El Alcaugüé - Chistabinos.es

NUMERO 10
Primavera 2011
El Alcaugüé
La presentación
Como dice la copla, “ya se ha pasau el invierno, y son en primavera...”,
y ya tornas a tené en las tuyas mans el numero diez, na menos, de El
Alcaugüé
Como de contino, una cursa per la nuestra cultura chistabina, y gracias
a toz es que se i fan, se ha puisto desempeñá y, a la fin, torna salí ta
deván dimpués de tres meses, qué más quies.
Y un atra vez tornán a repetí el nuestro cuento enfadoso: que lindingo
lindango von fendo; que el agüerro zagué ha estau atapizau de actividás de la
Junta Cultural Las Fuens, y ixo ye siñal de que i hay interés que a sabelo per
recuperá lo nuestro, per contalo, per vivilo y, de paso, per deixalo escrito en
El Alcaugüé
En este numero, amás de las colaboracions de atras veces, von a concretá
dos actividás en las que toz nos i tendrén que enflascá ta sacalas ta
deván: per un lau El Museo Virtual, que ya ye en marcha y que en Otubre
mirarén de presentazos la primera entrega; en las paginas de más de dentro de
este Alcaugüé tos dirén cuála ye la colaboración que pedín d’es vecinos y amigos
de Chistén. El atro asunto ye el de la Biblioteca; dentro de no cosa tos
brindarén una güena biblioteca en la que podrez trobá un rabaño libros atapizaus
de quí el sabe las historias. Así que, animo, a leyé. Tamién trobarez una
reseña chiqueta en esta revisteta, que concreta una miqueta más este tema.
Y no von a olvidanos de atras actividás que entre toz –perque toz en
yeran invitaus– hen celebrau: Matacilla, Las Vilás, Día del Jabón, y otras que
i dirén arriatando. Y no nos cansarén de repetí que lo que la Junta las Fuens
propone ye ta empuxalo entre toz y ta disfrutalo con toz. En el numero 11 ya
tos informarén de una caterva de actividás; amás en ixe numero i habrá bel
cambio en la Maquetación de la revisteta.
Desde la Junta Cultural Las Fuens querén seguí apostando per la participación
de toz; querén que el lema de “entre toz, con toz y ta toz” poquet a
poquet se vaya fendo realidá. I no tenén mas remedio, si no qerén que la
nuestra historia, las nuestras tradicions crabuten per menos de no cosa.
. La Redacción.

Las nenas y es nenes de l’ascuela
Página 2
cosetas pagina
La presentación 1
Las nenas y es nenes de l'ascuela 2
L'antrevista 3
Rimedios de Casa 8
Fetas del lugá 9
Biblioteca 16
D'el museyo virtual 17
Los bosques del valle de Chistau 18
La noche des cuentos 21
Memorias de una maestra 22
La birolla 24
Ni una a drecha 25
Cosetas de Aquí 26
El rinconé d'el Ayuntamiento 27
Contraportada 28
Dende carnabal hen estau troballando con es ninos
en la escuela es carnabals de toz es lugars de Chistau
y de Bielsa. Ellos se ban disfrazar ta fer-se un
libret. Tos nimbio una foto con toz bien majos. I
hai una miqueta de tot, madamas, onsos,... y bel
muyén esbagarau.
Han traballau en este número
Angel Luis Villa
Ayuntamiento de Gistain
Eugenio Vispe Palacin
Gloria Arranz Pardo
Javier Vispe Mur
Joaquin Villa
Josefina Ballarin
Julian R. Salvador
Manuel Dueso
Maria Pilar Villa
Maria Rosa Vispe Palacin
Rosario Zueras
EL ALCAUGÜÉ

L’antrevista
El Siñó José Gusana.
El día ye na más que
mediano, pero claro, bela vez
tiene que plevé, asinas que el
batiauguas no estorba ni una
mica to dindo cara casa Gusana;
me acompaña Ana, la sobrina
de Pepe; esta mañana le ha
preguntau si me querría fe
cuentos, y le ha dito que venise
cuan me paixese.
Pepe ye astí, en la cocina,
fendo fuego en la cocinilla.
Le decín güenas; se nos mira
fito-fito, s’enrride per dentro.
Le digo ta qué viengo, que si le
bagará de feme bel cuento.
–Sí, hombre, sí; toz es que
quieras.
Pepe ye asinas: campechano, de
bien güenas maneras. Me da
permiso ta fele bel retrato; m’en
anseña uns que le van fe ya fa
años, con el burro, apuramente
en la Fuen de Ciella; un periodista
va allegá per alí, y l’en va
dechá; Pepe le va preguntá si no
l’en querrían nimviá bel una, y
d’alí a un tiempo que le van
allegá per el correu.
Ana ya s’en va; tiene
fayenas; conque aquí nos
quedán con Pepe. Y empecipia
la suya historia asinas...
–Voy nacé el 15
d’agosto del año 29; ¡mira, el
mismo año que es tuyos pais, y
Cecilia Rafel, Justa d’el Sastre,
Nieves de Pedresón...! Oh, yeren
uns cuantos aquel año. La
NUMERO 10
mía may yera segando en Viciele;
se va trobá mal, va baixá
ta casa, y aquela mesma noche
voy nacé yo. El mismo día, golica
Agustín se va cortá con la
falz, tamién segando; ¡menuda
chulla no se va fere!; la falz,
astí an que la veis, tiene un corto
muy bruto.
Yeren seis hermanos –
Pepe continúa–: dos mullés, y
cuatro varóns; yo yere el primé,
dimpués Felicidá, Rosalía,
Jesús y Joaquín.
Ta la Guerra von jopá ta
Francia. Cuan diben a allegá
alí, per el Puerto, ¡menudo nevazo
no i heba!; de Las Collás
t’alto, obligaban al lugá a tené
ubierto el camín. Aques días,
Vitorina Zueras va nacé en la
borda El Pequeño de La Ribera.
Y von torná per Irún, en tren;
alí nos van fe espullá a toz, nos
van sacá tot el dinero que levaben,
igual rojo que d’es nacionals.
Y tamién nos van da un
papel ta levalo ta el banco; nos
van decí que nos lo tornarían;
conque cuan von allegá a Güesca,
el von di a cobrá; von corré
toz es bancos, pero que aquel
papel que no valeba ta cosa.
De todas maneras, es
cuentos de la Guerra te meten
mal ansís; ye mejó charrá de
atras cosas, ¿no te país?
De chicot, ta la escuela i
voy di poco: entre que yere el
primé, y el pay que yera cazadó...
de 11 años ya me van
foté de vaqué en Lisier; ya sabebe
feme de comé; cuan no i
hay atro rimedio, ¡ya lo creo
que t’espabilas, y bien aprisa!
Dimpués, ya de verano,
me van afirmá ta Chía, ta casa
Blingé; Mercedes de Pardina
yera alí, casá. El día de Tosantos,
–yo ya tenebe 12 años– la
dueña va tené dos críos; un se
va escaldá de chiquet, enredando;
van allegá un día cuatro
mozas de Casa Sansón, de alí,
de Chía, y no sé cómo se va
cayé un criyet en una caldera
que feban bullí con revolés; se
va morí decamín; ¡menuda feta
aquela! Concha Peré yera alí
tamién, servindo.
Página 3

Cuan ya tenebe 26 años,
voy torná de pastó t’aquela casa
y, ¡mira qué ancierto!, el 24
d’agosto la dueña un atra vez se
mete en parto de gemelos, conque
me van fe torná ta da el
mandau en casa Pardina, y que
les nimbiasen una criá; i yera
alavez María Santiago, pero
claro, que l’aprecisaban, conque
venga mirá y a la fin, en
San Juan, te van trobá a Josefina
Laplaza. Yo, menudo escamallo,
primé t’aquí, y güelta
t’allá; ¡feba una caloriza!; un
rato me voy tumbá en un prau,
manera de ronpé el aliento.
En aquela casa se quedaba
un maestro de Cartagena;
¡yera tan friolé!; continamente
el tenebas dencima del fuego;
cuan borrasquiaba, deciba que
yera nevando, ¡a fi a fe! A la
dueña, cuan yera embrazá, le
deciba: “Usté, ta la Fiesta,
podrá tocá el bombo”; yera
chocante aquel maestro.
De 12 años, ganabe al
día menos de una peseta: 25 al
mes; fe las cuentas. Es dinés
l’en dabe al pay; siempre l’en
hebe dau al pay.
Un año van fe vení una vaca de
Miquel, de San Juan, ta matala
en casa. Muchos benasqueses
teneban la costumbre, toz es
años, de matase una vaca ta casa...
A Pepe es ricuerdos le
van allegando a cheta, a bocillóns,
como si tenesen ganas
de salí ta difuera. Toz allegan
con la fecha, como si acabasen
de pasá, como si fesen apuntaus
en bel lau... u almejó en son,
quí el sabe.
Página 4
Torna a esplevizoniá;
per la ventana de la cocina se
veyen las boiras negras, anque
per par d’aquí naide les ne fa
caso; ¡qué les vas a fe a las boiras!,
ya farán lo que calga. Aquí
en la cocina ¡s’está tan bien!
Pepe i torna…
–Cuan tenebe que fe la
mili, yere servindo en Las Paúles.
Voy vení el 16 de febrere,
con Paulino, el pariente éste de
Picorota; se nos va fe de noches
antes d’allegá a San Juan. En
San Mamés yera d’armitaño un
de casa Andréu; le von pedí que
nos fese un vaset de vino; y sí,
sí, ya el va sacá, ya, pero entre
que teneba las mans fetas de
fiemo, la botella del vino igual
que las mans, y dos vasez que
nos va trayé del mismo coló
que la botella, l’en von pagá,
pero el vino alí que se va quedá
sin prevalo. Cuan von allegá al
lugá, nos von anterá de que en
l’atrol día se casaba mi tío, José
Francho, y se casaba con María
d’el Tardán; y no me heba invitau;
¡en va tené barra!; me va
sabé mal, ta qué. Von allegá
raventaus; veniben con zuecas
de madera y, claro, ixe calzau,
ta caminá güaire... Modesto, de
las Paúles, yera algo zapaté; le
levabas la madera de freixel ta
la solera, y cuero ta es laus; el
clavaba con puntetas; claro, de
madera las zuecas, sí que yeran
caliens, pero ta caminá mucho,
quemesió.
La noche que von allegá
a Chistén, i heba
baile; ¡claro, vrispa
de boda, no
quies! Paulino i va
di, y una moza,
que no te voy a
decí quí yera, va
preguntá per yo;
yeren algo novios;
y decamín me van
veni a buscá. Yo
me voy fe rogá un
poquet, en broma,
eh, sólo en broma.
Tot decindo esto, Pepe
empecipia a redísene tanto que
puede, y yo acabo redindo tamién;
¡menudas cascajás no son
resonando aquí en la cocina, y
güens ratos, dimpués d’una, un
atra, y dimpués, una más! Pepe
ye chocante; dimpués de güens
ratos redindo, poquet a poquet
von tornando ta la conversación,
anque de vez en cuando
s’escape bela risa suelta.
En l’atro el día –continúa
Pepe– van baixá de casa Palacín a
ascame, y a la fin i voy di ta la
boda; feban alí la comida; la cena,
en casa El Tardán. ¡Va está güena
boda aquela, sí, sí, güena boda!
En Bisaurri tamién i voy
está servindo, en casa Chinac.
Alí me pagaban una catupla:
¡15 pesetas cada día! La mía
hermana tamién yera per alí,
EL ALCAUGÜÉ

ella en casa Domingo, ta Pepe
Saila. Pepe se va casá de segunda
vez; la primera mullé, Abelina
la Blinguera, va fe mal fin.
Yo yere en la Ribera con el mío
pay; va allegá Palacín, que yera
fendo folla en el caixigá, que
caleba di a mirala, qu’heban
trobau el burro; baixaba de el
Plano es Carlistas; yera alí Pepe,
el hombre, fendo una carbonera,
que yera ferré. Aquel día
no va habé manera de trobala;
en l’atro dimpués, la va trobá el
pay, más t’abaixo d’el Puen de
L’Hospital, en el Campet
d’Arrín; dimpués d’aquela feta,
van apañá el puen. Pepe Saila
yera el alcalde saliente y Joaquín
de Grota, el entrante. De
trece años me van fe di vaqué
con güelo Sasé; una noche yeren
en es Montarruegos, y
t’allega l’alcalde, que diba ta
Urdiceto; como heban feto la
presa, puyaba a viyé si trobaba
per alí verduguillo, ta fe el puen
bien seguro; le van fe una pareteta
per cada lau, ta sacá el peligro.
Yo novias –ahora Pepe cambia
de tema– en hebe tenido bel
una; no te pienses, ¡una, de la
Fueva!, de Campel; guapa, guapa,
no yera, ta qué, pero estaba
bien, y bien curiosa, ¡y troballadera,
no en podeba está más!
Per Benás tamién se habría
puisto, que zagalas en i heba
muchas, pero las que t’en feban
caso, la casa no valeba güaire, y
la facienda, menos, conque na.
El siñó Pepe charra de
las cosas como si acabasen de
pasá, como si hesen estau ayé
mesmo, ye como si es 50 u 60
NUMERO 10
años que han pasau, no tenesen
mica importancia; no
sé cómo fa, pero aquí, asentaus
en la cocina, el tiempo
no cuenta, no cuenta mica;
almejó tiene que está asinas.
Per Francia, pastó
también i he estau –i torna–.
En Yedo, a 3 km. de Arro,
levabe un mes cuan se va
enfermá el pay, conque voy
tené que torná ta casa; es
atros hermanos no se i quereban
está.
De 18 años me voy
afirmá ta Bisaurri. De 21, ta
Las Paúles; estoique van
gosá pedí referencias mías,
y les ne darían güenas; ta
casa Beró voy di.
De 22 años, ta la mili;
18 meses i voy pasá; cuan
hebas cumplido ixe tiempo, te
daban permiso indefinido, anque
hasta es dos años no te daban
la licencia; si hese habido
zapatiestos, t’habrían tornau a
gritá. La voy fe en Barbastro,
con Fernando Plana y Marcelino
Lafón; también en i heba de
San Juan: Antonio Remondillo,
Venido Bardají, Ramón de Barrau,
Manolo Moré... ¡Nos levaben
toz tan bien!; nos von fe
muy amigos; yeren siempre
chuntos, fendo colación. Un de
Yaques se va librá perque la
suya may yera sesentona; aquí
en Chistén s’en va librá muchos
per ixo mesmo: Santiago, Grota,
Faixán, José Juaquina; les
teneba que fe un papel el secretario,
anque ixe papel caleba
pagalo, y costaba 18 jornals,
¡no ye na!. Encara va está piyó
ta el amo mío, el de Chirac, que
la va tené que fe en Fernando
Poo. Nusatros la von fe en Barbastro,
en la compañía d’es esquiadós.
– E n t o n c e s , P e p e ,
¿aprendería a esquiá arrienda?
–¿Esquiá? No i von está
ningún día. En la nuestra compañía
yeren muchos, y ta ixo de
la nieú tiene que fe güen tiempo,
si no, ¿cómo vas a fe? Bel
un si que i va di, ta la man de
Jaca, ta Candanchú, me pienso.
Van baixá negros como el
follín; ¡con la nieu i hay que
pará cuenta!
Tot estando en la mili, a
las zagalas no les ne feben guaire
caso; mira si te digo que una
tarde pasaben per San Francisco,
y i heba alí dos zagalas, y al
pasá per deván siento que le diz
una a l’atra: “Qué aburrida m’el
paso; nián es melitás me dicen
cosa.” El va gosá decí ta qu’el
sentise, pero yo voy tirá ta .
Página 5

deván como si cosa; y ixo que
yera bien paixida, bien guapeta;
me voy malfiá, marcha.
Ta la mili nos
nimbiaban pan d’aquí; yera racionau;
el apañaban rebozau en
una saca, y la coseban; bela vez
tamién i heban metido una chulla
de tocino. El nimbiaban per
Luis de Naval, que yera camioné.
Tamién a es de San Juan
les ne allegaba de vez en cuando;
nos lo repartiben ta toz, es
que yeren amigos; menos mal,
perque alí nos feban pasá mucha
fambre. Ta comé nos daban,
ta una mesa de 10: 4 granos
de fideus u arroz con trunfas
amarillas, y dos chusquez ta
cada un, que teneben que felos
allegá ta cená tamién; ¡cuenta si
i allegaban! Ta cená nos daban
lo que heba sobrau de medodía,
y nián alavez pasaba, conque
cuenta cómo gosaba está.
Una vez von di
de maniobras; en tren basta Sabiñánigo,
y dimpués a pata basta
Sallent de Gallego; se va
meté a plevé tanto que en podeba,
conque cuenta; i heba una
compañía de zapadós per alí,
porquismos. Nos daban ta tot el
día: una lata de sardineta, y un
chusquet de pan; yeren uns
5.000 militás. No von podé fe
las maniobras con aquel tiempo
tan esparatáu, conque van
mandá a retiro; cuan von allegá
a Biescas, von comprá pan: una
barra, 5 pesetas; yera güenismo,
pasaba travesé. A bel un me
pienso que se le van chelá es
peus: augua per alto, augua per
abaixo... al que el va cogé
dolén, cuenta. Venido del
Tardán tamién yera per alí.
Página 6
Mirán es dos per la ventana,
como si el tiempo que ye
fendo, importase algo; país que
ye cayendo gotichainas, anque
el sol tamién va fendo bela
rayá. El siñó Pepe se ha quedau
un ratet sin decí cosa, pero no
ye que se l’haigan acabau es
cuentos, no, ixo yo ya el sé que
no, sólo ye que no pueden salí
toz de vez, a bocillóns, como
quieren els; no, i hay que metelos
en tremenera, primé un,
dimpués un atro, y asinas asinas,
no pas toz a cheta.
–Mira de qué m’en soy
fendo acordanzas ahora: de
cuan voy di ta Bisaurri, afirmau.
Una vez voy marchá con
Pardina, que va fe de secretario
tres años ta Bisaurri, Renanué y
Chía. Von salí chuntos; el va di
en coche; yo a pata per el Puerto
Sahún; y voy allegá una miqueta
antes que él, ta que veigas.
Ramoncito va nacé aquí,
pero Pedro y Mariángeles, en
Castelló, que teneba alí un piso
arrendau. Dimpués, cuan se va
retirá el suyo pay, va torná
t’aquí, de secretario.
Un año von di a
marcá madera, con Algemiro
del Moliné y el agüelo del
Ferré. Nos quedaben en Lisier; i
von está nueve días; 5.700 m 3 .
en Sallena, tot el Piná del Cau,
per el Salto d’es Gabachos, basta
las Collás y las Masaderas; y
encima no nos van pagá cosa.
De toas maneras, aquela madera
no valdría güaires dinés, perque
na más van fe so que puyá
el telefono de Plan, que va
costá 50.000 pesetas, cosa más.
Ya un tiempo dimpués,
van fe vení l’augua de la Poma;
en el campo Pascualón yera tot
el montón de tubos. Va cogé la
obra Mariano el Melitá; levaba
tres andaluces, y Ramón de Pedresón;
la van fe de verano;
aquello no sé si no va está aldredas;
habría puisto salí más
chen del Lugá a ganase dinés, y
como van cortá el camín, caleba
dí a baixá per la Cuadra, y astí,
en el Puyadase, prené el Camín
de Fontamil; ¡cuenta, con las
bestias cargás!; encima, a la
Feixeta Juan se les van acabá es
dinés, conque dende alí basta el
Basal va calé felo entre tot el
Lugá, ¡y de baldes, como yera
costumbre! El caso ye que asinas
ya va habé augua arrienda,
perque d’antes heba habido bela
sequera dixas d’aupa, y las
mullés teneban que di a lavá la
ropa al Molín Viejo; y ta bebé,
¡cuenta! ¿Vis?, la Fuen de las
Fontanetas nunca s’heba ixecáu;
ixa gosa vení fondisma; ¡quí
el sabe de án viene ixa augua
EL ALCAUGÜÉ

–¿S’en acuerda, siñó Pepe –le
pregunto–, que ya fa años, de
zagals, veniben bela vez a prevocalo,
y usté saliba al miradó,
y nos feba tené miedo?
“¡Asperazos, pajaros, que cojo
la escopeta, que decamín tos va
a pasá deván un cartucho!;
¡dazme un momento na más,
que la voy ascá, asperazos!” Y
nusatros, a las cuatro suelas,
tanto que podeben corré., “ta
que no nos pasase debán el cartucho”
¿S’en acuerda?
Ahora el siñó Pepe s’en ride
con ganas; yo tamién m’en rido
a carcajá limpia, tanto que
podén es dos.
–¿Sabes de qué m’acuerdo? –
sigue Pepe, sin podésene desfé–
. Ya fa años, yeran es días de la
Fiesta. La mía may encá viviba;
entre éstas, se siente un petardo
en la entrá, que va resoná per
toda la casa; encá me son chilando
las orellas cuan m’en
acuerdo; salgo lijero, que no
voy perdé ni un momento, pero
ya no voy viyé a naide, ya
heban jopau. Pardina, que yera
en el güerto, me va decí: “Oh,
pobre, yeran una colla; no he
puisto conoixé so que a un, y
me ha paixido que yera de
Mingón; como han escapau tan
ligeros, no ma dau tiempo.”
“Ya les ne voy a decí yo”, le
voy fe a Pardina, “si es engancho
a semejante vilanía, ta días
se les acerca el frío.”
Estes años –continúa
Pepe–, ta el entierro de Algemiro
voy charrá con un de Barta;
se va da a conoixé: “Yo soy
Modesto de Barta. ¿T’en acuerdas
de chicorróns, cuan yeren
NUMERO 10
en casa Arrín, en la Comparativa”.”¡
Hombre, que si m’en
acuerdo”, le voy fe, “es zagals
más grans saliban de la escuela,
que yera en la Casa Lugá, y jopaban
a fuego ta la escuela
d’alto, an que i yeran las zagalas;
nusatros, es chicoz, al dezaga
d’els; pero resulta que cuan
pasaban a casa Mateu, venga
prevocá a Pepe, y él, que ya el
sabeba de toz es días, saliva y
limpio toscazo; claro que
¿sabes quí se levaba es zaborrazos?,
es chicoz que diben es
zagués; güeno, el deba de fe en
broma, si no, nos habría crestau,
que na más sentiben tamboriniá
las zaborras. Pero no
aprendeben, eh, toz es días
igual.” El pobre Pepe, va fe mala
fin, que el van matá ta la
Guerra.
Es ricuerdos salen chino
-chano, aquí a la caloreta de la
cocina; país que salen sin orden,
de más d’antes, de menos...
tornan ta dezaga, ta
deván; ye como si chugasen
con el tiempo, u almejó ye que
el tiempo no tiene ninguna importancia.
De toas las fetas, el
siñó Pepe s’acuerda de la fecha
exacta, pero ixo sólo ye guardau
chunto con es ricuerdos,
cosa más; astí s’acaba tot, no
tiene mica importancia, ¿ta qué
l’en von a da, pues? Quí sabe si
el tiempo, igual que es ricuerdos,
tamién van y tornan, y él
torna con els ta, dimpués, tornásene
a di; no m’estrañaría que
fese asinas.
–I acato de una noche,
ta San Pedro, con Primitivo del
Mercadé; me coge, y a ascá las
mozas de San Pedro: Dolores
de Cañau, Julia Blas, Carmen
de Santiago; vamos, que en von
replegá una colla. Yo i hebe
dido muchismas veces, per toda
la carrera d’Alto, de punta a
punta; ¡una pila de zagalas i
heba alabez, que embelesaba!;
ixo sí, no te pienses que yera
dilas ascá y ya está, no; primé
caleba pasá antes y decílesne a
es pais, a viyé si las deixarían
salí; siempre te sacaban tramorias:
que si teneban fayena en la
vilá, que si amadrugá en latro el
día... i heba veces que caleba
convencelos: “Que ya mirarén
de torná luego, que no le fayan
ixo...” ¿Qué te país, que gritá en
la casa, y ya está?, pos no, hombre,
no.
Ta Carnaval, el segundo
día se convidaba al Ayuntamiento,
a es maestros y a toas
las mozas que veniban con una
cesta con comida. Un año que
voy está yo llavero, van vení 35
mozas, conque 35 cestas van
allegá plenas de contumancia,
no falla. Aquel año i heba 6 u 7
mosicos de Labuerda.
–Y a usté, siñó Pepe,
¿cómo le va la salú? Yo siempre
el veigo igual de fuerte.
–Pos na más regulá...
pero no me quejo; total, si el
cuentas, siempre puede está
piyó; se me fa el tiempo largo;
no salgo guaire de la cocina,
prengo Sintrón, no puedo tené
frío, ni me puedo cansá. Este
agüerro pasau voy puyá un día
ta la Borda, pero el voy trobá
duro, y no i he tornau más, conque
ta que veigas. En la cadera
drecha i tiengo dologás; me la
voy fe mirá, pero con lo del
Página 7

Sintrón, no me la pueden operá.
De todas maneras, ahora me fan
es analisis en Plan; astí ye cerqueta,
ye a mano. Conque cosa,
aquí, quieto, en la cocina tot el
día; pero estoy bien; la cocinilla
calienta agundante, y leña en
tiengo mucha, que es sobrinos
no paran de carriane; amás,
tiengo la calefacción, per si fese
falta. Esti año no ha feto frío,
basta ahora a lo menos, pero el
tiempo ye como la gente, cambiante,
cuan le país fa un, cuan
le país un atra cosa, y asinas.
Qué le farén.
–La tarde ya gosa dí ta deván
–le digo al siñó Pepe–, y tendré
que jopá; ya tornaré un atro día
ta que me faya más cuentos.
Un casco de cebolla
Página 8
Me diz que torne cuan
quiera. Encá me fa cuentos de
cuan va apañá la casa, ya fa
años –cuan el cemento valeba
65 pesetas el saco, y 17 el de
cheso–, de cómo va puyá tot el
material a carga, per Chesta –el
mosaico, la arena, güeno, la
arena le van aduyá a puyala
Soltapey, Micalé y más chen;
d’antes yera costunbre
d’aduyase–.
Me quedarí aquí güens
ratos, con el siñó Pepe, ascuchando
es cuentos tan majos
que fa, pero no cal está pesaus;
asinas que le doy las gracias, le
digo que plante fuerte. Cosira la
cocinilla; charrín charrán, el
fuego casi se le ha unflau.
Bufa un poquet; encara i
gosa tené brasa arrienda. Me da
la luz ta baixá per las escaleras,
anque no caldría, que se i vey
prou. Per la cristalera de la
puerta entra luz arrienda. Le
digo que basta un atro día. Ya
difuera, el cura se siente campaniá
con alma; ye domingo. Per
la Plaza me tropiezo con bela
mullé que, con güen gargo, van
ta misa; dicen que ya han tocau
las segundas. Un atra vez se ha
metido a rociniá, anque se vey
bela rayá de sol.
Rimedios de casa
Basta l’atra.
Sí, sí, como soz leyendo, que ta este rimedio d’antes no cal so que bel casco de cebolla.
Esto ye ta cuan tengaz un grano; ta borruga, no vale.
Se pren media cebolla, y se le saca una capa. Se mete en la
brasa del fogaril u de la cocinilla, que se caliente, y se le cheta
per dencima una rayaeta d’aceite y un pizco d’azucál. Se fa
calentá agundante, tot lo que se pueda aguantá, perque dimpués
i hay que fíchala dencima del grano. Se i tiene basta que
s’enfría, y dimpués se torna a calentá un atra vez.
I hay que fe el tratamiento tres o cuatro veces seguidas,
y uns tres o cuatro días, basta que madura. Y alavez ya se ravienta,
ta que esmere. Se cura decamin.
Una vez voy vení de Benás con un grano en el peu,
que no en podebe da un paso; conque voy tené que fe esto que
tos cuento, y claro que se va curá, y bien aprisa.
Ya sé que i habrá chen que dirá: “Yo ixo no el foy, no, ya el tiens bien seguro.” Pos cosa,
cosa, que vaya ta el medico, y dimpués que faya la suma de lo que vale la pomá de la farmacia; y
con ixes dinés, ¿cuántas cebollas no s’habría puisto comprá?
Basta l’atra
EL ALCAUGÜÉ

Fetas del lugá
1.Introducción.
El cuentet que trayén
hoy no ye mica cuento, que va
pasá en de veras. Ya sabén que
nunca se puede torná ta dezaga
ta mirá de cambiá las cosas,
perque verdá ye que una guerra
ye la piyó desgracia que puede
allegale a un país; y no cal so
que preguntales a es que la van
viyé y se i van ancertá en semejante
pataflasco.
Nos trobán ya en la empecipiadura
de 1938. El 30 de
Chinere de ixe año, en Burgos,
el mera de Franco se ha nombrau
a él mismo caporal del
gobierno y d’es tres ejercitos;
anque no l’en criyen, él fa cara
y careta, y fa viyé deván de Europa,
EEUU y del mundo anté,
que ye controlando la gresca, y
que el nuestro país no en ye
mica desbarajustau, que tot el
tiene bien ateserau y en orden.
Entremistanto, en el
nuestro lugá bela camarilla de
chelfa –es aguiluchos les dicen
– que se fa pasá per republicana
–y nián sabe qué ye–, ya ye
féndone gordas; con bien mala
indole, ya gosan tené en la lista
negra a 18 hombres y una
mullé (anque ahora no nos
podén entretené en ixes cuentos,
que hoy el nuestro va per
un atro puesto). Dimpués de la
Guerra, es más malizos, y perque
gosan tené la coda pallosa,
s’estiman más quedase en
Francia; ya no tornarán más
NUMERO 10
. 4 de Mayo de 1938: el
Vaticano, a qui nunca le ha
feto goy de bailá con la más
fea, se mete de parte de Franco,
y no contento con ixo,
amenaza a es catolicos conque
si a bel un le pega la barrumbiá
de apoyá a la Republica,
que se le siñalará como un rebelde
contra el papa; ¡más entesallos
ta el fuego!
Per par de aquí, de primavera,
la cosa se ye metendo
más que mediana. Antonio
Beltrán, conoixido como el
Esquinazau, ye al mando de la
43 División republicana; a fin
de Marzo de 1938 ixa comana
se queda medio engarcholá en
la Val de Pineta y Chistau. Del
28 de Marzo al 6 de Abril es
republicanos reculan basta la
Val del Ara; el 4 de ixe mes
s’en apoderan de Broto y Torla;
el 6 de Abril, en Fanlo, en
fan un tropel de una compañía
de esquiadós del bando de
Franco. A la fin, el 14 de Abril
empecipia la Bolsa de Bielsa,
que durará basta metá de Chuniol
(se le diz asinas perque
ixa división republicana se
queda ensacá, embolsá per estas
vals, lejos de es atros del
suyo bando –es franceses la
bautizan como la Poche, la pocha,
vamos–). El 16 de Abril la
depeixa fascista ABC publica,
en Sevilla: “En los finales del
Movimiento glorioso, la espada
victoriosa de Franco partió
en dos la España que aún detentan
los rojos, y nuestros soldados
llegaron al Mediterráneo
del este después de una jornada
triunfal.”
.Ye per ixo que bel historiadó
considera que la Bolsa
de Bielsa no empecipia hasta
ixe 16 de Abril.
El 9 de Chuniol es de
la camarilla de Franco fan funixé
la Bolsa de Bielsa –el
lugá queda feto en ragualla y
poco más–; fácil les resultaría
perque a es republicanos no les
quedaba ni munición ni artillería.
El Esquinazau da la orden,
y el 15 y sobre tot en la
madrugá de ixe 16 de Chuniol
es Rojos no en tienen atra que
fuyí cara Francia, per Aragnouet,
y dimpués de dos meses
resistindo las mil y una.
2.Las bestiezas de
Abril de 1938 en la
nuestra Val.
Pero von a torná una miqueta
ta dezaga. El 12 de Abril, la
Página 9

la 62ª División de Franco s’en
fa dueña de la Val de Benás;
día para d’atro es avions alemans
Heinkel-45 y Savoia SM-
79 fan una pasavilla, y ¡limpio
bombazo!
A fin de Abril es nacionals
fracasan en Escalona y
Laspuña, que sigue ocupá per
es republicanos. Entremistanto
en la nuestra Val se i ha encamau
ya la 145 Brigada republicana,
que aguanta que te aguanta,
per más que la 62ª División
la siya tizoniando con mortés
dende la carretera de Benás.
Ye en ixe mes de Abril,
y de metá en ta deván, cuan la
chen del lugá no sabe a qué
man chirase: es uns que si lo’n
valdría más jopá cara Francia,
per el Puerto de Plan; atros, que
si talmén sería mejó quedase, y
que la basa rabiente per an que
le paísca. Pero en ixe Puerto
yeran vigilando es republicanos,
y hombres no en deixaban
pasá garra; solamén nenes, zagalastrez
y güelos.
Dimpués de más de 70
años la chen no sabe cuála va
está la mejó decisión:
–¡Gusatros, array, que
en Francia no voz pasá fambre
como nusatros... ni tampó tos
va calé viyé lo que von tené que
viyé nusatros, aquí en el lugá!
–¡Si sabeses las que nos
von viyé ta pasá el Puerto de
Plan, que yera con nieu! ¡Y en
Francia, basta que van vení a
replegásenos es de la familia...!
Ta comé y ta vestí, claro
que no te faltaba de cosa, ¡pero
la pena que pasaben per es que
se heban quedau aquí, no te !
Página 10
de cosa, ¡pero la pena que pasaben
per es que se heban quedau
aquí, no te deixaba sosegare!
Amás, la fambre la von tené
que pasá cuan von torná, que
las casas las heban escobau de
tot, y no i heba cosa!
El 22 de Abril y es de dimpués,
van di salindo del lugá güenas
travinas de chen cara Riumayó,
pasando per el Puerto de Plan.
No hen puisto replegá garra
afoto de aquela feta, pero sí que
tos ne anseñarén bel una que va
fe un fotografo franchut de
cuan, per ixes mesmos días,
jopaban es vecinos de la Val de
Bielsa cara Aragnouet.
Tiengo replegaus uns cuantos
testimonios de aquela feta, ta
una novela que va salindo, per
entregas (ya se han publicau es
seis primés capitulos), en el
Cruzado Aragonés, en el especial
de la Fiesta Gran de Balbastro:
Es Zagalastros de la
Guerra. Pos cada un de ixes
cuentez mereixería un articulet
aquí en el Alcaugüet. Hoy quiero
acataie de uns cuantos pasajes
(ixo sí, guardando la promesa
que les voy fe, no nombraré
a las presonas
que m’el
van contá,
anque bel
una haiga
pasau ya a
mejó vida):
. No
sólo la pena
de tené que
deixalo tot
dezaga, y
tené que
jopá del lugá
a quejas destemplás, que la noche
del 21 de Abril del 38 heba
gosau cayé bela cagarrá, que alí
en el Puerto de Plan sería cuasi
nevazo:
–¡Las que me voy viyé ta pasá
el Puerto, pobre, con es dos chicorrons!;
nieu que i heba, y mal
calzaus que diben... La un el
lebabe a colotas, y al atro le dabe
la maneta, pero que se cansaba.
¡Una ixufrina correba alto
a cabo! Y yo, ajená de tot, perque
no sabebe cómo combailalos
–me deciba, con es ojos glarimosos.
Y si no en i heba prou
con todas ixas penas,
“¡aspérate, nene!” –me feba una
atra goleta–:
–A una mullere que ya
yera cumplida, le van allegá las
dologás del parto, to dindo per
el camín; se va tené que pará a
fe noche en una cabana de la
Rivera, y alí que va nacere una
criyeta; y en cuanto la may se
va trobá una miqueta catolica,
van seguí camín-camín, cara las
Francias. Y de güen criyé ye
esto que te soy contando –a ella
le gosaba paixé que no m’el
EL ALCAUGÜÉ

acababe de criyé–, que apuramente
aquela criyeta, encara la
puez viyere.”
Aquela mullere, la pobra,
ya s’en va dire fa uns años,
pero la criyeta de la que m’en
feba la parla, verdá ye que encara
vive hoy.
uDecibe inantes que a es hombres
no les deixaban pasá el
Puerto; menos un día:
–A una criyeta, la pobrota, la
levaba el suyo pay a colotas; no
tendría ni seis añez, pero ya
s’heba encoixau. Y a un atra
que nián habría feto es tres
añez, tamién la levaba el suyo
pay. Y es chistabíns que se les
van reclamá a es mandos republicanos
del Puerto; a la fin van
nimviá a una pareja de soldaus,
con la condición de que acompañasen
a la comitiva de
Chistén basta el Hospital de
Riumayó, y con la orden de que
una vez que deixasen en güenas
mans a las criyetas, que se fesen
torná a es dos hombres. Pero
en cuanto van allegá al Hespital,
es dos amos, malas que
güenas, que van corré a reclamase
al mando militá francés, y
es soldaus republicanos que
s’en van tené que torná sin cosa.
¡Aguarda qué les pasaría! –
me feba el misache que me contaba
esta historia fa no guaire–.
¡Almejore te les van foté bel
tiro! –y va acabá el suyo cuento
asinas–. Anque se i van refé,
estoique el jefe franchut les va
chetá un güen ixauguadientes:
“Ya tos ne podez torná per an
que hez venido, que aquí en
Francia mandán nusatros.” Y si
na quies, acocha las orellas, y
NUMERO 10
tórnatene
Es cuentos d’es
que se van quedá en el
lugá son tan tristes
que, en esta ocasión,
prefiero no ricordalos,
y en especial las fetas
d’es aguiluchos. Güeno,
en i heba un de
Chistén que anque se
fese pasá per aguilucho,
lo que feba yera
anterase de las ideotas
del grupo de aljeceros;
gracias a él una noche,
y al poco de salí de la
reunión, va di a trobase
con Mosén Sidoro –
que más que mosén,
yera un amigo, que toa
la chen del lugá el quereba
que a sabelo–, y
tamién con el amo Cazcarra; les
va decí que se aprestasen en un
bufido de no na, y que corresen
a escondese en un pallé de cabo
el lugá, que quereban fusilalos;
y aquela mesma madrugá van
pillá la eslampá y van jopá ta
Francia; se no, aquela noche en
habrían pasau.
3.Atras bestiezas de
aquela primavera del
1938.
Es Rojos s’en van apoderá
del vacumen de estes lugarichoz.
Y cuan van viyé malas
que güenas, se van prené el
montante y van arriá es estallos
cara Francia, y hasta que van
allegá a Cataluña (podez viyé
una foto de la ramá to pasando
per Tramasauguas). Tamién de
ixa feta me van fe una ripa de
cuentos:
–Aquí en Chistén es Rojos
nos van ramplá 19 vacas y
un toro –me feba un golet.
–Las Esplanas yeran plenas de
vacumen que heban feto puyá
de per par d’abaixo –me feba un
atro.
–Es bediellos s’es diban matando
la tropa, ¡ta comé, qué!, que
cuenta que con aire de puerto
no pasaban. Y las güellas, igual;
si no ye las que heban marchau
ta la Tierra Plana, no en va
quedá garra.
–Uns de la nuestra Val, y al cabo
de un tiempo, van trobá bel
siñal, y bel un se va di a replegá
bela cabeza de vacumen. Basta
en la montaña de San Juan en
van trobá bel una, que una temporá
las heban gosau tené escondidas;
y bel una yera de
Página 11

Chistén –un golet, mallando con
el tocho en tierra, querendo decire
que ixo yera verdá de la güena.
–Una de ixas veces, a
una de las vacas no se le viyeba
guaire bien el siñal de la orella –
va añadí un atro del carasol–, y
no se sabeba si yera de Cazcarra
o de la Blinguera; y van determiná
de soltala, y que el animal
decidise del suyo güen emplaz; y
sí, sí, va prené la carrera, y drecha
cara la borda Cazcarra; ¡encá
s’en acordaba del camín!”
Las pobras vacas yeran
más secas que un cremallere;
entre que no tendrían qué comere,
y tamién de viyere las bestiezas
que van tené que viyere...
Sería per ixo que una nián va
podé allegá al lugá, al torná –y
tos acabo de fe el cuento que tamién
a yo me van fere–:
–El amo el Ferrere s’en
arriaba una; pero de tan flaquiza
que yera, nián podeba caminare;
al allegá a la Fuen de las Fontanetas,
se le va chetá en la ladera
del camín, y sin podela fe levan-
Página 12
tare; conque va entoldá deixala
alí, perque la escurina ya yera
cayendo. En l’atro’l día, de mañanas
luego, torna, y te vey que
la vaca ya no i yera. “¡Pos que se
ha puisto fere!” Venga gritala,
pero cosa. A la fin, la va trobá en
el cerro del de Antoni: heba caito
en una trinchera... y alí mesmo
s’heba espastellau el pobre
bicho.”
–Almejó la vaca no va
queré viyé más barbaridás –le
voy fe al hombre–, que prous en
habría visto ya.
–An que no t’el digan,
claro que el bistiá vey... y muchas
veces lo que no tendría que
viyé –me va fe, antes de que entre
nusatros se ubrise un tollo de
silencio.
Una goleta me va fe un
atro cuento de bistiá. Estoique
dos mullés de Chistén van acometé
cara Salinas, al enterase de
que alí i heba bel cingallo de
bestias.
–Pos ya verás –la goleta,
tot redindo–. ¿Qué no te va discurrire
la mullere
Mondalvira, que
teneba tan güen
humore? Al allegá
alí, se va da a conoixé
al mando que
i heba; y le va da a
sabé que se baixaba
a buscase el burro
Mondalvira; el melitá
le preguntaría
que cómo yera, pero
entremistanto un
d’es burros que te-
neban cerca, va empecipiá a
gramá; y ella le va fe: “¡Mire!,
¡ya me ha gosau conoixere la
voz! –le va soltá de rapiconté,
perque bien prestas las teneba de
contino–. ¡Ixe ye, ixe!”
El melitá s’en va redí, y
anque va viyé la trapaza bien
palpable de la mullere, que le va
decí que s’el prenese, y s’el levase.
¡Y ordeneta!, ¡con un burret
que se va presentá en Chistén!
¡Ta que veigas .
Alavez es soldaus republicanos
heban ateserau la intendencia
en Casa Guillén.
–Replegaban per el lugá
tot lo de güeno –me feba una
mullere.
–El jefe yera un sargento;
¡güen misache, pobre! –me feba
una atra, entre pasá y pasá de
agullas, que peazo yera fendo–.
Anque él teneba que fe cumplí la
orden –no deixá en cada casa no
más so que lo que calese ta comé
en el día, y poco más–, te feba la
vista gorda, perque viyeba que
nusatros el yeren pasando de a
metro.
–Ara que el sargento ixe
teneba un zagalet –añadiba la
que yera repasando ropa–; no ye
que fese fillo d’él que, estoique,
nián yera casau; s’el va gosá
trobá per allá per Gavín, y como
le va gosá da pena al viyelo solo,
que s’el va replegá. ¡Pos yera
más malo que la viraga! El sargento
ixe ya sabeba que la chen
del lugá se escondeba de güeno.
¡Pos qué no te va fere el flautín
EL ALCAUGÜÉ

del zagalastro!: entra ta una casa
de la carrera d’Alto, empecipia a
esforigá, les troba bel saco de
trigo escondido debaixo la cama
de una alcoba, y da parte; y apuramente
yera una familia que –
como atras– heba dido a la miseria.
En aquela temporá de
1938 es nacionals no van bombardiá
el lugá, como van fe en
Bielsa; güeno, van gosá tirá una
bombra, que va cayé en el cementerio,
apuramente en es nichos
de Pardina.
–En San Juan encara va
está piyó. Alí es Rojos teneban
el polvorín, y per ixo es del bando
de Franco el van estafallá con
bombas incendiarias... ¡y casas
enteras en un ardal!: Casa Pedro,
Casa, Tanasio, Casa Campolé...
–En el nuestro lugá –me
feba la mullere con la que yere
de parola–, anque no cayese so
que una bomba, igual el van da a
mal. ¿Qué no van fe con Casa
Arrín?
–¡Lástima que sí! –i va
torná l’atra mullere–. Heba gosau
plevé tres o cuatro días seguidos;
es soldaus d’es Rojos
heban estau per la Selva de Plan
y per el Puerto Sahún. Te allegarían
chelaus y con mojadura, y
que te van ancendé güena brandera
en la cocina Arrín, que alí
teneban el cuartel...
El caso ye que pretarían
fuego, y al viyé la cosa ruxiente,
escaparían a las cuatro suelas.
Sólo faltaba que aquela noche
feba ventolera arrienda. La chen
NUMERO 10
del lugá, ajená
de tot; per puntos
van pensá
que tot el lugá
quedaría feto
en cenisa. Nieves
del Ferré –
la dueña–, y el
golet de Alvira
–un que heba
puyau de Casa
Garcés, de San
Juan– van
corré a fe firmes
gritos al Tozalet de Antoni;
dende Plan no es van gosá sentí,
pero es de San Juan al momentín
van empecipiá a baldiá la campana
del campanal, siñal de que
les heban allegau es gritos de
socorro. Al poco rato, toz es que
yeran en San Juan se van presentá
en el nuestro lugá, a aduyá
a matá el fuego.
–Ixo es de Chistén nunca
les ne agradecerán prou a es de
San Juan; si no per els, aquela
noche no en habría quedau aquí
mica lugá –va fe la mullere.
–Hebe sentido decí que si
a es criyez del Ferré es heban
feto puyá a dormí a Casa el Sastre;
conque cuenta que no sería
tot el miedo en Francia.
–Mira si yera la cosa seriosa,
que es espurnallos recutiban
hasta alto a cabo del prau de
Antoni, en Sobrevilla.
–Y hasta en la falsa de la
Ferraría heba pretau el carbón,
que alí el guardaba el ferré...
¿Sabes, an que ahora ye el Taller
de la Madera? –me va fe la mu-
llere.
–Sí, sí –y le voy pedí que
seguise.
–Pos al tené la frontera
ubierta, no pas como ahora, recutiría
bela purna de mala indole,
y cobaría en mel medio del
carbón, hasta que el va encendere.
–I heba una colla de
hombres que no feban so que
chetá firmes ferraces de augua
en el tellau de la Casa Lugá, ta la
man de abaixo que da ta Casa
Arrín; an que no se va allegá a
encendé, viyeban que saliba fumo;
¡mala siñal!. Si nunca hese
pretau el fuego en las taulas y
quebros –tot coral mondo–, no
habría quedau mica lugá... perque
las flamas habrían estau de
mal atavergá.
–Y hasta en Casa Felipa,
al lau de Casa el Mairal, van
trobá trapos encendidos. Ixa casa
ya yera abandoná, perque heban
jopau toz ta Francia.
Página 13

El caso ye que entre toz –
es de Chistén y es de San Juan
en chunto– van podé acotolá el
fuego; ara que van gosá pasá una
noche de aipa.
Repito que, en esta ocasión,
no von a fe parla de tantas
ruindades como van pasá en el
nuestro lugá en ixes días y meses
en que muchos heban jopau ta
Francia.
. A ixo de uns tres meses,
la chen que asinas el va entoldá,
va di tornando –atros van preferí
quedase en la Francia, empecipiando
una nueva vida–. ¿Y qué
te van trobá, al allegá? ¡Tot miseria!
–Es de Gusana el día que
van allegá, no i van trobá cosa
en la suya casa. Una goleta vecina,
que no heba marchau ta
Francia, les va levá un cantet de
pan y una miquirrina de sebo, ta
que les fesen una cazuela de sopas
a las criyetas, que bien chicotas
yeran encara –me contaba
una goleta.
–No el sabe Dios las miserias
que von tené que pasá.
¡Ixo alavez!, que si nos pasase
hoy, ¡nos morirín de necesidá! –
y las alvertencias de esta atra
goleta no gosaban di desencaminás–.
Si un, a una comparanza,
heba puisto replegase una
vaca, pos la achuntaba con un
atra de una casa parellana, feban
pare, y a labrare y sembrá centeno,
trunfas... que bela micota
simién quedaría.
–¡Ya dirías a sembrá
Página 14
hoy! –le feba un atra del carasol
–. ¿Án trobarías la simién?
¡En San Pelay!
–La simién, array; ¡ganas
de troballá ye lo que no trobarías!
Tamién de este tiempo de
1938 y 1939 tendrén que parlare
más tranquilamente en un atra
ocasión.
–No i heba cosa. Costaba
conseguí un perreco de lana ta fe
un pare de peazos.
–Y hoy nos ne fon el desminchat.
La vas a vendé al lané,
y nián te la quiere per cosa. Alavez,
miseria arrienda; y hoy, tot
a maracantón, ¡como si baixasen
es chanfles per la chubinera!
–¿Per qué chubineras
quies que baixen, si ya no en
gosá quedá garra?
–Alavez, en la escuela,
feben bullí augua, y fregaben
con cenisa.
–Pos no feben so que
arremedianos con lo poco que i
heba.
–Ixo.
Y poco a poco, tamién la
contrabansa va di aduyando a
salí ta deván:
–Te trayeban cueros de
vacas... café, azucál... Y cara allá
se arrocegaban botellas de anisete
y per astí.
El caso ye que la chen va
di féndose con bela craba ta muyila,
con bel estalluco de arreses...
van empecipiá a labrá es
campos d’es panás, a entrecavá
las güertas... Miraban de arremidase
comprando bela saca de
farina...
–Si no i heba prou farina,
al masá, añadiben trunfas bullidas
y bien chafás... No ye que
fese mal ixe pan, que piyó yera
cosa. ¡Pero que el trobabas tan
frío! Si d’entre día te febas fuego,
te tenebas que fe calentá la
brena, si no, no i heba manera de
pasalo.
¿Labrá, deciben? Sí con
bela bestia, con bela vaca y, si
yera menisté, fendo pare entre
dos casas. Pero no sólo...
– E n 1 9 3 8 ,
d’agüerro, Franco
va queré
mandá uns cuantos
güeis, ta que
la chen podese
torná a labrá
campos y feixas.
Per más
que me i he feto,
y he pregunta a
uns y atros, no
EL ALCAUGÜÉ

en he puisto sabé l’augua clara:
–¡Pos yo hebe sentido decí que
ixes güeys van salí francos!,
amos, que no va calé pagalos.
Y yo alavez les anseñabe cuatro
decumentos manuscritos que
guardabe dende quí el sabe cuán,
y que una persona muy especial
me heba regalau; y ixes son decumentos
de compra: i salen es
compradós, y lo que van pagá
per cada pareja de güeis (y tos
los anseñaré dimpués).
–Ixo te sería que las casas más
fuertes del lugá te saldrían en
fianza.
–¡Ixo mismo se me entrefila a
yo! ¡Yeran güeis fierizos, con el
pelaje royo, y que es van fe vení
de Santander!, que encara m’en
foy acordanzas.
Y yo me voy quedá con el salamón:
si serían güeys francos, o
güeis mica francos que les heba
vendido el mera de Franco.
De ixas cuatro parejas de güeis,
la una faría mal fin aquel mismo
agüerro.
–Estoique heban estau labrando
tot el santo el día en un campo
de Cabo la Poma. Al deschunilos,
es soltarían ta que se fartasen,
per alí per al lau de la Borda
Guillén; pero de lo que s’en van
gosá fartá va está de melquillo.
–¿De melquillo? –le voy fe yo.
–¡Sí, hombre!, ixa planta chiqueta
con floreta amarilla! ¿Qué no
la conoixes?
–No, no –¿ta qué le dibe a decí
NUMERO 10
una cosa per atra?
–¡Pos en Viadós, no s’en
i heba hinchau pocas vacas con
el melquillo!... ¡y basta cordés
heban petau! Pos el caso ye que
a ixe hombre se le van hinchá es
güeis. Y, ajenau de tot, no sabeba
a qué man chirase; y que va
preferí arrialos cara casa. Pero
un se le va raventá ya tot pasando
per el Pacín; y el atro, se va
viyé negro de podelo fe allegá
basta el Campo Pascualón de
San Pedro, al lau del lugá; alavez
va corré a gritá al amo Cazcarra;
y sí que va vení acorrendo, y le
va clavá el punchón –que ixo ye
lo que i hay veces l’es feban, y
bela cosa s’en heba salvau malas
que les blincaba el aire de la
pancha–. Pero aquel va gosá estirá
la pata decamín. “¡Pero
hombre, cómo has teniu barra de
arrialos, si es viyebas hinchaus!”,
le feba Cazcarra. Marcha,
cuan un ye en un apuro, bela
cosa veces fa lo que no tendría
que fe. Conque aquelas cuatro
parejas se van quedá en tres.
Y a la fin –que prou tos
he feto asperá–, tos voy a enseñá
es decumentos de la compra d’es
güeis... no se puede sabere si
güeis de Franco, que van salí
francos... o gueis mica francos,
¡que güena catupla van costare!
Y qui nos lo podría aclará, ya fa
días que s’en va dire, perque asinas
ye la vida.
4.Es güeis no de tot francos...
de Franco.
Decumento 1
“Los abajo firmantes D. José
Ballarín Ballarín, José Gabás y
María Bernad Zueras, vecinos de
Gistaín, mancomunada y solidariamente
respondemos al pago
de mil nuevecientas setenta y
tres pesetas, con noventa y tres
centimos, importe de la tasación
hecha y de la que pudiera resultar
de la pareja de bueyes marcados
con la numeración VI, que el
alcalde de Gistaín respondió al
alcalde de Plan en escritos de
fecha 7 de agosto y 1º de octubre
del corriente año, de los cuales el
alcalde de Plan respondió anteriormente
al Sr. Gobernador civil
de la provincia de Huesca.
Dicha cantidad será pagada
cuando el Sr. Alcalde de
Gistaín la reclame por ser importe
de la pareja de bueyes antes
reseñados, de los que los firmantes
se hicieron cargo para pasar a
ser de su propiedad.
Conformes firman en
Gistaín a uno de octubre de mil
novecientos treinta y ocho. (A
ruego de María Bernad, que no
sabe firmar, lo hace el testigo
José Gabás).”
Aclaración: Seguntes me
han dito, José Ballarín Ballarín
sería de Casa Micalé, y María
Bernad Zueras, de Casa García –
la goleta de José.
Como es atros tres decumentos
son calcaus, sólo transcribiré
las frases diferentes: es
compradós, el precio d’es güeis,
y la numeración que levan.
Página 15

Decumento 2
“Los abajo firmantes D. Joaquín
Mur Garcés, Ramón Vila Mur y
Antonio Bielsa Cazcarra, vecinos
de Gistaín, mancomunada y
solidariamente respondemos al
pago de mil seiscientas treinta y
ocho pesetas, noventa y tres centimos,
importe de la tasación
hecha... de la pareja de bueyes
marcados con la numeración
VII, que el alcalde de Gistaín
respondió...”
Aclaración: Seguntes me han
dito, Ramón Vila Mur sería de
Casa Pedresón, y Antonio Bielsa
Cazcarra, de Casa Chumplana.
Decumento 3
“Los abajo firmantes D. José
Ballarín Castillo y Mariano Vispe
Baila, vecinos de Gistaín,
mancomunada y solidariamente
respondemos al pago de mil seiscientas
noventa y ocho pesetas,
noventa y tres centimos, importe
de la tasación hecha... de la pareja
de bueyes marcados con la
numeración XIIII, que el alcalde
de Gistaín respondió...”
Página 16
Aclaración: Seguntes
me han
dito, Mariano
Vispe Baila sería
de Casa el
Sastre.
Decumento 4
“Los abajo firmantes
D. Joaquín
Mur Gistau,
Vicente Castillo Peré, Vicente
Ballarín Castillo y José
Falceto Lanzón, vecinos de Gistaín,
mancomunada y solidariamente
respondemos al pago de
mil seiscientas ochenta y seis
pesetas, con cuarenta y tres centimos,
importe de la tasación
hecha... de la pareja de bueyes
marcados con la numeración
XX, que el alcalde de Gistaín
respondió...”
Aclaración: Seguntes me han
dito, Vicente Ballarín Castillo
sería de Casa Périz; a es atros no
es conoixen.
Hoy hen tornau a dale
firmes güeltas a un pasaje de la
nuestra historia chistabina. Pero
la memoria ye dolén de tot, y no
sólo per si es güeis van salí francos...
o si Franco es va fe valé a
precio de oro. Per ixo querén di
escribindo ixa historia nuestra. Y
per ixo tendría que dise animando
a felo más chen.
Biblioteca
Desde que se va meté en
marcha la Chunta Cultural Las
Fuens, una de las ideas que teneba
yera mirá de ateserá una biblioteca
ta que toda la chen de
Chistén s’en podese serví.
Pos miraz, una amigueta
de esta Chunta Cultural nos ha
quisto nimviá una güena parvará
de librez –más de doscientos en i
hay–, que son ya prestos ta embelesazos
con la magia que se i
troba ensobiná entre cada página.
Decamín podrez ampralos, si ye
que tos fa goy de regalazos con
la lectura, y si no, siempre se
puede empecipiá, que ta ixo no
ye tarde; amás, habrez sentido
decí que es medicos recomiendan
la lectura que deixa la mente en
libertá; pos fez bien, que nuevos
amiguez tos son asperando en la
nuestra biblioteca.
A esta ruga, luego en i
arriatarén un atra, y contando que
la Chunta Cultura leva la intención
de gastase us chanfles en
libros, en verano ya contarén con
una güena travina, asperando que
tos vayaz acercando, y es pidiaz
ta uns días.
Si bel un s’en quiere
desfé de libros, tamién es puede
trayé t’aquí.
En el mismo puesto an
que se atesere la biblioteca, se i
plazará tamién el Centro de Documentación:
más de doscientos
documentos que hasta hoy se ha
dido replegando sobre Chistén y
la suya historia.
EL ALCAUGÜÉ

A ixo i habrá que añadile
tot lo que se va publicando en El
Alcaugüé que no ye poco; y la
cosa leva camín de no parase.
Son cosas de la nuesta historia
que toz tendrín que conoixé. ¿No
tos país?
En cuanto la biblioteca se
meta en marcha, anunciarén un
horario en el que podé amprá el
material.
Tos seguirén informando,
que no sólo son enflascaus con
la guzma de fe fiestas –y que ye
bien–; tamién con las cosas de
cultura nos i tenén que fe.
D’el Museyo Virtual….
Des proyectos que tiene
la Junta Cultural Las Fuens,
eñay un que sa charrau agundante,
ye el Museyo Virtual, y ya
por fin son prestos ta metelo en
marcha, per ixo ye que tos bon a
decí cómo dirén fendo, basta el
mes d’Otubre que ye cuan farén
la presentación.
NUMERO 10
Junta Cultural Las Fuens
Museyo Virtual Ramón Bruned
Cómo toz sabén, sería
mejó que el Museyo fése de
verdá, pero como ixo no se si el
verén mica pos esto ye una manera
tamién de tenelo. Este Museyo,
tendrá tres maneras:
- Un audivisual, dvd
- Un fecho en papel.
- Y será metido tamién
en la web de la Junta Cultural
Las Fuens.
Este Museyo en primeras
tendrá cuatro apartaus, anque
s’en podrá di metendo mas,
según se y faya la chen.
Chisten, 2011
.1.- Tot lo referido a la
madera, empezipiando
con la colección
que yay en casa
Guillen, de
Ramón Bruned, cal
metene tamién de
tot el que quiera,
que esto ye ubierto
ta toz, contando claro
que tiene qu’está
de Chistén y saldrá
el nombre de qui ye
el traste..
2.- Tot lo que se refiera
con es trastes de troballá ta ixo
aprecisán, que toz rechirén pe las
falsa, habé lo que yay, ta podelo
retratá.
.3.- Tot lo que se refiera
con es retratos, que es meterén
u per siglos, u quemsío si pe las
fayenas que siyan fendo, ixo ya
el dirén viyendo entre toz
..4.- Tot lo que se refiera
as trajes y vestimenta chistabina.
Ya en empazipiau a troballá
con es apartaus 1 y 3.
D’aquí en ta debán, la
aduya que se pide a toa la chen
d’el Lugá, que d’es trastes que
tienga per casa, habé si es
deixará retratá u escanialos, per
ixo es trastes no le pasará na y se
deixarán anque yeran, na mas cal
deixalos retratá, sólo ixo.
Con que tot aquel que
quiera aduyá ta esto que el faya
sabé a la Junta Cultural Las
Fuens, ta podé fe es retratos. Cal
tamién ezí, que en cada retrato,
se meterá la casa d’anque a salido.
Una vez que siya presto
el museyo, el meterén en interné,
ta que s’el pueda mirá el que
quiera.
Y ya ta acabá, decizos
que le podrín meté el nombre de:
“Museyo Virtual Ramón Bruned”.
Y ya cosa mas, miraz de
animazos a aduyá y a plantá
fueete
Página 17

Los bosques del valle de Chistau en la Edad Media
¿Quí ye Manuel López
Dueso?
En primeras tos diré que
soy tobo que no i cabo de podezos
presentá,en este numero del
Alcaugüet, a Manuel Dueso.
Tos podrí decí que este
misache ye un d’es historiadós
que más explicativa en podría fe
de la historia del Sobrarbe, perque
dende fa güenas temporás –
anque esti año el tiens fendo escuela
en un instituto de Balbastro–,
tarde que tiene libre, s’en
va a toda vitesa ta es archivos, y
venga esforigá recosiros d’antes.
Quisiera agradecer a Quino
Villa y a su hermano Angel
Luis el poder aportar algunos
datos sobre la historia, en el lejano
medievo, de ese valle. Nuestra
fuente serán documentos, los
cuales suelen reflejar aquellos
acontecimientos que se salían de
lo ordinario.
Como primera aportación,
quisiera colaborar con algunos
datos históricos sobre la
explotación forestal en el dicho
valle, pero en la Edad Media,
época sobre la cual no poseemos
más que escasas referencias
Página 18
Tos podrí decí que ye un
d’es que más ye empuxando,
dende bel año ta dezaga, el carretón
del Centro de Estudios del
Sobrarbe, con sede en Boltaña.
Tos podrí decí, tamién,
que cuan allega bel investigadó a
la nuestra comarca, y pregunta
per bel un que l’en pueda da
razón de esto y del atro, el acompañan
ta an que Manuel.
Tos podrí alcaugüetiá
más fetas de las que él nunca en
parlaría, perque ye un misache
humilde que a sabelo. Y ye per
ixo que tos quiero decí que Manuel
ye como ixe mollón en la
montaña: si vas caminando cara
él, no arrisga que te trafuques.
Manuel ye como ixa ceiquia que
Los bosques, la “selva”,
ha sido una fuente de riqueza
importante para los pueblos de
montaña, de ellos se obtenía madera
para tantos usos como lo
refleja su presencia en las formas
de construcción tradicional – en
1794, un viajero que visita el
valle de Chistau, señala que “los
edificios son de piedra cubiertos
con tabla o con paja” (BUIL GI-
RAL, León J (edit.), 1997, Viaje
por el Alto Aragón. Noviembre
del año 1794, edit. La Val de
Onsera, Huesca, pág.131), lo que
requeriría la existencia de
“sierras de agua” o “sarras”,
mencionadas en el ámbito de
Sobrarbe en el siglo XVI, y que
aún se conservan algunas, posteriores,
en ese valle y anejos
allega plena a caramuello, pero
que la moliná d’augua no fa mica
aparat; blinca el auguatillo, y
riega el prau, que ixo ye lo cal.
Manuel ye un amiguet que en
este y en atros numeros del Alcaugüet
fará unas cuantas cursas,
y nos dirá asomando a tozals y
turmaqueras con anvistas no pas
vistas de la nuestra historia. Si
no perque teneba una miqueta de
miramiento perque –diz– no
sabé escribí en chistabín, almejó
ya el habría feto antes.
Gracias, Manuel. Te ascucharén
la tuya parola, fendo
güenas orelletas.
La Redacción
(en Gistaín, Serveto o Sin); en la
elaboración de utensilios y otros
objetos, aunque fueran sólo de
adorno, o de ramas para leña (el
rey Jaime II, en un documento
emitido en Zaragoza el 7 de julio
de 1304, ordena al sobrejuntero
de Ribagorza, Sobrarbe y las Valles
mediar en el conflicto entre
los hombres de San Juan y los de
Gistaín por el uso de términos
donde pastar el ganado y extraer
leña), de “tiedas” para iluminar
la casa o para la carrera de la falleta
en San Juan, también citada
por el autor de 1794, etc… Hacia
1916, un viajero catalán, Julio
Soler, señalaba sobre los bosques
chistabinos: “Els boscos no
hi manquen; si bé foren en altre
temps objecte d'explotació per
EL ALCAUGÜÉ

part d'una casa estrangera, avui
bé es pot dir que sa riquesa forestal
sigui una font d'ingressos
per a aquest país, degut a la
manca de comunicacions en que
es troba i a la escassedat d'aigua
del riu, ço que impideix l'aprofitar-lo
per al transport de la fusta.”
(pág.175 en SOLER i SAN-
TALÓ, Julio, julio 1916, “La
Vall de Gistain*”, Butlletí del
Centre Excursionista de Catalunya,
nº 258, pp.165-175).
Esta referencia, apartada
en varios siglos del periodo al
que queremos referirnos, menciona
al final el transporte de la
madera, sobre lo cual haremos
mención, así como el uso de la
madera en la minería. Ya el viajero
anónimo que recorrió el Pirineo
aragonés en 1794 apuntó
que “hay algunos bosques de
pinos y abetos que extraen por el
Cinca a Fraga. Había más, pero
los han destruido las herrerías;
…” (BUIL GIRAL, L. J., opus
cit., pág. 131).
Aunque Julio Soler aún
refleja el descenso de madera
por el río Cinca, el escaso y
complejo cauce del Cinqueta,
obligaban a hacer descender esos
t r o n c o s o “ f u s t a s ”
“barranquiando”, guiadas por los
“nabaderos” – como se les menciona
en el siglo XVI -salvando
el paso de la Inclusa, y aguas
abajo el estrecho de las Devotas,
atándose los árboles en una
“placha” en Badaín. Las primeras
menciones a “nabaderos”
corresponden a hombres del valle
de Tella y Puértolas, y a prin-
NUMERO 10
cipios del siglo XVIII, fray Roque
Alberto Faci, al relatar los
milagros producidos por la imagen
mariana existente en la ermita
de Nª Señora de Badaín en su
Aragón, Reyno de Christo y dote
de María Santissima, tomo I
(edic. facsímil, 1739, edit.
D.G.A., Zaragoza, 1979):
“Domingo Lanau, hijo de las
casas de San Marcial, Barrio de
Sin, afirma, que baxando por el
Rio Cinca unas Navadas, o Almadías
de madera, se sumergió
en una de ellas más de una pica,
y media en lo profundo del Río,
y que invocando a N.Sra. de Badayn,
se halló sin desgracia algun
a , e n l a o r i l l a d e l
Río.” (pág.196).
Ya el rey Pedro I de
Aragón, en enero de 1102, concedía
al monasterio de San Victorian
el derecho a cortar en los
montes de Saravillo y de Salinas
la madera suficiente para la
obra del monasterio, que debió
descender hasta allí por el río
Cinca. Y es que por el río descenderían
los maderos, como
señala Jaime II, en un privilegio
otorgado en Lérida el 20 de
octubre de 1324 a quienes a los
hombres de Ainsa el poder conducir
“fustas” por el río Cinca
(“ducere fustes per rivum de
Cinqua”) hasta Tortosa sin pagar
derechos de paso y peaje
por los lugares que atravesaban.
Otro uso de la madera
fue en la minería. Las primeras
referencias a explotaciones mineras
corresponden al siglo XII,
con las concesiones por el rey
Alfonso II de la explotación unas
minas de plata en Benasque
(mayo de 1182) y en Bielsa
(diciembre 1191), pues eran patrimonio
de la monarquía, aunque
su aprovechamiento quedaba
en manos de arrendadores. No es
hasta el siguiente siglo cuando
hallamos un documento datado
en Valencia el 2 de diciembre de
1279 donde el monarca Pedro II
concede que sean “francos”, es
decir, libres de determinadas cargas
o impuestos exigidos por los
o f i c i a l e s r e a l e s , l o s
“argentarios” (es decir, los que
trabajaban con la plata obtenida)
de las minas de Bielsa, Gistaín y
Aínsa.
Página 19

Diez años más tarde,
hay referencias a la extracción
de hierro del interior de aquellas
montañas, como en el valle
de Bielsa, pues Alfonso III concede
en Zaragoza, el 2 de marzo
de 1289, a Domingo de Tella
y Fortún de Olsón, vecinos de
Aínsa, poder hacer casas en
Plan y una “fábrica” de hierro
en el Valle de Chistau; y el 26
de septiembre de 1333, desde
Sariñena, Alfonso IV escribe a
García de Castro, Baile de Sobrarbe
y las Valles, sobre la petición
por vecinos de Aínsa de
permiso para construir
“ferrerías” y molinos en términos
de Gistaín. Otro documento
redactado en Huesca el 26 de
junio de 1307 supone la exención
por Jaime II a los obreros
y mineros de las minas de plata,
plomo y cobre de Bielsa y Gistaín,
del pago de impuestos.
La explotación minera,
sobre todo de hierro, conllevaba
la existencia de “molinos” o
“ferrerías” donde transformar el
mineral de hierro en piezas, tras
un proceso de cocción en un
horno con carbón vegetal, obtenido
de los bosques circundantes,
así como la madera sería
también necesaria en la fabricación
de las herramientas de los
“meneros” o “menateros” y en
el entibado de las galerías que
perseguían bajo tierra las venas
de mineral. A tal punto llegó la
deforestación provocada por la
tala de los bosques, Jaime II, en
un documento emitido en Barcelona
el 23 de febrero de 1326,
ordenaba a García de Castro,
Baile de Sobrarbe, impedir a los
leñadores y carboneros cortar
Página 20
árboles para las “ferrerías” o
fargas de Bielsa y Gistaín, pues
podían ser adecuados y resultaban
más necesarios para fabricar
antenas, “árboles” y remos
para las galeras, y tendría que
ser el Baile quien indicase cuales
debían cortar
Las aventuras de la Corona
de Aragón en el Mediterráneo,
iniciadas a partir de
1282 con la expedición a Sicilia,
tras la conquista de las Baleares,
requerían abetos y hayas
para la construcción de las naves
(sobre las piezas de madera
en uno de esas naves, ver D.
Francisco Javier de Salas, 1868,
Discursos leídos ante la Real
Academia de la Historia, en la
pública recepción de.. Imp. de
T. Fortanet, Madrid, pp.98-105)
que permitieran, como afirma el
cronista Bernat Desclot en su
“Llibre del rey en Pere”, que
dijo el almirante Roger de Lauria
que "hasta los peces del Mediterráneo
llevaban en sus escamas
las barras del rey de
Aragón". El corte de aquellos
árboles era arrendado por particulares,
como los vecinos de
Aínsa Sancho y Domingo de
Dona Gracia, quien también
estaba implicado en la explotación
de las minas, y a quienes
en Lérida, el 25 de mayo de
1330, Alfonso IV da permiso
para cortar un número de árboles
para fabricar navíos en las
selvas de Gistaín y Bielsa por 5
años, útiles para la armada que
se preparaba para enfrentarse a
los genoveses. Desde Montalbán,
el 15 de agosto de 1333,
Alfonso IV reclama a los
“juratis et probis hominibus de
Gestau” así como a los de Aínsa,
valles de Bielsa, Puertolas y
la Solana, “aliquam quantitatem
arborem, entenarum, scalarum
et remorum”, necesario para su
armada, unos 3000 remos (de
los cuales 2000 de 36 palmos y
el resto de 35 palmos y medio),
40 antenas, 20 “árboles” o
mástiles, y 20 “escalas”. No
sería ésta la última petición,
como el 22 de junio de 1359, en
que Pedro IV exige que se permita
el acceso de los barcos que
traen la madera para remos y
otras piezas de las montañas de
Aínsa, tras descender por el río
Cinca hasta el Ebro y en Tortosa
embarcarse.
Fueron numerosas las
aventuras marítimas de la Corona
de Aragón, donde también
participaron los chistabinos,
continuando en siglos posteriores
dichas expediciones militares
y la necesidad de madera,
como se expresa en un documento
de Carlos I datado en
Madrid, el 27 de marzo de
1528, donde para armar 50 galeras
en Barcelona, eran necesarias
“árboles y antenas; y seamos
informados que en los
montes de Ceramello
[Saravillo], y en la Valle de
Xistau hay mucha abundancia
de ellos, y aparejos para los
boscar y cortar, y tirar a los ríos
para los traer, y en breves días
conducirse a a la marina,”
(pág.34 en CAMPMANY,
Antonio de, 1787, Ordenanzas
de las armadas navales de la
Corona de Aragón, aprobadas
por el rey Pedro IV, año
MCCCLIV. Imp. Real, Madrid.
Apéndice nº V, pp.32-49).
George Agricola, 1556, De re Metallica.
EL ALCAUGÜÉ

La noche des cuentos
La ixingardana escalfeta.
Ramona se mete aprisa
a escalibá en el fogaril, si queda
bel espurnallo no le caldrá emplegá
mica tieda,se le fa tarde
perque una fusá sa filau abaixo
en el corral con el güen está que
i feba,un sol que ta qué, Pepe se
ba trayé un güen morral d'archila
azul latro diya de par d'allá y
ta entoldau de emplegala antes
de que se l'ixugue y el tiens pintando
las lucanas y la puerta del
miradó, es atros son per la Poma
menos Fabian que ha tornau
ta la Tierra Plana, s'estimaría
mas quedase en casa pero diz
que le fa goi de pastó y non tiene
atra, Quinet i Marieta ya se
sienten per abaixo y Ramona
les apresta la brienda, pero a
ellos lo que más goi les fa ye la
bilá, no s'aduben ta que maye
les faya un atro cuento, a Ramona
la tiens empensa de tot:
Yeba una ixingardana
que se pasaba la bida entre las
piedras d'una paret, yera una
NUMERO 10
escalicueta y no feba so que
prebocá a toz es que teneba alredore,
pero yeba un caragol
que se le chiraba siempre y con
razón, la ixingardana se permenaba
y miraba la manera de felo
quedá mal deban de toz, ta ixo
ba escurrí fe una carrera de
punta a punta de la guerta y
venga estraliá y estraliá, pero
caso que no len feban güeire, a
la fin non ban tené atra con lo
enquessta que se ba meté, an
latro'l diya cuan ba allegá la
hora toz per alí sacando sencusas,
ella s'encarrañaba ¡la razosería
ixa, no podene amañotá
garra! El limaco que yera más
agudo , cuan ba viyé ixo ba escurrí
que yeba que dale una leción
a la ixingardana y ba icí
que el faría la carrera, el caragol
se ba plantá bien tieso y
presto al lau del limaco, ban
emprendé el camín pel cabecé
poquet a poquet, el limaco decamín
yera un troz ta debán,
pero ba empezipiá a fe la retranga,
se ba trobá con un fornigué
y alí se ba enchugardí, fendo
espazenciá a las fornigas y
esparraficandolo tot.
Cuan se ba repensá jopa
aprisa pero entremistanto el caragol
entre rescaldá y rescaldá
sin fesiye güeire ¡Que allega a
latra punta! Ali yeba un bulligué
y la ixingardana debán de
toz bien chasca que se ba queda
al viyé que el caragol allegaba
primé ¡El matután ixe han s'abra
fotido! Se feba,y d'en dixe
diya ya no ba fizconiá más. Toz
es animals que viviban en aquela
guerta ban determiná que el
caragol y el limaco serían es
reis de la guerta ¡Ta ixo se'l
heban ganau
Página 21

Memorias de una maestra de escuela
Como ser feliz con una
“barquilla” por mesilla.
Me instalé en la casaescuela
tan pronto como pude
.He vuelto a Chistau y la he
visto abandonada y sucia, pero
todavía hoy, después de treinta
años conserva mi huella, algunas
de mis pinturas en sus paredes.
Allí viví momentos felices.
No hace falta habitar en
un palacio, ni verse rodeada de
lujos y comodidades para ser feliz.
Hay algo que se llama ilusión,
ganas y buena voluntad que
hace que cuatro muros se conviertan
en la casa de tus sueños.
Y yo no necesitaba mucho
y tampoco estaba nada mal
el sitio, realmente .A falta de
una mano de pintura y una buena
fregada, nada más. Por lo demás
a mí me parecía perfecta mi nueva
casa.
Recuerdo que incluso mis
hermanos dijeron que era un lujo
y yo también lo creía así.
Tenía , además , una gran
falsa llena de leña seca que podía
usar para mi cocina ,la típica de
la época, que encendía cada día
y, aunque no tenía ducha ni bañera
, no me importaba demasiado
. Calentaba agua y, con una
esponja, me lavaba tan ricamente.
Todo mi mobiliario consistía,
no obstante, en un banco
de la escuela apoyado contra la
pared , una pequeña mesa de formica
y dos sillas .
Página 22
Había, además, una cama con un
jergón que no era muy firme
precisamente , y dónde te hundías
profundamente al acostarte.
Eso sí, tenía la luz gratis y podía
usar una estufa eléctrica en mi
habitación cuando el frío invernal
era muy intenso y tanta leña
que , a pesar del crudo invierno,
nunca pasé frío . Costaba salir
del sobre, eso sí, por las mañanas.
Recuerdo que no tenía
dónde apoyar el despertador y
encontré ó pedí, no sé, una barquilla
de fruta y la coloqué al
lado de la cama . Hacía su labor,
evidentemente, pero cuando venía
mi entonces “novio”, por
ejemplo , aquello le parecía fuera
de lugar e impropio , por así
decirlo. ¿Cómo puedes vivir así?
me increpaba. Y es que mucha
gente tiene la mente estrecha y
oblicua, y no pueden comprender
que eso no era lo importante
.Tenía demasiadas cosas que
me importaban como para prestar
atención a nimiedades: tanto
tiempo… todo el tiempo del
mundo Y tanto espacio… todo
el espacio del mundo. .Además
poseía el campo y también el
monte me pertenecía y ése sol
luminoso ese aire limpio, esa luz
radiante y una naturaleza espléndida.
Más que suficiente, a mi
entender, para sentirme a gusto
y , además , estaba a mi aire , sin
que nadie me dijese lo que tenía
que hacer. Allí todos éramos, de
alguna manera, los dueños
de nuestro mundo. Los indios
americanos no comprendían al
principio como los blancos
tenían el concepto de que la
tierra se pudiera poseer. Para
ellos era una aberración, carecía
de lógica . Sólo en
un lugar cómo éste y no en
una gran ciudad puedes comprender
y compartir su peculiar
visión del mundo y su
concepto de la propiedad.
Descubrí al poco
tiempo, no obstante, que el
jergón iba a ser un problema.
Mi espalda nunca estuvo bien
y no podía resistir aquella curvatura
.Empezó a dolerme y al
poco tiempo, estaba durmiendo
en el suelo. Así que decidí comentárselo
al alcalde de entonces,
una persona muy agradable.
Creo que era el abuelo de María
Eugenia y Miguel Ángel que,
por aquél entonces, tendrían unos
ocho ó nueve años.
Todavía recuerdo su imagen
volviendo del campo con las
ovejas cuando nos relató su
fantástica historia. Era por la
tarde y había salido con mi hermana
Tere a dar una vuelta.
EL ALCAUGÜÉ

Tere, mi hermana, se había
quedado conmigo aquélla primera
semana porque yo se lo
pedí. Era una maestra novata,
por así decirlo, y además tenía
demasiado trabajo aquellos primeros
días considerando que
eran diecinueve niños y, sobre
todo, de tan diferentes niveles,
de primero a quinto y unos sumaban,
los otros multiplicaban
y dividían .Mientras que los
pequeños comenzaban l en la
cartilla los mayores leían correctamente
.Atenderlos a todos
dada la variedad en cuanto a
su nivel de conocimientos resultaba
harto difícil .
Por eso me sentí aliviada
cuándo, generosamente, Tere
me dijo: Vale , te voy a ayudar
con los más pequeños hasta
que te organices. Y su labor fue
muy útil aquéllos primeros
días.
Mi hermana era adorable.
Tenía también mucha paciencia
y era cariñosa y amable.
Además se acordaba perfectamente
de su paso por la
escuela, pues era relativamente
reciente ya que era muy jovencita
entonces. Así que hicimos
dos grupos: Los pequeños, con
Tere y los mayores con Gloria.
El día del paseo al que
me refiero debió de ser efectivamente
durante aquélla primera
semana, pues íbamos juntas
y, al ver al señor alcalde con
sus ovejas, nos llamó sobre todo
la atención su zurrón. Iba
nuestro hombre ese día, tan feliz,
con su palo en la mano y su
vistoso zurrón de piel de cabra
.Estaba muy gracioso, so-
sobre todo porque se apreciaba
que era una persona afable, con
una alegre y pícara sonrisa en
la cara.
La conversación, a falta
de mejor tema, se desvió
hacia el l zurrón, que nos parecía
curioso y original. Él se
rió al ver nuestro interés y no
pudo menos que contarnos la
historia del mismo y sus implicaciones.
Debo reconocer que nos
sorprendió profundamente,
pues la historia resultó ser interesantísima,
como de cuento,
de esos cuentos tradicionales
que hablan de bosques, de niños
perdidos, peligrosas tormentas
,senderos intrincados….,
Tenía algo mágico, como
de cuento celta .
Nos dijo que le gustaba
llevarlo siempre cargado , llevar
muchas cosas , todo lo lleno
que podía, vamos, para que
pesase bastante, nunca vacío y
cuánto más peso llevase, mejor,
porque cuando era pequeño
,.muy pequeño, ya iba con
los rebaños al monte, y siendo
entonces, por su temprana edad
ciertamente frágil y de poco
peso le ocurría a veces que,
yendo pastor en invierno había
vendavales muy fuertes y a
menudo, se lo llevaba el viento.
Un día hubo un vendaval extremadamente
fuerte, tan, tan
fuerte, que el viento lo arrastraba
y arrastraba y así, sin poder
evitarlo volaba y volaba y, estando
arriba, cerca de Chistén,
comenzó a rodar cuesta abajo
y, rodando, rodando, sin poder
evitarlo ni agarrarse a ningún
sitio, empujado con muchísima
fuerza por aquél gran vendaval
continuó sin tregua deslizándose
más y más sobre el suave
manto de nieve recién caída,
rodando ,rodando siempre
cuesta abajo para acabar, finalmente
en San Juan de Plan. Se
asustó mucho sobre todo porque
era invierno, estaba nevado
y hacía mucho frío.
NUMERO 10 Página 23

Era por eso que desde
entonces había cogido la costumbre
de llenar bien su zurrón para
sentirse más seguro de que el
viento no le arrastraría con tanta
facilidad si se volviera a dar el
caso. Muchos años habían pasado
desde entonces, pero su querido
compañero de aventuras,
aquel zurrón como de cuento,
todavía era el fiel compañero de
aquel niño grande que un día ya
lejano, rodando, rodando, acabó
en San Juán de Plan.
Cuando, algún tiempo
después, le comenté lo de mi
problema con el jergón, me escuchó
atentamente y la solución
llegó rápidamente.
El carpintero se presentó
en mi casa con una hermosa tabla
de conglomerado, con unos
Página 24
La Birolla.
Trucha a la montañesa
Cosas que s’aprecisan:
-Una trucha per presona.
-Un troz de tocino entreverau.
-Retido.
Manera de felo:
-Zumo de un limón.
-Aceite d’oliva y sal.
-Pan esbrozolau.
agujeritos redondos para que
transpirase, a la mayor celeridad
posible, como de un día para
otro , vamos, lo que me sorprendió
gratamente pues en aquél entonces
las cosas tardaban en
hacerse. El ritmo era otro y lo
considerado “no urgente” podía
esperar semanas, incluso meses
sin problemas. Cómo cuando
aquélla vez le comenté que deberían
pintarse las ventanas de la
escuela, pues casi no les quedaba
pintura y se deteriorarían mucho
si no se pintaban. Se mostró de
acuerdo, pero pasaba el tiempo y
aquello muy urgente no debía
ser, así que decidí no insistir. Un
fin de semana compré pintura
roja, de un rojo intenso y esa
misma tarde las pinté. Fue una
iniciativa que tuve y me encantó
como quedaron.
Así que debió de pensar,
con buen criterio que lo mío era
urgente, más urgente que las
ventanas y tuve mi hermosa tabla
para descansar a gusto.
Este octubre, cuando
volví al pueblo de visita después
de 30 años, tuve el capricho de
levantar el colchón para comprobar
que todavía sigue allí.
También siguen allí algunas
de mis pinturas en las paredes.
.Me resultó emocionante
comprobarlo. Absolutamente
conmovedor.
Continuará.
Se lavan las truchas, se le saca la espina y se i mete alí el tocino. Se pasa per el pan esbrozolau,
se mete en un asadó untau con oli, se le decha un trocé de retido per dencima, y se ruixa bien ruixau
con el limón. Se fan asá en el furno cosa de media horeta; ya se vey cuan son prou cocidas.
Ye un plato bien sencillet de fe, y amás ye al caso ta días de vigilia; y si no fese prou, el pescau
va bien de tot ta la salú.
Conque güena vigilia, y güen provecho.
EL ALCAUGÜÉ

Ni una a drechas
Ya yera medodiya y la
solana s´apretaba firme en el
lomo. Chuanet levaba tot el
maitín esgarrapando per las
marguins de L´Emprío ta replegare
artos y allagas y no
heba feto cosa más que calentase
el lomo y punchase. Y a cada
punchazo se len diban más
las ganas de fere cosa.
Encara sería de veras lo
que le deciba Pale tots es diyas:
yes un esbagarau y un sopazas,
y no en fas garra a drechas-Se
ricuerda Chuanet... Pero ixo de
troballare gosa estare mala fayena,
y si te puncha la ranera…
no i hay qui s´agoche ¡Que le
farás!-Se diz Chuanet, Ixo ye
como deciba la copla: “Lunes
galvana, martes malagana,
miércoles tormenta, jueves malacuenta,
viernes a cazare sábado
a pescare y domingo a descansare”.
Y asina se pasa toa la
semana sin metere la un peu
deban de l´atro. El caso ye
l´heban dito´n casa que trayese
arrienda gargalla, que s´heba
esgarrañau y punchau arrienda
y no en heba feto mas q´un
faixet. Si con ixo caleba fere
bullire una calderá de ensundia,
graso, sebo, retido rancio… Ni
an en i heba ta fere una flamadeta
Cosa, que teneba arrienda fayena…
!Y las ganas de troballare
veste-las a mirare¡ Pos si no
tornaba ta casa con la menister
l´iban a metere per el cul del
diaple. Ya le paixeba que viyeba
a Male en el miradó y fendo
el resón: “Ridios nene mira que
yes esbagarau, ni an ta replegare
artos vales. Cal que tiengas
NUMERO 10
bel farranchón n´el lomo y no
te deixe agochar-te.” No más
per no sentir-la le valeba más
fer-se-ne y fere unas güenas
truesas antes de prener-se el
montante cara ta casa. Dito y
feto: Caleba viyelo como se
esgangoliaba con la estraleta
punchazo´n la una man…
punchazo´n l´atra basta que va
tenere la carga presta.
Tornaba Chuanet ta casa
bien contento. Per una bez
sería güen mesache y heba feto
lo que l´heban mandau y no le
cairía la endeleita…
No vales cosa, tot el diya ta
ixo… A ver si en i hay prou,
pero al atro diya en bez de chulla
en la brena te trobarás bel
corrusco pan y cosa más, que ta
lo que fas no en precisas guaire…
-Le deciba Male cuan va
amanecere per casa.
Male siempre roñaba,
pero la brena siempre le´n heba
feto güena. Cal qu´ixo que le
diciba no ise de veras- Se consuela
Chuanet.
Al atro maitín, al punto´l
diya, encendeba el misto
Chuanet y le pretaba fuego a
una truesa. Qué caloreta más
güena… Ixo basta que se tornase
a apretare el sol, que a la bez
no i habría qui s´arrimase tal
calibo- Se repiensa. Unas horas
más tarde el jabón ya yera cuasi
presto. Heban feto bullire el
sebo con sosa y una miqueta
d´augua y lo que de primeras
no s´achuntaba apuro de fuego
y güeltas, agora yera tot chunto
fendo una maseta. Ya el podeban
fotere en uns caixonets que
teneban presto con uns papels
ta que no se escapase.
Y dimpués a asperare
basta l´atro diya ta que se enfriase
y se metese duro ta podelo
cortare en tormos.
De noches, cuan ya yeran
chacendo, ba fotere un pet
y al detrás va empecipiare a
plebere como si no en hese caito
mica ¡Y el jabón difuera! Se
repiensa Chuanet. Pos ya puedo
baixar a replegarlo ta dentro
casa, que si no se desfará con
l´augua-Se diz- Asina m´habré
ganau la brena y Male no roñará.
Baixa tal corral y se pren
caixón del jabon que ya feba
esgroma con l´augua qu´heba
caito y el fote en la entrá refirmau
contra la paret ta que se
esgotase l´augua.
Al maitín se levanta con
güén sol: Dimpués d´un diya
mal en viene un güen- Piensa
Chuanet . Cuan baixa per las
escaleras siente roñare a Male y
cuan allega ta la cocina ya bei
a Male esfregándole algo
d´arnica en la ranera a Pale.
Güenas ¿Qué l´ha pasau Pale?
Pos ¿qué l´ha de pasare, carnuz?
Que yera l´augua con
jabón per tierra y yera tot un
eslisadere y Pale s´ha fotido en
tierra y s´ha gosau fere mal en
la ranera. No tenebas atro puesto
ta fotere el jabón… Yes un
maltrazau y un zofras
Pale espatallazau, male roñando…
Se diz Chuanet: Me
paix que va a calere sacase el
farranchón de la lomera y ire a
plegare bel caragol, que cuan
plebe y fa sol ye el tiempo´l
caragol.
Página 25

Cosetas d’aquí
El Día del Jabón.
Ha salido claro, y mira
que ayere tot el día va está plevendo
con alma; pero el tiempo a
veces ye de güena mena,
¡marcha!, que se va anterare que
caleba fere jabón y te va pensare:
“Cosa, deixalos que fayan y ya
acantaliaré un atro día.”
Poco a poco va allegando
la menistere: uns trayen leña menuda.
–la mejó ta fe bullire las
calderas–, atros trayen aceite emplegá,
que si ensundia, que si sebo,
bel zancarrón… ¡ya se sabe
lo que cal ta fere jabón! Las calderas
ya son prestas; se i decha la
menistere, se anciende el fuego
y, poquet a poquet, tot va fendo.
La una de las calderas,
que vieja ye, país que chima; pero
la chen d’edá sabe prou lo que
cal fere: un pegau de farina masá
con augua, y ya no cal pensá-ie
más. Se va turnando la chen ta
rechirare: “aspaciet, y siempre ta
la misma man”, alvierten las mulles
de mas edá.
Entremistanto, es más
críos y es criyez y criyetas que i
hay per alí, chugan a la roda; bel
uns no saben a qué man chirase,
pero ta ixo i son es grans,
t’anseñales; en i hay que fican el
gancho per dentro, que ixo no se
vale, pero ¡marcha!, ¿que les
quies fere? El chuego de la roda
ye bien majo; cal tenere maña ta
fela marchare sin que se decante
. Las calderas van bullindo
a la marcheta, como cal; tienen
que bullire a lo menos dos horas,
pero el reló ye ta el que no en
Página 26
sabe sabe güaire; se leventa el
tocho de rechirá, el coló de la lixiba
marca cuán ye prou; cal sabere,
cal estare diestros ta ixo, cal tenere
bela cana ta sabere cuan ha bullido
la menistere.
Cuan ya ye prou, se saca ta
es moldes con la esgromadera, con
tot el cudiau, con prou tiento; i hay
que deixalo reposare un día, antes
de cortalo.
Dimpués allega el rancho:
güen caldo y asau, que encara queda
negocio arrienda de la matacilla
que se va fere ta Chinere. Fa güena
tarde en San Pedro, pero a ixo
que el sol se ye rebaixando, el cura
ya el tien campaniando per la ilesia,
y mosica que ixorda de sentila;
cal replegá-lo tot ya, que entre toz
¡ya cuesta güen rato!; amás, bela
mullere quiere dire ta misa, con
que toz a retiro.
Ya en l’atro el día, de tardes,
torna la chen ta San Pedro, ta
el garaje Lafón, que tot el día el
tiens rocinando; i hay que partire
el jabón.
Se saca des moldes, se
marcan es cachos, se reparte la
mida, que
salgan toz
iguals; uns
cortan con
alambre
fina y dos
tochez,
acompasaus,
saben
como cal
fere; las
mullés de
más edá
miran fitofito;
tiene
que di tot
bien, si no se sabría, y bien aprisa
que se sabría. Atrás mulles el van
rebozando; alí toz se i fan. En ha
salido agundante.
Ye ya la hora del sopanvín;
entremistanto Julián pasa
es retratos que se han feto estes
días, y atras cosetas más que ha
aprestau.
Antes de jopá, toz van cojendo
bel cantet de jabón, ta els, ta
bel vecino, ta bel compromís, cada
un ya el sabe. Si en sobra mucho,
más ta deván s’en fará allegare ta
bela asociación de chen necesitá,
como l’año pasau. Una partideta
s’en guarda siempre en el lugá: el
medico bela vez en aprecisa ta la
chen que tiene mals en la piel;
apuramente receta lavase con
jabón de casa, y anque muchos en
fan en las suyas casas, si en calese,
siempre en apartán uns cuantos.
Toz von ya a retiro. El día
tamién s’en va; encara rocinea; ta
Sarabillo puya bien escuro. ¡Que
le farén!; a lo que deciban es golez
d’antes: “Metese con el tiempo y
con el governamiento, tot ye perdere
el tiempo.” Asinas que si
pleve, la deixarén que caiga.
EL ALCAUGÜÉ

El rinconé d’el Ayuntamiento
Este Ayuntamiento, en
esta ocasión ye el zagüe Alcaugüe
en el que escribín, con este
ya acabán la legislatura y fezos
sabé que len fecho bien a gusto,
deseyale mucha suerte a este
Alcaugüe, que se pueda editá
muchos años y animá a la chen
a que escriba en chistavín y
podé conservá la nuestra lengua.
Enhoraguena a la Asociación
Cultural las Fuens, per tot
lo que troballan y se preocupan
per la nuestra cultura.
En estes cuatro años,
que en estau con toz güsatros,
en fecho to lo que se ha puisto,
nos hen espantau agundante
con lo poquet a poquet, que se
fan las cosas en la Administración,
nos habría fecho goy, fe
más cosetas y más aprisa, y
amás ahora que en empizipiáu
con la crisis. Se han quedáu
agundantes proyectos a mita y
atros en “el tintero”.
Anticipazos que antes
de dínosne del Ayuntamiento,
toz farén una reunión ta toz es
vecinos, ta que sepiaz tal como
se queda el Ayuntamiento y tal
como yera cuan bon entrá fa
cuatro años.
Ahora tos querrén adelantá
las subvencions que llevan
pedidas este año que a empezipiau:
Ta Delegación Territorial
del Gobierno d’Aragón:
“Alumbrau ta el Paseyo del Miradó
de las Fontanetas”
Diputación Provincial
d e G Ü e s c a - C u l t u r a :
“Equipamiento tal Centro Social-Salón”
.
NUMERO 10
(acaba la cadiera, armarieta, pizarra
y pantalla fija ta el techo”
Diputación Provincial de GÜesca-Desarrollo
año 2011:
“Acondicionamiento y mejora
t’acabá el miradó de las Fontanetas”
Diputación Provincial de Güesca
-Desarrollo año 2012:
”Acondicionamiento y mejora de
la Füen de las Fontanetas” apaña
tot alrededó, meté algún bangé y
restaurala.
Diputación Provincial de Güesca
-Cultura: “Jornas Culturals
2011” encuentros aragoneses,
trajes y culturas.
Diputación Provincial de Güesca
-Turismo: “Señalización turística
camíns de la Ribera del Río Cinqueta”.
Parque Posets Maladeta año
2011:
“Mantenimiento de Pistas”
“Pavimentación Paseyo hasta el
Mirado”
“Estudio Impacto Ambiental
Molin de Chistén”
“Tramitación punto conexión
línea evacuación Molino”
Instituto Aragones de Servicios
Sociales: “Supresión de barreras
arquitectónicas.
INAEM-Insituto Aragones de
Empleo: “Contratación de un
oficial ta el mantenimiento de
servicios públicos” y concedida
según BOA nº 66 del viernes
01/04/2011 la cantidad de 9.000
euros.
Diputación General de
Aragón-Política Territorial:
“Acabá obra del miradó”
t’acabalo d’alumbrá y meté barandillas
de madera tot alredó.
Instituto Aragones de
l’Augua: “Meté contados a es
vecinos y ta cambia un troz de
tubería que falta en la traída de
l’augua de la 1ª caseta basta la
2ª, en la Cruz del Puyadase.
Tamien contazos que en
el Pleno de Sesión Ordinaria del
22 de chinere del 2011;
s’aproba en primeras el
“Reglamento de Administración
Electrónica del Ayuntamiento
de Gistaín” como podez viyé
son uns des Ayuntamientos primes,
que tendren este servicio,
así es vecinos que quieran
podrán ninbiá mandáu y
“tramitá” es papels que aprecisen
per Interné.
Ya no tos contán cosa
más, sólo decizos que to lo que
se ha fecho, se fecho pensando
en el interés del lugá de Chistén
y des vecinos en general.
Un saludo ta toz. El güestro
Ayuntamiento.
Escrito de la redación.
Como toz sabén, en este mes de Mayo que luego allega, se fan las eleccións
municipals y autonómicas. En el nuestro caso, que sepa el Ayuntamiento
nuevo, que tendrá a disposición de ellos, el Rinconé del Ayuntamiento,
igual que la tenido el Ayuntamiento que i hay ahora, ta que puedan
fe sabé as vecinos lo que les paisca mas conveniente. Tamién que
sepan que cuentan con la aduya y el güen fe de la Junta Cultural las
Fuens,
Página

www.chistabinos.es
Números atrasados: En la pagina
www.chistabinos.es, están en formato PDF,
todos los números publicados de
El Alcaugüé
Esta publicación esta subvencionada en
parte por la Comarca del Sobrarbe.♣
Deposito Legal
DLHU-482/2008
Imprenta Germinal
El fá
Junta Cultural Las Fuens
G22345581
DGA. 04-H-0450/2009
lasfuens@chistabinos.es
22367 CHISTÉN (Güesca)
Las opiniones vertidas en los diferentes artículos
de El Alcaugüé, son opiniones y colaboraciones reflejadas
por los autores, a los cuales agradecemos su
colaboración totalmente altruista y desinteresada. A
todos ellos muchas gracias.♣
Pagina 28 EL ALCAUGÜE