BIBLIOTECA LITERARIA DEL ESTUDIANTE - Consejo Superior de ...

LA PRIMERA CRÓNICA GENERAL
que desciende del suyo; et esto fazie por tal que fin-
cassen y por fuerca et se trabaiassen de uencer pues
que uiessen que non auien poder de foyr. Vsaua siem­
pre de traer buen cauallo et ligero et brauo a su poder,
e por esto criauasselo el de potro, et el lo caualgaua
luego de comiendo et todauia (56) et non querie que
otro lo caualgasse, et acostumbraualo de guisa que
se non dexasse caualgar a otro ninguno. Muchas
uezes auinie (57) que, seyendo uencida la su az,
el solo la fazie cobrar, ca se paraua ant aquellos que
fuyen, et tomaualos por las baruas, et torcieles las
ceruizes, et fazielos mal su grado un a uno tornar a
todos, e auien por fuerga a seer buenos; et desta
guisa uencien sus enemigos que los tenien a ellos a
cerca de uencidos. A los malfechores escarmentara
los de buena manera, et perdonaua a aquellos que en_
tendie que non auien tamanna culpa; e a los que non
querien tener con ell et andauan faziendo uandos,
buscaualos mucho, et tormentaualos cruamicntre (¿ti).
E desque uencie alguna grand batalla, soltaua los caua-
lleros de los oficios que auien, et del seruicio quel
auien a fazer, et dcxaua los andar folgando lozanos
et muy uiciosos, e nunqua los llamaua caualleros ni
uassallos, mas mansamientre amigos et companne.
ros; e trayelos todauia (59) bien guisados et mucho
apuestos (60), et faziales traer a todos muy ricas
(56) Todauia — siempre
(57) Auinie — sucedió.
(5?) Cruamicntre — cruelmente.
(59) Todauia = siempre.
(60) Apuesto = hermoso.