seis poemas galegos - Consello da Cultura Galega

e da literatura e, en máis dunha ocasión, propúxolles a García Lorca como
o xenio a imitar. Contounos o director teatral arxentino Guillermo Ben Hassan
como, por mediación de Eduardo, coñeceu e amou o teatro de García Lorca,
ata o pundo de que o seu estilo condicionou o futuro das súas montaxes
teatrais245 . Eduardo vivira unha experiencia teatral con Federico e quería
transmitila en América ás novas xeracións.
Xa en España, recordamos o seu traballo en El Caballero de Olmedo,
peza dirixida por Ricard Salvat e representada pola Cía. Nacional «Angel
Guimerá» en Barcelona. Eduardo encargouse do prólogo: Lope de Vega y lo
clásico e asesorou ó seu director e realizador nos matices literarios para a
dramaturxia. Era unha continuación do teatro entendido como compromiso
coa súa xente, co teatro popular, no camiño que Federico quería.
Blanco-Amor aínda redactaría o texto-programa para a representación
de Yerma no Círculo de Cultura Teatral de Porto, en outubro 1979, uns meses
antes de morrer.
No arquivo da súa biblioteca tamén poden atopar os estudiosos notas,
guións para conferencias e outras mensaxes a Federico, co que mantiña un
diálogo vital en constante fecundidade.
Finalmente, as figuras de Federico e Eduardo presentan enfoques de
interese para os críticos.
El drama de las hijas de Lot (obra alternativamente titulada La destrucción
de Sodoma), ese manuscrito destruído ou desaparecido de García Lorca,
tería o seu correlato en Diálogos frente a la casa de Lot, que Blanco-Amor
confesou ter escrito in mente pero que non apareceu entre os papeis da súa
biblioteca.
Tamén a súa poesía, de tema amoroso e erótico, que Blanco-Amor
deixou abundantemente nos seus libros de poesía: Horizonte evadido, En
soledad amena, Romances galegos, Poema en catro tempos e outros textos
espallados en publicacións periodísticas e, en parte, inéditos, como Poemas
del Angel. Poemas que podiamos estudiar, comparativamente, con Sonetos
del amor oscuro e Poemas de amor y erotismo de Federico García Lorca246 .
245 Conversa gravada para a serie Eduardo Blanco-Amor: o escritor da xente (Vídeo Voz
TV), que a Televisión Galega emitiu na semana das Letras Galegas-1993. Guión de Luís Pérez
Rodríguez.
246 Vid. FGL: SAO, PAE, IM, ed. Ruíz-Portela.
195