55 - Biblioteca Virtual Miguel de Cervantes

74
Madrid desde el año 1235 hasta el de 1275 . Ilustraciones y textos de la vida de San Isidro por Juan Diácono
Toledo, 30 Setiembre 1257. Don Bartolomé, arcediano de Madrid. Permuta que hicieron el
Arzobispo y Cabildo de Toledo de lo que poseían en Peñafiel con lo que tenía en Ciruelos Domingo
Perez.- Liber privil. eccl, tolet. , fol. 174 v.
Noverint universi, presentis scripti seriem inspecturi, quod nos Sancius, divina providencia
Toletane sedis Electus hyspaniarum primas domini Regis Cancellarius; et Magister D[ominicus]
Decanus et Capitulum Toletani, Considerantes et ex variis experimentis certo certius comperientes
permutationem ecclesie nostre fore valde utilem in presenti, et in posterum proculdubio profuturam,
de possessionibus quas nomine ecclesie nostre possidemus in villa de Penafiel et in territorio suo,
ad invicem faciendam cum possessionibus, quarum dominium vos, Dominicus petri, habetis in villa
de Ciruelos et in territorio suo, que villa confinis est ville que dicitur Yepes, ex donatione domini
Sancii, Electi prefati; Titulo permutationis, in vos Dominicum petri transferimus, quoad possessionem
et dominium, quidquid juris habemus in possessionibus, domibus, terris, vineis, acceniis, ortis, rivis,
pascuis, vassallis et aliis pertinenciis, que nomine ecclesie nostre en Penafiel e t in districtu suo
possidemus, vel possidere debemus, vel etiam detinemus; et Titulo permutationis recipimus a vobis,
dicto Dominico petri, possessiones, s[cilicet] terras, vineas, vassallos, montes, pascua, rivos, fontes
et omnia alia jura, que vos Dominicus petri habetis, seu habere debetis, ex donatione prefata.
Et ego dictus Dominicus petri quidquid juris habeo ex donatione excellentissimi domini mei domni
Sancii Electi Toletani, in possessionibus prefatis, sitis in villa de Ciruelos et in districtu suo, quoad
dominium et possessionem, transfero in vos, venerabiles patres, Excellentissime Electe et Capitulum
Toletani, nomine ecclesie Toletane; et Titulo permutationis recipio a vobis possessiones prefatas,
quas possidetis vel possidere debetis et detinetis en Penafiel et in districtu suo.
Et nos, prefati Electus et Capitulum ex una parte, et Dominicus petri ex altera, promittimus bona
fide permutationem predictam, sine diminutione alicujus capituli presentis permutationis, integraliter
observare; et ad invicem stipulamus penam Mille Marcharum, observanti eam ab eo qui contra
presentem permutationem, seu diminutionem in parte vel in totum, venerit vel venire temptaverit,
persolvendam. Et ut hec in dubium venire non possint, nos prefati Electus et Capitulum presentis
permutationis cedulam, singulorum nostrum presencium subscriptionibus roboratam, sigillis nostris
fecimus communiri.
Datum Toleti, ultima die Septembris, Era M.ª CC.ª Nonagesima V.ª
40