seis poemas galegos - Consello da Cultura Galega

nesto, de tan só 22 anos, puido acentuar o seu amor á terra, tendo en conta
que daquela Guerra da Cal, como vimos, xa vivía tamén con entusiasmo a
defensa dos valores da súa terra.
De todos os modos, a relación de Eduardo con Ernesto tivo momentos
de expansión, coma os do verán de 1934. Blanco-Amor emprende unha longa
viaxe por Galicia o 25 de xuño: Baiona (25 de xuño ó 23 de xullo), Santiago
(24-27 de xullo, para as festas do Apóstolo e da Patria Galega) e continúa a
viaxe por Ortigueira, A Coruña, Mondariz, Caldelas, Cambados, A Toxa,
Vilagarcía e Pontevedra, retornando a Madrid o 31 de agosto.
O día oito deste mes, como recolle a súa axenda e testemuña a foto
con Ernesto, están os dous nas festas de Ortigueira. Blanco-Amor recordará
máis tarde que parte desta viaxe fíxoa en compañía de Ernesto.
A relación de Eduardo con Federico, despois da presentación de Guerra
da Cal, collería un camiño autónomo. Blanco-Amor foi sempre quen de
manter as súas relacións cos amigos independentemente, unha vez iniciadas.
2.3. Eduardo Blanco-Amor e Federico García Lorca
A amizade de Eduardo e Federico, se nos atemos ós froitos desta relación,
vén a rachar cunha lenda, tecida en grande parte e fundamentalmente
polo Guerra da Cal dos derradeiros anos, segundo a cal García Lorca soportaría
pasivamente os encontros co noso escritor, desexoso este de adquirir
notoriedade. Como veremos, hai moitos puntos humanos, artísticos e de
afinidade intelectual entre os dous escritores, que son os verdadeiros soportes
desta amizade.
Así, Blanco-Amor axiña se sente seducido polo ambiente en que se
move Federico: ambos os dous profesan fonda admiración por personaxes
como M. Azaña, Fernando de los Ríos, Cipriano Rivas Chérif ou Margarita
Xirgu73 . Vexamos, senón, esta carta que Eduardo lle escribe desde Buenos
Aires, de data 29 de novembro, na que expresa esta forte atracción que esta
xeración sentiu por Azaña:
«... En cuanto salga de estas cenizas, lo primero que aceptaré
será la recepción en el CÍRCULO DE LA PRENSA, a continuación
73 Vid. Pérez Rodríguez, 1994.
90