55 - Biblioteca Virtual Miguel de Cervantes

Madrid desde el año 1235 hasta el de 1275 . Ilustraciones y textos de la vida de San Isidro por Juan Diácono
Don Alfonso por la gracia de Dios Rey de Castiella, de Toledo, de Leon, de Gallicia, de Sevilla, de
Córdova, de Murcia, de Jahen é del Algarbe, á vos Pedro Gonzalez mi omme, salut é gracia.
Sepades que el conceio de Madrit se me embiaron querellar, é dizen que les non dexades pacer,
nin cortar, nin cazar, nin facer carvon en aquellos montes que solien. Et pidiéronme merced que yo
mandase y lo que toviese por bien. Onde vos mando que les dexedes pacer, é cortar, é facer carvon
en estos montes que solien fasta aquí, fasta que yo salga á la tierra é lo libre commo toviere por bien.
Et si alguna cosa les ovierdes tomado ó pendrado por esta razon, entregad gelo luego todo. É non
fagades ende al. La carta leyda, dátgela.
Dada en Toledo. El Rey la mandó, treynta dias de desienbre, Era de mill é trezientos é seis annos.
Johan Ferrandez la fizo por mandado de Maestre Gonzalo Dean de Toledo. Yo Alfonso Gonzalez
escrivano público en Madrit por Per estevan é Munno Garzia, notarios públicos de nuestro señor el
Rey en este mismo logar, vi la carta sobredicha, onde saqué este traslado, é en testimonio fiz aquí
este mio sig†no.
Esta carta es escripta en pergamino de paper seellada con su seello, la cual carta vino cerrada.
71