Create successful ePaper yourself
Turn your PDF publications into a flip-book with our unique Google optimized e-Paper software.
Miembronan temporal si mester traha un karnèt nobo tur aña i e karnèt aki ta<br />
válido solamente pa temporada di Festival di Tumba di e aña en kuestion.<br />
Manera pará den statuto, miembronan temporal o otro músikonan por apliká pa<br />
miembresia te ku 30 di desèmber promé ku Festival di Tumba òf despues di<br />
Festival di Tumba di e aña en kuestion.<br />
Direktiva ta súplika tur miembro i dirigente di gruponan musikal pa akudí na<br />
Curaçao Festival Center te ku 21 di yanüari <strong>2013</strong> pa atendé nan rekisitonan.<br />
Ta bon pa menshoná aki tambe ku tur hende ku tin karnèt i ku trata di falsifik'é<br />
ta haña sanshon i AMAK ta suspendé durante dos òf mas aña.<br />
Konsekuentemente e no por pa partisipá na festival di tumba.<br />
Ademas AMAK por kita e karnèt for di dje. No mester lubidá ku e karnèt ta<br />
propiedat di AMAK. Durante e periodo di sanshon AMAK ta sak'é for di e sistema<br />
di registrashon di manera ku ora swaip e tarheta e sistema NO TA REKONOSÉ.<br />
3.10 ASPEKTONAN TÉKNIKO<br />
3.10.1.Zonido<br />
Durante reunion general, miembronan a ekspresá nan deseo pa haña aun un<br />
kalidat di zonido mas haltu, dor di optimalisá esaki. E zonido ku ta keda produsí ta<br />
bon i limpi, pero e partisipantenan ke sinti mas efekto ku ta keda produsí pa nan<br />
agrupashon musikal den e produkshon final. Ta trata aki di aspektonan rítmiko i<br />
tambe di harmonia, di bos i di instrumentonan di bientu.<br />
Reunion General manera tur aña a instituí un komishon di zonido ku lo bai atendé<br />
e asuntu aki ku esnan envolví.<br />
Di parti di direktiva, nos ta hasi un apelashon riba e músikonan pa no kambia<br />
sierto ahustenan riba e diferente instrumèntnan (amplfikadornan). Esaki tambe<br />
ta okashoná sierto konfushonnan pa esnan ku ta responsabel pa meksmentu di e<br />
zonido.<br />
47