BIBLIOTECA LITERARIA DEL ESTUDIANTE - Consejo Superior de ...

OJ8J '"*>
£>£ LA CESERAI. USTORIA
agora aqui por agua ; e faz Tu, Sennor, que ala que
yo pidiere della que me la de et la que mela diere e
dixiere : "Beue tu ca yo dare ati e atos (253) caualleros
que beuan", pido te mercet, Sennor, que esto sea por
sennal que yo connosca, quela que esto fiziese que
aquella es la que Tu quieres por muger pora tu siervo
Ysaac, e entienda yo por esta sennal que feziste Tu
la tu misericordia sobre mio sennor Abraham."
Eliezer non aiue acabada esta oración quando Re­
beca, fija de Bethuel, fue salida déla cibdad con otra
companna de mancebas ; e era ella mancebiella muy
apuesta e muy fermosa, e era uirgen, e trave un
orqo (254) enei ombro, e descendiol a aquella fuente,
et inchol del agua pora tornar se con ella pora su casa.
Estonces Eliezer cato aquellas mancebiellas todas, e
entrellas semeiol mas linpia e mas guisada en su con.-
tenent et sin toda (*) garridencia que las otras pora
seer buena muger, e que tal como aquella serie pora su
sennor, e dexo todas las otras, e uino a aquella c
dixol : "Sennora, dame un poquiello dagua desse tu
orqo que beua." Et respusol ella: "Beue, mio sennor,
quanto quisieres." E baxo priuado (255) el orc,o del
ombro dol tenie alos bracos, e diol abeuer ael e assu
companna quanto quisieron, e dixoles : "Pues que
uos auedes beuido, dare agora a uuestros camellos,
fasta que todos beuan quanto quisieren." E fizo io
assi.
(253) Atos = a tus.
(254) Orco = cántaro.
(*) Toda = ninguna.
(255) Priuado — presto, al punto.
77