Gure - Urremendi. Landa Garapen Elkartea

Ze momentutan dago udalerria?
Ibarrangeluk azpiegitura eta zerbitzu sozialen arloan
garapena euki dau. Azken hiru urteetan bi zentro neuralgiko
ordenatu eta urbanizatu dira: Elixalde eta Ibaeta. Eleixalden
zerbitzuak, tabernak, dendak, mediku edo bankuak dagoz.
Aparkaleku falta arazoak daukoguz, baina ingurua osatuta
dagoela esan leiteke. Ibaetan, udalerriko zerbitzu sozialak
eta kulturalak batzen dira jendeak bizia emoten deutsela.
Gainera, aparkalekuak eraiki dira eta urbanizatu egin da
oinezkoek lehentasuna daukela. Ileapaindegia, podologoa,
udako ludotekea, nagusi eta umeentzako ikastaroak. Herriko
jendea batzeko, Arbolizeko txokoa daukogu, gainera
astelehenetan Akordara doan autobusa eta momentuko
gauzetarako taxi-furgonetea be badaukoguz. Ikasturte
honetan, Haurreskolea zabaldu da, 0-3 urte bitarteko
umeentzat eta badagoz sei ume. Haurreskolea izateko
gurasoen parte hartzea beharrezkoa izan da eta udalarentzat
pozgarria da, herritarrek bizimodu sozio-kulturala herrian
zertzen dabelako. Herri dinamikoa da Ibarrangelu, sare sozial
haundia dauko eta hau oinarririk inportanteena da.
Zein izan da proiekturik inportanteena Ibarrangelun?
Proiekturik haundiena geure herritarrak dira, euren ondoan
egon eta eurei entzutea. Lagun bakotxaren arazoak
betetzeak dauko lehentasuna. Gizarte eta azpiegitura arloak
alde batera utzi barik bizi kalitatea hobetu eta herri
dinamikoa eta euskalduna egiten jarraitu. Auzoak hobetzen
segidu behar da. Ibarrangeluren gerorako funtsezkoak dira.
Oinarrizko beharrizanak daukez eta bete egin behar dira,
Durukiz, Garteiz, Merru edo Tremoiako saneamendua eta
Akorda hobetzea amaitu. Neguan autobusa joaten ez dan
inguruetara: Laida, Laga, Lastarria edo Antzoras, hau
lortzeko beharrean gabiltza .
Eta epe ertain edo luzera, zein proiektu burutzea
gustatuko leuskizu?
Proiektu haundi bi garatzea gustatuko leuskigu. Bata,
GEURE ALKATEAK
JESUS MARI ZILUAGA
IBARRANGELUKO
ALKATEA
"Ibarrangelun
Legegintzaldi honetako
oinarri nagusia sare
soziala da”
etxebizitza sozialak izatea, gazteei herrian bertan bizitzen
geratzeko aukerea emoteko. Hauxe izango litzateke ardatza
epe labur-ertainean. Bestea, adin nagusiko jendearentzako
zentroa. Honetan beste erakunde batzuen partaidetza
ezinbestekoa da. Proiektu biak estrategikoak dira eta herriko
lagun guztiak konforme egongo leitekez. Herriarentzako
gainontzeko proiektuak hipotekatu barik jakina. Udal lokal
gehiago be behar doguz, ze Kultur ingurua, zorionez txiki
geratu jaku herriaren giza-eskabidea beteteko. Hurrengo
10-15 urteetarako gura dogun Ibarrangelu marraztu behar
dogu, eta hori Plan Orokor barrian egingo litzateke. Datorren
urtean HAPO burutzen hasi behar da, geure beharrizen eta
desioekaz bat datorren Ibarrangelu diseinatzeko. Herria
ikuspegi kolektiboagaz eraiki gura dogu, badagoena, bai
gazteen zein nagusien artean, ze borondatez dabiltza
beharrean herriaren alde. Aurrera egin gura badogu,
oinarrizko kontuetan batu egin behar dogu,
ibarrangelutarren iritzia geure eginda.
Ibarrangeluk Euskadiko hondartzarik
garrantzitsuenetariko bi daukoz. Zer egoeratan dagoz?
Ibarrangelun badakigu inguru honetan bizitzea pribilejioa
dala, eta hau baserritarrek jagon dabelako da; baina
hondartzen egoerea hobetu beharrean gagoz. Segurtasun
eta masifikazino arazoa daukogu. Aparkalekuaren kontua
ikuspegi orokor batetik eta garraio publikoagaz konpondu
behar da. Aldundiaren laguntzeagaz udan jenderik gehien
etortzen dan hondartza biak daroaguz aurrera. Laidan eta
inguruan autoen abiadurearena be badago. Ezin da izan
udan jendea etortea eta 2000 auto eukitea bueltaka Laida
eta Laga artean, hori ez da jasangarritasuna. Bestalde, Lagako
proiektua ez dago gure eskumenean eta barriro be, Kostas
hutsetik hasi da. Eskumalde guztian iraunkortasuna
bermatzeko eta herriak batzeko, Sukarrieta, Kortezubi eta
Gautegiz-Arteagak proiektu bateratu bat daukogu:
bidezidorra egitea, jendea paseoan joateko herrien ingurutik;
1go fase batean Ibarrangelutik Lagara izango litzateke.
URREMENDi 19