seis poemas galegos - Consello da Cultura Galega

Non pretendo ser orixinal: sigo a tese de Blanco-Amor. En primeiro
lugar, el sempre defendeu que había que recuperar a imaxe total de Lorca,
na que está presente, de xeito central, a súa homosexualidade. En carta a
Ian Gibson, respóndelle:
«(...)
En lo tocante a las aportaciones que usted supone puedo
suministrarle, lo publicable ya está todo dicho y lo impublicable
se esboza en el largo artículo (no me atrevo a llamarle ensayo)
aparecido en EL PAIS, el primero de octubre de 1978. En el vería
que se roza el tema de la homosexualidad, siempre vidrioso pero
indispensable para conocer esencialmente la vida y la obra del
poeta. Todo ello tendría que ser motivo de conversaciones y partiendo
de un grado previo de comprensión entrañable del problema,
sin el cual toda conversación será inútil...» 256 .
Así o pediu tamén publicamente nunhas notas preparadas para a estrea
de Así que pasen cinco años.
En segundo lugar, sempre afirmou que o «incitador» deste poemario
era o seu amigo íntimo Gerra da Cal. Blanco-Amor, polas relacións con Lorca
sinaladas noutros apartados anteriores, debíao saber ben. Reitero que non
pretendo afirmar nada sobre a sexualidade de Ernesto, senón explicar estes
poemas desde quen os concibiu: Federico.
Por iso, neste apartado defendemos a tese amorosa dos Seis poemas
galegos. Isto é, poetizan unha experiencia poética, vivida por Lorca, fundamentalmente
na súa relación de amizade con Ernesto.
Non negamos que a forza e intención poética lorquiana poida orballar
e sobrevoar outras experiencias con aquela xeración de galegos cos que
García Lorca conviviu, nunha intensa amizade. Por iso, definimos este texto
poético como poemas de amor e amizade. En xeral, son unha ofrenda a
Galicia e ós galegos. Pero, no centro deste pórtico, está Ernesto.
Na elaboración destas notas sobre os poemas hai dous momentos
sinalados que me levaron a fixar, finalmente, esta hipótese. A primeira e
principal foi a lectura do libro de Ángel Sahuquillo, Federico García Lorca
y la cultura de la homoxexualidad: Lorca, Dalí, Cernuda, Gil-Albert, Pra-
256 Copia dunha carta, escrita a máquina: Ourense, 30-abril-1979. Arquivos da Biblioteca
Blanco-Amor, Deputación Provincial de Ourense.
206