seis poemas galegos - Consello da Cultura Galega

I. FEDERICO GARCÍA LORCA E GALICIA 7
1.1. Primeira viaxe de García Lorca a Galicia
Sucede en 1916. José Mora Guarnido 8 , amigo de infancia e de estudios
universitarios de Lorca en Granada, comenta o encontro beneficioso do noso
poeta co profesor Martín Domínguez Berrueta, catedrático de Teoría da Literatura
e das Artes, histriónico e paródico, pero que tivo a idea e a «virtude»
de conseguir unha subvención ministerial para viaxes de «prácticas», ós que
chamaba «rutas». Todos os anos, segundo nos conta Mora Guarnido, como
fin de curso e tras unha selección caprichosa do alumnado, emprendía un
itinerario: a ruta do Romanceiro, a do Cid, a do Quixote, a do Arcipreste,
etc. Nestas viaxes houbo tamén unha ruta galega: Santiago de Compostela,
A Coruña e Lugo.
Federico García Lorca ofrécenos unha visión da terra e das xentes de
Galicia daquela época, desde o sentimento dun poeta novel 9 . Viaxa en tren
desde Zamora a Santiago e, desde aquí, en coche, trasládase á Coruña e
Lugo. As impresións deste mozo viaxeiro translocen tópicos, pero mostran
xa a sensibilidade dun artista popular, aberto a unha interpretación da
7 Ver Franco Grande e Landeira Yrago, 1974; Landeira Yrago, 1986a e 1986b.
8 José Mora Guarnido: Federico García Lorca y su mundo -Testimonio para una biografía-,
Buenos Aires. Editorial Losada, S. A., 1958.
9 FGL, I y P («Un hospicio de Galicia») e FGL, PRIJ, ed. Maurer («Impresiones del viaje.
Santiago», pp. 467-469).
19