55 - Biblioteca Virtual Miguel de Cervantes

55
Madrid desde el año 1235 hasta el de 1275 . Ilustraciones y textos de la vida de San Isidro por Juan Diácono
25 Abril 1235. Ordenanza sobre dotes, arras y bodas.- Archivo municipal de Madrid, Códice del
Fuero , fol. 26 r., v.- Cavanillas, Memoria sobre el fuero de Madrid , pág. 47.
A esto son avenidos los jurados, et los alcaldes, et los fiadores, et todo el concejo de madrit:
Que todo homme que casare en Madrit 2 con manceba, dél L morabedís por vestidos et per calças,
et per pan et por vino, et per carne et per çapa[t?]as 3 , et non dé mas; et esto sea dado por toda la
mission de la boda. Et qui casare con bibda, dél XXV morabedís por toda mission 4 de boda. Et dé la
novia al novio, quier manceba ho quier bibda, XXV morabedís por bestido, et non le dé mas. Et todo
omme del aldea, que casare con manceba, dél XXV morabedís por toda mission de boda. Et qui casare
con bibda, dél XV morabedís por toda mission de boda, assí quomo es sobrescripto. Et dé la novia al
novio, quier manceba ho quier bibda, XV morabedís et non mas por bestido et por toda mission de la
boda. El dia del desposorio non dé el novio jantar ninguno.
Et ningunos 5 que esto fecho quisieron quebrantar sea alevoso et traidor del conceio de Madrit, et
non éntre mas en testimuño, nin en portiello ninguno; et peche C morabedís en coto. Qui los tomare
de mas, peche C morabedís; et qui lo diere de mas, peche C morabedís. Et esta calonia 6 cóiala un
jurado et uno alcalde et uno fiador; et si por mengua destos coiedores lo perdiere el conceio, salgan por
alevosos del portiello, et pechen este [pecho] 7 . Et ninguno omme, qui pidiere pedida, nin ajuda per á
boda, clérigo nin d[e orden?], nin per ninguna cosa, peche X morabedís qui lo diere, et X morabedís
qui lo pidiere. Et [todo] quanto es en estas [III] cosas, per á boda et per alguacil et per alcalde [et todos
estos morabedís sean per?] á llas carreras 8 que oviere de facer el conceio.
2 Cavanilles «madrid.»
3 Cav. «capuzas.»
4 Cav. «la mission.»
5 Esto es, quienquiera.
6 Multa.
7 Cav. «pechen esto.»
8 Caminos
5