkigu. Bi arazo mota hauek baldintzatu digute ale kopuru jakin
bat aztertzea:
Batetik, ez dugu ahaztu behar Bibliothèque bleue-aren barneko
liburuak oso kalitate eskasekoak zirela. Paper txarrez eginak, esku
askotatik pasatzen ziren eta, ondorioz, azkar asko higatu eta galtzen
ziren. Bollème-k dioskunez (1965: 64), badirudi garai horretan somatzen
dela halako liburuak gordetzeko ohitura edo, Jean de Parisen ale baten
azalean agertzen den ex-librisaren arabera. Dena den, horrek ez digu bat
ere lagundu.
Bestetik, behin aurkitutako edizioak esku artean izanda,
horietako anitzek ez dute inprimatze datarik ematen. Beti agertzen diren
datuak inprimatzailearen izena eta tokia dira. Batzuetan, horien arabera,
posible izan zaigu denbora kokapen hurbileko bat egitea, beste batzuetan
ordea ez hainbeste.
110