seis poemas galegos - Consello da Cultura Galega

VI. UN DÍA DAS LETRAS GALEGAS PARA FEDERICO
Escribiamos na primeira edición:
«Si. Pedimos, desde estas páxinas, un Día das Letras Galegas para Federico,
no sesenta aniversario da publicación deste texto poético, pero tamén
dos asasinatos do autor e editor dos poemas, por ferro irado260 .
Eduardo Blanco-Amor pedía, en certa ocasión, que o organizara Celso
Emilio Ferreiro. Hoxe, que Celso Emilio vive no alén con Eduardo, eu pido
que o organice X. Alonso Montero, biógrafo de Celso Emilio, estudioso dos
Seis poemas galegos e coñecedor da poesía dos nosos poetas alófonos, que
cantaron en lingua galega, desde os trobadores ata os nosos días.
Federico iría, por suposto, á fronte dese batallón literario.»
Agora, nesta segunda edición, que sabemos que o Día das Letras Galegas
1998 está dedicado ós poetas medievais Martín Códax, Mendinho e Xohán
de Cangas, seguimos pedindo que se dea a coñecer este fermoso poemario
do trobador moderno García Lorca, en ocasión tan sinalada.
Entón, os poetas galegos de hoxe terían ocasión oportuna para
ofrecerlles a Federico e a todos os trobadores que cantaron en galego, antigos
e modernos, a súa admiración cos seus versos.
O poeta granadino, rodeado non só de Ernesto, Eduardo, Ánxel Casal,
Rosalía de Castro e de todos os seus amigos galegos, senón tamén de novos
260 Outra razón máis: polo centenario do nacemento de Ánxel Casal, patriota e esforzado
editor, nado o 17 de decembro de 1895.
211