BIBLIOTECA LITERARIA DEL ESTUDIANTE - Consejo Superior de ...

ALFONSO EL SABIO
este poder ell alma enell omne, e enlas animal ias déla
tierra e enlas animalias de los otros elementos; calas
animalias destos elementos sienten el bien e el mal
que Dios, e el temporal que ell omne les faze. Onde el
poder sensitiuno dell alma tanto quiere dezir como
sentidizo o sentidor. pero délas llantas e de los ar-
uoles departimos tanto sobre la razón del sentir, que
quando las cortan todas o algo dellas, que aquello
que ende es cortado que se seca, en que paresce como
una manera de sentir, pero que ell aruol nin la llanta
quando lo cortan o arrancan, ni da bozes, nin faz
roydo ninguno, como animaba que siente el mal quel
fazen e lo muestra por alguna natura de boz.
El poder discretiuo dell alma es enlos omnes, o en-
los angeles buenos e malos, e en Dios. E esta palabra
discretiuo quere dezir tanto como departidizo o de­
partidor ; e esto es, que ell omne, e ell ángel e Dios
an la natura de poder e saber departir entrel bien o el
mal, e qual es la buena cosa equal la mala, et dezir
lo por palabra. E este poder dell alma discretiuo,
íascas (301) departidizo o departidor délas cosas,
como es dicho, non a otra creatina ninguna si non r|
omne, et ell ángel e Dios, que es scnnor sobre todas
las cosas e fazedor dellas. Mas es de saber otrossi,
que ell omne a por natura el poder dell alma que di-
xiemos ueietatiuo que es enlas plantas e enlas otras
animaljas, e es enel omne otrossi; et el sensitiuo
(301) Foscas = casi
100