seis poemas galegos - Consello da Cultura Galega

dor San Martín de Córdoba e, na versión de cantata, no Auditorium de Mar
del Plata. Sería tan só para o mestre a satisfacción de vela representada na
terra de súa nai. E Galicia renderíalle unha merecida homenaxe a quen, aínda
o pasado 14 de xullo, no seu noventa aniversario, recibía unha calorosa
homenaxe da Asociación Argentina de Compositores, ofrecéndolle un concerto
con obras súas, no Salón Dorado do Teatro Colón de Buenos Aires.
Galicia débelle, en xustiza, unha homenaxe.
9.3. Recital musical dos Seis poemas galegos,
por Isidro. B. Maiztegui e Marta de Castro
Morte cruel, esa tredora maña
de roubar de non cato a humana vida...
(Do soneto «Réspice finem» de Pedro Vázquez de Neira).
Rematabamos o apartado anterior, na primeira edición, pedindo a pronta
posta en escena do Macías de Isidro Maiztegui, que sería tamén a ocasión
para que Galicia lle tributara unha homenaxe ó mestre, por moitos méritos
contraídos coa cultura galega. Nós repetimos aquí unha vez máis e agora,
que xa se nos foi, con máis motivo, a solicitude desta estrea. O seu labor a
prol da dignificación da vida dos nosos emigrantes, a través da súa educación
musical nos Coros galegos, que el dirixiu e contribuíu a fundar, sería por si
só mérito suficiente.
O 12 de abril de 1996 presentábase este libro e estreábase a música
que para os poemas de García Lorca compuxera don Isidro. Veu
especialmente invitado polo Consello da Cultura Galega para este acto desde
Mar del Plata (Arxentina). O Consello, aproveitando esta ocasión,
homenaxeaba así tamén a traxectoria musical deste compositor, fillo de
galega. Sabemos, porque nolo contou así o mestre, que pasou uns días felices
en Compostela, en compañía da súa dona Blanca e da súa filla. Coas atencións
da xente do Consello, preparou o recital musical no piano de Ramón
Castromil, membro do Consello, presidente da súa Ponencia de Música e
Artes Escénicas e tamén excelente pianista. Xuvenil e emprendedor,
sorprendeu, ós seus noventa anos, a todos os que tiveron un trato máis
próximo con el, na preparación deste acto musical.
359