55 - Biblioteca Virtual Miguel de Cervantes

76
Madrid desde el año 1235 hasta el de 1275 . Ilustraciones y textos de la vida de San Isidro por Juan Diácono
Viterbo, 13 Junio 1258. Bulas de Alejandro IV en favor del monasterio é iglesia de Santo Domingo
el Real. -Ripoll, Bullarium Ordinis FF. Praedicatorum , t. I, pág. 365; Potthast, 17303 y 17304.
Alexander Episcopus, Servus Servorum Dei, dilectis in Christo filiabus Priorisse 97 et Conventui
Monialium inclusarum Monasterii de Maiorito Ordinis S. Augustini, Toletane diocesis, Salutem et
Apostolicam benedictionem.
Devotionis augmentum vobis provenire confidimus, si super his, que digne deposcitis, Nos
benignos ad gratiam habeatis. Cum itaque vos, prout accepimus, secundum Instituta dilectorum
filiorum Fratrum Ordinis Predicatorum, sub eorum cura et etiam sub clausura vivatis, Nos vestris
supplicationibus annuentes, presentium vobis auctoritate concedimus ut privilegiis et indulgentiis,
eidem Ordini Predicatorum ab Apostolica Sede concessis, vobis competentibus, quandiu iuxta
Instituta ipsorum el sub eorum cura vivatis, uti et gaudere libere valeatis. Nulli ergo, etc.
Datum Viterbii, Idibus Junii, Pontificatus nostri Anno Quarto.
Alexander Episcopus, Servus Servorum Dei, universis Christi fidelibus, presentes litteras
inspecturis, Salutem el Apostolicam Benedictionem.
Vite perennis gloria, qua mira benignitas conditoris omnium beatam coronat aciem civium, a
redemptis pretio sanguinis, fusi de pretioso Corpore Redemptoris, meritorum debet acquiri virtute;
inter que, illud esse pregrande demonstratur quod ubique, sed precipue in Sanctorum Ecclesiis
Majestas Altissimi collaudetur. Rogamus itaque universitatem vestram et hortamur in Domino, in
remissionem vobis peccaminum iniungentes, quatenus ad Ecclesiam dilectarum in Christo filiarum
Priorisse el Sororum de Maiorito, Toletane Diecesis, que in honorem Beati Dominici Confessoris
constructa esse demonstratur, imploraturi a Domino delictorum veniam, in humilitate spiritus
accedatis. Nos enim ut Christi fideles quasi per premia salubriter ad merita incedant, de omnipotentis
Dei misericordia et Beatorum Petri et Pauli apostolorum eius auctoritate confisi, omnibus vere
penitentibus et confessis, qui ad Ecclesiam predictam in singulis festivitatibus gloriose Marie Virginis
et ipsius Beati Dominici Confessoris ac Sancti Petri Martyris, eiusdem Ordinis professoris, et septem
diebus immediate sequentibus, causa devotionis accesserint, annuatim, centum dies de injuncta sibi
penitentia misericorditer relaxamus.
97 Doña Sol.
43