seis poemas galegos - Consello da Cultura Galega

Blanco-Amor, despois da morte do seu amigo, levará sempre na súa
carteira de conferenciante o tema lorquiano e irá revelando notas humanas
desta relación, nun diálogo ininterrompido, que só se apagará coa morte
do escritor auriense. Pero xa antes de coñecerse persoalmente, os círculos
literarios nos que se desenvolvía o labor periodístico de Blanco-Amor en
América incluían o coñecemento das novas xeracións de escritores de España.
E García Lorca xa era escritor de prestixio cando en 1928 aparece unha
recensión do seu libro Romancero gitano en La Nación de Buenos Aires,
periódico que ofrecía ós seus lectores un suplemento semanal literario no
que escribía tamén Blanco-Amor. Case nas mesmas datas aparece tamén
unha recensión en La Nación, de Romances galegos de Eduardo, e o noso
escritor confesaría que o crítico Díez-Canedo, asiduo colaborador do rotativo,
sinalaría esta feliz coincidencia do renacemento do romance, en dúas
linguas diferentes e lugares distintos. Segundo o testemuño de Blanco-Amor,
envioulle, de seguido, un exemplar a Lorca (feito, por outra parte, habitual
nel: enviarlle ós amigos e coñecidos exemplares da súa obra) 75 e mantivo
con el unha relación epistolar, que non se conserva76 .
Sen embargo, Blanco-Amor cita textualmente un parágrafo dunha carta
que lle tería escrito García Lorca en 1928, despois de ler os seus Romances
galegos:
«Tú con tu fala de luces grises, deshuesada; yo con este
resplandor hiriente, con este idioma tigre… (Carta de Federico
García Lorca, por mis Romances Galegos, Buenos Aires, 1928) 77 ».
A probabilidade de lle ter entregado este libro e tamén Poema en
catro tempos, publicado en 1931, convértese, pois, en certeza, cando o
75 Vexamos, como exemplo deste amigable costume de Eduardo, o envío a Alfonso Reyes,
tamén amigo de Federico, dos seus Romances galegos e a contestación de agradecemento deste:
El Embajador de México
«Amigo Eduardo Blanco-Amor: mil gracias, de todo corazón por los Romances gallegos,
que ha llegado a mi con su ternura misteriosa y su blando y dulce reclamo; Raza admirable la de
Vsted, donde el mismo pulso de la sangre tiene un temblor lírico!. Bello libro el suyo, que tiene
como una caricia en cada página. Por él lo estima más su amigo,
Alfonso Reyes» (s/d).
76 A Fundación Federico García Lorca conserva tres cartas de Blanco-Amor a García Lorca,
pero corresponden á segunda estadía de Eduardo en España: 1933-35 (15-novembro-1934; 22setembro-1935;
29-novembro-1935). Ver Pérez Rodríguez, 1994.
77 «Testimonios. Margarita Xirgu cuenta ochenta años, I», La Vanguardia Española, Barcelona,
28 de decembro, 1968, p. 47.
Museo Casa Natal Federico García Lorca, Fuente Vaqueros, Granada.
93