BIBLIOTECA LITERARIA DEL ESTUDIANTE - Consejo Superior de ...

£/¿?i?0 £>£ LAS PARTIDAS
los ballesteros que son homes que cumplen mucho a
guarda et a defendimiento del castiello, debe catar el
alcayde que sean átales que sepan bien facer su mees,
ter, et que haya hi dellos que sepan adobar las balles­
tas et las saetas, et todas las otras cosas que convie­
nen a ballestería. Et los otros homes darmas que hi
fueren debe catar que sean homes conoscidos et recios
para ayudar bien et defender el castiello cuando mees-
ter fuere: et si sopiere que entrellos alguno hubie­
se fecho trayción, non le debe hi tener, o si veniese
de homes que la hobiesen fecho. Et otrosí las velas et
las sobrevelas a que llaman montaraces, et las rondas
que andan de fuera al pie del castiello, et las atalayas
que ponen de día, et las escuchas de noche, todos estos
ha meester que guarde el alcayde quanto más podiere
que sean leales, faciéndoles bien et non les menguando
aquello que les debe dar: et halos de camiar (390) a
menudo de manera que non estén todavía (391) en un
lugar. Et el que fallare que non face bien aquello que
debe en el lugar do lo posiere, debe facer justicia del,
así como de home que le quiere facer traydor ; pero
los antiguos usaron a despeñar a los que fallaban dur­
miendo en la sazón que debíen velar pues que tres
vegadas los habían despertados, castigándolos (*) que
lo non feciesen. Et el alcayde que tales homes non
catase para guardar el castiello si por aquello se per-
(390) Camiar =z cambiar.
(39!) Todavía — siempre.
(*) Castigándolos — ensenándoles y aconsejándoles
141