KARDABERAZ BILDUMA - 2 9 - Euskerazaintza

42 MANUEL DE LEKUONA. OBIiAS COMPLETAS
Itz oietatik argi ageri bait da, guk dioguna: ernaniarrak etziola
betiko aserrerik gorde andoaindarrari.
Dana dala, eta "joanak joan", aizkenik A. Larramendi'k bere eriotzako
orduan etzuan arkitu gure A. Agustin bezelako laguntzallerik ordu
estu artarako. A. Agustin'en besoetan eman zuan bere azken-arnasa Loyola'n,
1766'gn urtean, gure ernaniarraren santutasunari aitormen ura
egin naiez, bear bada, lengo zakarrerien ordañetan.
•TP ^P w
Eta orain, A. Mendiburu aipatu degun ezkero, aurrera jarraitu baño
len, konpara ditzagun elkarrekin, Jesus'en Biotzaren Apostolu biok,
oyartzuarra eta ernaniarra, eta ikusi zertan ziran elkarren antzeko eta
zertan ez A. Agustin eta A. Sebastian.
Biok euskal-idazle gotorrak izan genituan; biok Jesus'en Biotzaren
jaieraren —orduan oraindik jaiera berriaren— zabaltzalle ta Apostolu
langille, asper-gaitz Euskalerri guzitik zear; biok euskal-sermoilari bikañenetakoak
—A. Mendiburu'ri "Zizeron euskalduna" esaten bait zioten—:
A. Mendiburu Nafarroa'n batez ere, eta Gipuzkoa'n; A. Kardaberatz
Gipuzkoan, bañan batez ere Bizkai'an, Araba'n ere bere saioak
egiten zituala. Gureak amalau bat liburu labur bezela, oyartzuarrak gutxiago,
bañan askoz luzeagoak argitaldu zituan: "Jesus'en Biotzaren
débozioa" batez ere, eta bere "Otoitz-gai", luze ta zabal, ots aundikoak:
11 tomo zortziurreneko... Biok, idazle oparoak.
Lanaren tonikari bagagozkio, guretzat ernaniarra bioztunago genduan;
oyartzuarra burudunago, zerebralago. Biok "izlari": ernaniarra
beroago, oyartzuarra apañago, eleganteago; bañan biok, itz-jario errex ta
oparo.
Bañan goazen orain, leen aipatu degun puntu garrantzitsu ura ukitzera.
Gure A. Agustin'ek —esan dizuet— amalau bat liburu ditu argitaratuak,
guzitara; eta amalautatik amairu —egoki ere itxuraz ala zan-da—
amalautatik amairu jaungoiko-gaiezkoak. Bestalde, bere bizitzaz ere,
etzan ura nolanaiko jaungoikozkoa, mistiko goren-gorenekoa baizik, Er-