seis poemas galegos - Consello da Cultura Galega

García Lorca, cando o coñece Blanco-Amor, está instalado en Madrid,
na rúa Alcalá, e está interesando vivamente á intelectualidade de Madrid,
coa estrea de Bodas de sangre: desde Jacinto Benavente, Unamuno, ata representantes
da súa xeración como Vicente Aleixandre, Luis Cernuda, Rafael
Alberti. Consegue un grande éxito de crítica e permítelle soñar coa
posibilidade de seguir representando o seu teatro de vangarda. Tamén o
Club Teatral de Cultura de Pura de Maórtua de Ucelay estrea o 5 de abril no
teatro Español Amor de don Perlimplín con Belisa en su jardín e repón La
zapatera prodigiosa.
Blanco-Amor, despois de enviar para La Nación un conto de cidade:
«Lucha de clases –cuento aproximadamente ruso–» (publicado o domingo,
7 de maio de 1933) 80 , e deste primeiro encontro en Madrid con Federico,
en maio de 1933, interrompido pola morte de súa nai, que ocorre o 12 de
xuño, vai pasar uns días na casa de Suárez Picallo a Sada, para repoñerse.
De seguida, percorre a xeografía viva (homes e terras) da súa Galicia natal,
pois parte das súas crónicas periodísticas van tamén dirixidas a dar a coñecer
Galicia en América.
Volve outra vez, do 3 ó 12 de agosto, a Madrid, lugar que considera o
centro de resonancia de calquera actividade política ou cultural de cambio.
E nestas viaxes a Madrid hai que situar xa as primeiras participacións de
Eduardo, como un admirador máis, nos actos de La Barraca e as Misiones
Pedagógicas:
«... Yo les acompañé varias veces por los pueblos. Además
de La Barraca había otra actividad cultural, las Misiones Pedagógicas,
encaminadas por Casona y Rafael Dieste. Consistían en pequeñas
conferencias, recitales, lecturas de clásicos y, sobre todo,
llevaban con ellos un museo ambulante con grandes copias de
los cuadros fundamentales del Museo del Prado y las exponían
en las ferias de los pueblos y explicaban a aquella gente cómo
era aquella pintura, sus significados y valores. No tienen idea de
lo que era la España de entonces... Recuerdo que un día fui con
Federico a un centro de Carabanchel porque habían pedido una
charla sobre pintura. En algunas fábricas los obreros dedicaban,
80 Este conto iniciaría unha serie de quince, con personaxes incrustados en ambientes de
cidade, que son os primeiros ensaios literarios de Blanco-Amor cara a esa novela que lle debía
a Buenos Aires e que nunca escribiu sobre a burguesía bonaerense. Publicaría os dous seguintes
na revista Ciudad: «Fisiognomía –cuento en una escena y un estrambote–» (nº. 1, 26-12-1934) e
«Manía y Tránsito del Dr. Cherubini» (nº. 8, 13-02-1935). Vid. Tarrío Varela, 1993b e Pérez Rodríguez,
1993c.
95