BIBLIOTECA LITERARIA DEL ESTUDIANTE - Consejo Superior de ...

ALFONSO EL SABIO
Castiella tanto como ensaluimiento, fascas blancura
ensaluida de enfermedad. Mas si por uentura el cuero
fuesse en aquel logar blanco o luzio, e la carne non
fuesse mas baxa que eli otra, e los cabellos fuessen
del color que antes e non mas delgados con malautia,
mando nuestro Sennor a Moysen que mandasse el
quel tuiesse el sacerdota este tal encerrado siete dias,
e al seteno quel catasse, e si la malautia non cresciesse
nin se ensanchasse mas que antes era enei
cuero que lencerrase otros diete dias, e al seteno quel
catasse otrossi e quel mesurasse bien, e si la malautia
tornasse oscura contra negro e non cresciesse enei
cuerpo, quel iudgase por sano, ca no era gaffez.
E aquel que lo ouiesse lauasse sus uestidos, e fuesse
tenudo por saluo e libre de gaffez. Mas si por uentura,
desque el sacerdot lo uiesse yl diesse por sano,
et la gaffez se le tornasse yl cresciesse e paresciesse
que essa era de tod en todo, mando quel aduxiessen
otra uez al sacerdot e quel iudgasse ya por gaffo sin
otra prueua.
DÉLAS LEYS DÉLA MORADA E DÉLA
UIDA DÉLOS GAFFOS, SEGUND LA
UIEIA LEY
Por quales quier que por alguna destas maneras
de las gaffezas que contamos fuessen por malatos por
juyzio del sacerdot, mando nuestro Sennor a Moysen
93