seis poemas galegos - Consello da Cultura Galega

expectantes, ante esta forza de natureza poética, escoitan suspensos como
García Lorca alterna cancións populares andaluzas («Los cuatro muleros»,
«Los mozos de Monleón», «Las tres morillas») con cantigas de Martín Códax,
«A Nosa Señora da Barca» e outras do folclore popular galego.
Francisco Fernández del Riego, testemuña felizmente viva daquel
encontro, destaca a calidade humana de García Lorca, facendo viño novo
da vella cepa popular da poesía:
«O poeta contemplaba o seu propio ser por dentro e ensinaba
a alma andaluza, de grans apretados como a froita do seu país» 17 .
Regresa a Madrid prefigurando, coa súa maxia literaria, o primeiro dos
poemas: «Madrigal â cibdá de Santiago». O capitán Francisco Iglesias, amigo
galego de Federico, transmítelle a Carlos Martínez-Barbeito á Coruña a sentida
gratitude do poeta granadino:
«Por mi amigo García Lorca sé de las mil atenciones que tuvieron
con él, y a la par me imagino lo que les habrá agradado su
inmensa arte…» 18 .
Federico deixa, pois, en Galicia moitos amigos. Carlos Martínez-Barbeito,
quen, como dixen anteriormente, tivo a cortesía de atender amablemente
todas as miñas preguntas sobre a súa relación con García Lorca, foi un dos
principais. Estudiante de Dereito e Filosofía e Letras na universidade de
Santiago e integrante do Comité de Cooperación Intelectual de Santiago, foi
o encargado de presentalo na conferencia que Federico deu na Sociedade
Compostelá de Amigos del País e quen o acompañou na ofrenda floral a
Rosalía de Castro.
Carlos conserva os libros dedicados por Federico, verdadeiras xoias
bibliográficas, adornados cos seus debuxos impagables. Primer Romancero
Gitano e Canciones, dedicados en Santiago durante a súa viaxe de maio,
como queda dito anteriormente, e outros que García Lorca lle enviou desde
Madrid, por propia iniciativa: Fábula de Polifemo y Galatea de Góngora
(Madrid, Indice, 1923), Jinetes hacia el mar do irlandés John Millington Synge
(traducción de Zenobia Camprubí, Editores Juan Ramón Jiménez e Zenobia
Camprubí, Madrid, 1920) 19 , e as obras poéticas de Afonso X o Sabio ( Jiménez-
Fraud, editor).
17 Ver «Inquérito a Francisco F. del Riego». Alonso Montero, 1985l.
18 Madrid, 16 de maio de 1932. Arquivo epistolar de Carlos Martínez-Barbeito, con autorización
de Isabel Martínez-Barbeito.
19 Obra que Carlos Martínez-Barbeito traduciu ó galego, aínda inédita.
23