1ª Parte ESCOLAPIOS 08-09 - Escolapios. Escuelas Pías Emaús

F
amilia maitagarriak:
Ikasturte berri honen hasieran besarkada handi bat helarazi nahi dizuegu, ikastetxearengan jarritako konfidantza
eskertuz eta berrikuntza garrantzitsuenak jakinarazteko aprobetxatuz.
Udan honetan hainbat lan burutu ditugu gure ikastxean : gimnasio, bainugela, jolastoki eta jantokiko berrikun -
tzak, teknologian eta informatikan egindako inbertsioak, laborategietako hornikuntza, hainbat gelatako altzari eta
arbelen berriztatzea eta bestelako konponketa lanak. Lan hauek gure ikastetxearen funtzionamendurako lagungarri
izan daitezela espero dugu.
Ikasturte berri honetan zenbait erronka garrantzitsu ditugu. Lehenengoa, 2011-2015 lau urtekoari dagokion Plan
Estrategikoa lantzea izango da. Ikasturtean zehar, Hezkuntza Komunitatea osatzen dugun guztiok lan horri ekingo
diogu eta zuen laguntza eta iradokizunak ere eskatuko dizkizuegu.
Ikastetxeko Hizkuntza-Proiektuari dagokiola beste urrats bat emango dugu: DBHko 1. mailako ikasleek astean
ordu bat gehiago izango dute ingelesa lantzeko eta LHko 1. Mailakoek Artistika ingelesez emango dute.
Informazioaren eta Komunikazioaren Teknologiei eskeinitako sustapena eguneroko lanaren alde garrantzitsu bat
izan da betidanik. Gure ikasleek gero eta ordenagailu eta informatika-gela gehiago dituzte, eta ikasgelak baliabide
teknologikoez hornitu ditugu, programa informatiko berriak ezarriz eta hainbat irakasgai lantzeko baliabide hauek
erabiliz.
Aurreko ikasturtean bezala, eskola eta kirol-arropa eskuragarri izango duzue. Aurten produktu berriak eskein -
tzen dizkizuegu, hala nola LHko 2. mailara arteko ikasleentzako mantalak, jantzi polarrak eta askarirako pol -
tsak. Gure web orrian produktu eta salneurriei buruzko informazioa aurki dezakezue
DBHko ebaluazio-sistemari dagokiola ere beste aldaketa bat izango dugu. Orain arte lau ebaluaziotan banatu
izan dugu ikasturtea eta aurten hiru ebaluazio izango ditugu. Ebaluazio bakoitzean tarteko ebaluazio-saioak
izango dira ikasleek jarraipen egokia bermatzeko.
Aurreko ikasturteetan bezala, maila guztietako ikasleengan irakurketarako ohitura eta motibazioa bultzatzeari
ekingo diogu.
Dakizuenez, Familiaren eta ikastetxearen arteko harreman estu baten alde lan egiten dugu. .Horregatik, aurten ere,
Misio Partekaturako Familia Ibilbiderako eta SIEP-FEAC taldeetarako deialdia egingo dugu. Ikastetxearen eta familien
arteko komunikazioari dagokionez, “Vía Educativa” izeneko programarekin jarraituko dugu, gure ikasleen
jarraipen egokia ziurtatzen duelako eta bere programak aukera berriak eskeintzen dituelako.
Ikasgeletako giro egokia eta elkarbizitza gure kezka nagusiak dira eguneroko lanean. Aurten, iaz landutako elkarbizitzarako
eskuliburuak eta behatokiak garrantzi handia izango dute.
Aurten, Itaka-Escolapios Fundazioak 25 urte betetzen ditu. Sustatzen dituen pastoralgintza eta hezkuntza zein
solidaritate ekintzak abiapuntu izanik, ikastetxearen hezkuntza-proiektuan lanean dihardugu. Urtean zehar gure -
tzat hain garrantzitsua den urtebetetze hau ospatuko dugu.
Aipatutako guztiaz gain, ikasturtean zehar hainbat gauza gehiago ezagutzeko aukera izango duzue.
Ikastetxeko web orria ikasturtean zehar egindako ekintzei buruzko informazioa jarraitzeko tresna egokia da.
(www.bilbokoeskolapiok.org). Nahi duzuenok Emaus Eskolapioen Barrutiaren helbidetik sar zaitezkete
(www.escolapiosemaus.org) ikuspegi zabalagoa izateko. Ikastetxeko beste ekintzak ezagutzeko Fundazioaren web
orria ere aukera dezakezue (www.itakaescolapios.org)
Familia eta ikasleek, gure ikastetxea hobetzeko, beste baliabide garrantzitsu bat eskuragarri duzuela gogoratzen
dizuegu, iradokizun – gutunontzia (web orrian eta ikastetxeko sarreran).
Agur bero bat:
2
Aintzane Monteverde, (Zuzendari Akademikoa)
Pablo Santamaría, (Zuzendari Titularra)
E S K O L A P I O A K