seis poemas galegos - Consello da Cultura Galega

Desta viaxe a Granada, seguindo a Ian Gibson 84 , Eduardo trae para Madrid
varios poemas da aínda colección inédita Diván del Tamarit. «A Casida
de los ramos» aparecerá o 26 de decembro de 1934 na revista Ciudad, da
que Blanco-Amor é redactor, e en febreiro de 1935 aparecerán no Almanaque
literario, correspondentes ás catro estacións de 1934: a «Casida de la
muerte clara» (poema rebautizado máis tarde como «Gacela de la huida»),
«Gacela del mercado matutino», «Gacela del amor con cien años» e «Casida
de la mujer tendida boca arriba». De todos os modos, ben puidera ser que
algúns destes poemas lle foran entregados a Eduardo, ben en xuño de 1934
(Blanco-Amor está do 2 ó 24 de xuño en Madrid e Lorca traballa precisamente
durante os meses de maio e xuño na Residencia), ou ben nos primeiros
días de outubro, tendo en conta que Lorca podería ter finalizado o libro en
setembro e Blanco-Amor residirá en Madrid un longo período da súa estadía
en España (15 de setembro de 1934 ata o 20 de xuño de 1935). Polo
mesmo, cando Blanco-Amor alude ó nacemento da «Gacela del mercado
matutino», que escribiu ó seu lado e da que el sabe cando, por que e para
quen a escribiu, tivo que suceder no verán de 1934. Nunhas notas manuscritas,
atopadas na súa biblioteca, redactadas en Buenos Aires, en maio de
1937 85 , Blanco-Amor xa non poderá perderse por aquelas sombras azuis...
«sin encontrarme, en cada recodo, con la sombra malherida
de Federico y el clamor mudo de sus ojos sin eco. Por las alamedas
del Generalife, donde vaga solo un galán y el aire... Y por la
puerta de Elvira, donde una tarde Corpus, escribió, sin escribirla,
tecleando con las manos libres en las palabras habladas aquel poema,
que yo he de repetir allí mismo, al paso de su sombra sin
reposo, en sus justas palabras iniciales:
Por el arco de Elvira
voy a verte pasar
para sentir tu nombre
y ponerme a llorar. 86
85 «Un recuerdo de Federico García Lorca. Cómo nació un libro inédito», El (sic) Diván del
Tamarit. Notas que estaban escritas para Ensayos (Montevideo), II, nº. 16, outubro de 1937, pp.
1-6. Vid. Anderson, 1988, p. 156.
86 Blanco-Amor nestas notas manuscritas altera o texto desta estrofa inicial:
Por el arco de Elvira
quiero verte pasar
para saber tu nombre
y ponerme a llorar.
99