BIBLIOTECA LITERARIA DEL ESTUDIANTE - Consejo Superior de ...

ALFONSO EL SABIO
partios dalli con muy grand pesar; pero sopos (29)
encobrir tan bien que non gelo sopo ninguno, e puso
en so coracon dirse daquella tierra e numqua tornar
y mas. E busco carrera cuerno lo dixies a su mugier
de manera que noi pessase ; e las razones quel mostro
quel dexasse yr fueron estas : dixo que quando so
padre muriera en Cezilia quel prometiera de fazer
grandes onras en su sepultura e de dar mucho por
su alma quando conseio ouiesse fazer, ca estonce no
lo uuiara complir nin tenie de que ; mas pues que era
rico e abondado, que en todas las guisas tenie que lo
deuie complir, e por end querie yr alla ; e quel rogaua
quel ploguiesse, ca no lo podia escusar. Ella quando
lo oyó, pésol tan de coracon que mas nom podrie,
e llorando muy fuerte antel, rogol que no lo fiziess.í,
diziendol que non podrie yr a ninguna tierra o tanta
onral (30) fiziessen com en aquella, ni que de tan
sennor fuesse ; e otrossi que non podrie yr a ninguna
parte o fallasse tal cibdat com aquella ni fazella de
nueuo, ni mugier que tantol amas (31) como ellal (32)
amaua ni que tantas onras le fiziesse ni que tanto
ouiesse fecho por el. E demás que bien sabie las yuras
(33) y el pleyto que ouiera con ella quando casaran
que numqua la dexas. Mas por todas estas razones,
ni por otras muchas quel dixo, ni por muchas
lagrimas que echo antel, ni por grande duelo que fizo,
(29) Sopos = súpose.
(30) Onral = honra le.
(31) Amas z=i amase
(32) Ellal ~ ella le '
(33) Yuras — juramentos.
20