Gure - Urremendi. Landa Garapen Elkartea

GEURE ALKATEAK
Azpiegitura barriak eta gaurkotuak, Foru gaur egun
auzotarren eta euron beharren neurriko udalerria da?
Forun akzesibilitate legea urigune osoan betetzen dogu.
Behar tekniko, diseinu eta aurrekontuari jagokonez, ahalegin
itzela izan da. Proiektu guztiak auzotarrekaz adostu dira;
beraz, onak dira ez daukot dudarik. Uriguneak %100
akzesibilitate bermea izateak eta ezintasunen bat daukenak
herrian errezago ibili ahal izateak poztu egiten gaitu; harro
gagoz; gainera, landa inguruak asfaltodun bideak daukoz,
eta basoak be probetxua atarateko zein larrialdietan suteak
amatetako arazorik ez egoteko moduan egokitu dira. Foru
eredua da EAEan, Euskalteleko zuntz optiko sarea daukon
1000 biztanletik beherako udalerria dalako. Ahalegina
haundia izan da, ze lurpeko azpiegiturak udalak ordaindu
dauz. Behar asko egin dogu operadore pribatua kablea
ipintzeaz baino ez da arduratu. Udalaren ekimen honegaz
urigunearen %90 izango dau zerbitzu hau uri-gasagaz
batera. Gainera, elektrizitate eta komunikabide sare guztiak
be lurperatu doguz ingurumenaren alde. Herri atsegin eta
bertaratzen oso erreza lortu dogu.
Zertan oinarritu dozuz orain arte martxan ipini
dozuezan proiektu guztiak? Zein da harro sentiarazoten
zaituena?
Gure apostua zerbitzu guztiekaz hornitzea izan da, landa
eremuan be bizi kalitatea bermatzeko. Helburu horren
adibidea Baldatikako ekimena dogu. Auzoa orain arte ez
eukon ur eta saneamendu zerbitzuaz hornitu dogu. Herritik
3 kilometrora dago eta 300 metroko altitudean. Kostatu da
ura eta saneamendua bertaraino eroatea. Proiektu haundia
izan da, baina lurpean dagoanez, laster ahazten da.
Inbertsino galanta izan da eta beharrak gorabeheratsuak
izan dira. Baldatikak leheN 12 etxebizitza eukozan eta gaur
egun bikoiztu egin da. Gainera, bestelako zerbitzuak be ipini
doguz: zabor-bilketa, auzokoek udalerriko ekintza eta
iragarkiak jakiteko iragarki-taula, jolas parke txikitxua, edo
txoko gastronomikoa. Eta hemendik gitxira beste zerbitzu
18 URREMENDi
IGOR DUÑABEITIA
FORUKO
ALKATEA
"Herri atsegina lortu dogu,
zerbitzu guztiak daukozana
eta bertaratzen erraza
%100"
barri bat be izango dogu, ze Bernardo Deunaren eleiza
ondoan erabilera sozio-kulturalerako eraikina izango dugu.
Liburutegia, ludotekea, hartuemon kulturala eta jaietako
urteko meza nagusia be hantxe eukiko doguz. Foruk
badauko bizi duina eroateko besteko oinarrizko zerbitzuak.
Edateko uraren hodi barriak ipini dira, udalerri osoak dauko
saneamendu sarea Armotxerri auzoak izan ezik, eta berton
laster hasiko dira beharrak. Honegaz Foruko etxebizitzen
%99k saneamendu zerbitzu barria eukitea lortuko dogu.
Foruko hartuemon sozio-kulturalak be indartu dira.
Herriko bizitza sozio-kulturalean udalak eta herritarrek
parte hartzea ezinbestekoa da?
Forun jarduera sozio-kultural haundia eta ugaria dago. "Foru
Ezagutuz" herri martxatik hasi eta auzoetan ospatzen diran
jaietara. Herritarrak animatu gura dodaz udalerrian
antolatzen dan edozetan orain arte lez parte hartzera. Horixe
da daukogun eta gauzarik onena eta: partaide izatea.
Etorkizunari begira ze planteamendu gustatuko leuskizu
martxan ipintzea?
Nik neuk 3 proiektu gura neukez martxan ipini,
ordenamendu eta garapenaren gaineko HAPO berriaren
barruan. Bide barriak, aparkalekuak, oinezkoentzako
inguruak eta etxebizitza sozialak egiteak dauko garrantzia
bertan. Kirol eraikin estalia egitea be planteatzen da. Eta
hirugarrenik, eko-museo bat, geure aurrekoak zelan biziziran
erakusteko eta geure aztarnategi arkeologikoak batzeko.
Etorkizunean Foru 20.000-30.000 biztanleko edozein
udalerrik euki ahal dauezan zerbitzu guztiekaz ikusten dot.
Gaur egun, zaharren egoitzea, jatetxe onak, merkatalgunea,
industria… daukoguz. Bihar-etzi mediku kontsulta haundi
eta modernoagoa daukon Foru, jubilatuen etxea daukon
Foru, hotela daukon Foru eta erabilera askotarako eraikin
kulturala daukon Foru gura neuko. Asko egin da, baina asko
dago egiteko. Horretarako behar-beharrezkoa da garapen
ekonomiko koordinatua.