55 - Biblioteca Virtual Miguel de Cervantes

Madrid desde el año 1235 hasta el de 1275 . Ilustraciones y textos de la vida de San Isidro por Juan Diácono
officio substituti, electiones ipsas super quibus, tam predecessoris ipsius quam nostro tempore diutius
fuerat litigatum 133 , iustitia cassavimus exigente. Ipsis autem cassatis, Nos considerantes quod,
cum ad discordiam natura sit prona humana et in Ecclesia prelibata iam erecti viderentur parietes
ad scissuram, quantumcunque ipsi Ecclesie, velut inter alias nostre filie predilecte, ac illius personis
quas in charitatis continemus visceribus libenti animo deferamus, ex premissis tamen ac ob recentis
maxime, que ibidem succrevit, fomentum discordie, verisimiliter dubitantes quod, si electionem
denuo vobis remitti contingeret, vobis discoherentibus, nova ex hoc ibi dissensio suscitari, ac
per consequens Ecclesia ipsa, que non modico iam tempore proprio mansit viduata ministro, novis
multis discriminibus posset exponi, ejusdem Ecclesie utilitate inspecta, provisionem illius de suscepte
potestatis Apostolice plenitudine nobis duximus reservandam; et demum, de salubri ejusdem Ecclesie
ordinatione, ne prolixioris vacationis subjaceret dispendiis sollicite cogitantes, in hoc vacavimus ut
vir utilis inibi poneretur, qui ex propriis juvaretur meritis, et per quem Ecclesie status ipsius, qui
lapsui expositus videbatur et potentis plurimum indigebat cura rectoris, reparari efficaciter, defensari
magnanimiter Ecclesia ipsa posset ac feliciter gubernari.
Ad dilectum, igitur, filium Sancium 134 , Electum Tholetanum, qui de regia stirpe ortus ac
magnis potens viribus serenissimam sui prosapiam generis, moribus gratis, conversatione placida,
honestate vite, discretionis maturitate, aliisque succesivis bonitatis incrementis et laudabilibus
virtutum actionibus, quibus assidue proficit, nobilitare conspectius et ostendere clarius comprobatur,
nostre mentis oculos convertentes; et considerantes quod sepedictam Ecclesiam, que multe coruscans
privilegio dignitatis inter ceteras partium illarum Ecclesias nobilitate preeminet, nobilis decore sponsi
decet ornari; ipsum S[ancium] tunc capellanum nostrum et abbatem secularis Ecclesie de Valle Oleti,
Palentine diocesis, non obstante defectu quem in etate patitur quemque de predicte supplevimus
potestatis plenitudine, de fratrum nostrorum consilio, ut Dei nomine ipsi Ecclesie Tholetane, quam
in ipsius S[ancii] promotione honorari ac etiam exaltari pensamus, in Archiepiscopum preficimus
et pastorem, curam et administrationem illius tam circa spiritualia quam temporalia sibi totaliter
committentes, spe grandi retenta quod per fructuosam ipsius Electi potentiam, et datam insuper sibi
a Deo industriam, Ecclesia eadem ab instantibus sibi quibus patet periculis liberabitur, ab adversis
et nocuis preservabitur in posterum, et non solum in suis bonis juribus immunitatibus et libertatibus
magnifice conservabitur, verum etiam optata felicitatis et prosperitatis augmenta spiritualiter
133 Véase la bula del mismo Papa, dirigida al Rey (31 Marzo, 1266). Potthast, 19597.
134 Hijo de D. Jaime el Conquistador y cuñado de D. Alfonso X.
67