BIBLIOTECA LITERARIA DEL ESTUDIANTE - Consejo Superior de ...

DE LA GENERAL ESTORIA
aris et alo que nos llamamos carrera dizen ellos me tos:
et destas palabras griegas aris e metos departe Hu-
guicio que es compuesto este nombre arismetica, que
por esta razón quier dezir tanto como carrera que
muestra saber complida mientre la cuenta que dixie-
mos e todas las maneras della.
La segunda es quantia departida otrossi, mas de
guisa que se torna a otra quantia e se ayunta a ella,
e segund esto auemos la música, que es la segunda
arte del quadruuio. Et esta es ell art que ensenna
todas las maneras del cantar, tan bien de los esíru-
mentos como de las uozes e de qualquier manera que
sean de son; e muestran las quantias délos puntos en
que ell un son a mester all otro e tornasse a la quan­
tia del pora fazer canto cumplido por bozes acordadas,
lo que ell un canto non podrie fazer por si assi como
en diatesseron, e diapente, e diapasón e en todas las
otras maneras que a enel canto. E maguer que dixie.
mos ante desto que Jubal, fijo de Lamec el de Cayn
e de Adda su muger, assacara (272) primera mientre
los estrumentos del cantar e ell arte de la música,
pero leemos quela música quelos griegos la fallaron
después mas complica mientre e segund que lo lee­
mos en su libro que fabla desta estoria contescio assi
como contaremos aqui.
(272) Assacara — inventara.
85