KARDABERAZ BILDUMA - 2 9 - Euskerazaintza

32 MANUEL DE LEKUONA. OBRAS COMPLETAS
igota, apustu egin zuan etxe artako jentillakin: baietz pasa berak garipilla,
batetik bestera, salto batean... Ezetz. Baietz...
Eta, esanda-egin : abiadura artuta, itxuraz indar guztiakin, salto,
gure mutillak! Eta, gari-pillaren erdi-erdian sasta!
An ziran algarak, San Martin Txikiren bizkarretik! Eta berak ere,
bai, lotsa-plantak, apustua galdu zualako. Bañan barrutik poza. Oñetako
abarka ta mantarrak naiko garia jaso bait zuten, ixil-ixillik Atauna eraman
eta an ereiteko.
Jentillak berealakoan etzioten igerri San Martin Txikiaren azarikeriari.
Bañan gero bai. Bañan ordurako, lotsa-plantak egiñaz, ba zijoan
gure mutilla leguerdi-bidean. Eta joaten ikusirik, jentillak, beren amurruan,
aizkora jaurti zioten. Ez alperrik! mutilla jo bearrean aizkora,
burruadaran, gaztain-ipurdi batean sartu omen zan. Eta, oraindik ere,
an ageri omen da, gaztain-ipurdian aizkoraren zastada.
* * *
Eskutada-pare bat gari-ale izan omen zan guztia; bañan naikoa,
soroan ereinda, urte gutxiren buruan, Ataunen eta ingurumarian garisoro
ederrak sortzeko.
* * *
Ipui ontan —historiaren testigu— gauza bat ageri da : gure mendiartean
nekazaritzarik etzan garai bat izan zala. Eta Nafarroako erriberan,
bai. Eta gure Nekazaritza Nafarroatik-eta sortua degula Cipuzkoan.
AXULAR APAIZARENA
Axular Apaiza, Apaiz jakintsu-Jakintsua zan. Salamankan ikasia.
Salamankan, Ikastaroetako Unibertsidade ospatzuaz gañera, ba zan
beste jakinduri-iturri bat ere. Bañan patu txarrekoa. Etsaiaren koba bat,
inguru aietan. Koba artan erakusten bait zituan etsaiak bere arte txarrak.
Eta, aldian-aldian joaten zitzaizkion estudianteren batzuek, arte aiek
ikastera.
Gure Axular ere, bere jakiteko kutiziaren kutiziz, joan zan, bein
batean, etsaiaren koba artara. Etsaiak arrera ona egin zion. Eta baita