seis poemas galegos - Consello da Cultura Galega

para tocarme ó piano o «Madrigal». A música dos restantes poemas chegou
pouco tempo despois.
A unión da música coa poesía é, de seu, un acto natural. Pero a música
para o poemario lorquiano en galego é un acontecemento que temos que
celebrar. Os Seis poemas galegos, no seu conxunto, xa teñen música e poden
ser cantados en fermosas veladas. Gracias, mestre. Federico, Ernesto,
Eduardo xa teñen música para os seus poemas281 .
9.2. Música para os Seis poemas galegos
Sería ousado pola miña parte tentar resumir o currículum de Isidro
Maiztegui. Nos seus noventa anos viviu unha das experiencias musicais máis
ricas.
Ten obras para piano, canto e piano, voz e frauta, frauta e guitarra,
para conxuntos instrumentais, de orquestra e de cámara, guitarra, arpa, clave,
música para teatro, cine (recordamos, desde aquí, Muerte de un ciclista,
Calle Mayor, Sonatas, todas elas de J. A. Bardem).
Director musical dos mellores teatros de Arxentina, membro de
comisións culturais, profesor de conservatorio, director de arquivos musicais,
obxecto de múltiples homenaxes e premios.
Pero quero destacar aquí de Isidro Maiztegui o traballo como director
dos grupos corais Ultreya, Os Rumorosos e Terra Nosa. Todos sabemos o
labor destas corais na defensa da identidade galega a través da música.
Pido, desde estas páxinas, a pronta estrea en Galicia da súa cantata
escénica Macías o Namorado (Poema escénico —prosa e verso— sobre unha
cantata de Otero Pedrayo, por Ramón Cabanillas e Antonio de Lorenzo).
Temos un mito literario: Macías o Namorado e a súa cantata, con música de
I. B. Maiztegui. Sería un acontecemento musical de primeira liña. Esta obra
non precisa que confirme a súa valía: foi estreada con grande éxito en versión
completa (ballet, coreográfica, decorado, vestiario) no Teatro Liberta-
281 Temos noticia de que algúns deste poemas, de xeito individual, xa foron musicados.
Tal é o caso de «Canzón de cuna pra Rosalía Castro, morta», polo barítono Antón de Santiago.
Pero tamén sabemos que outros autores lle puxeron música e cantaron algúns destes poemas.
Xoán Rubia, no seu disco Lembranzas, editado por Zafiro, canta o «Noiturnio», a «Cantiga»
e a «Canzón». En Cantares da miña terra, producido por Fonogram, o «Madrigal». Amancio Prada,
o poema da «Danza». Outros músicos que se ocuparon dos poemas: A. Iglesias Vilarelle, Grupo
Jarcha, etc.
358