seis poemas galegos - Consello da Cultura Galega

ecorren los caminos; la poesía era tiernísima y estaba verdaderamente
transida de lluvia y de melancolía galaicas» 188 .
Pero sobrevén a circunstancia feliz para a literatura galega: a íntima
amizade con Ernesto Pérez Güerra. Esta amizade é decisiva (lembremos que
foi Blanco-Amor quen afirmou e reafirmou esta influencia, «incitadora» nos
poemas). A data exacta da escritura é importante para a fixación dos textos,
pero a razón da creación dos mesmos é fundamental. Sabemos que á volta
da súa viaxe a Compostela en maio do 1932, Lorca está disposto a escribir
os poemas en galego e, nestes momentos, a amizade con Ernesto está xa
consolidada189 .
Aproximemos un pouco máis a data destes poemas. En liñas xerais,
estamos de acordo coas dadas por Andrew A. Anderson, na súa edición crítica
deste poemario.
Podiamos mesmo diferenciar dúas fases: a data da escritura dos posibles
borradores de García Lorca e a posterior colaboración lingüística con
Guerra da Cal.
«Madrigal» puido escribilo Lorca en Santiago ou ó volver a Madrid,
despois da súa estadía en Santiago. O autógrafo conservado é unha copia
en limpo, escrita en novembro de 1932 por Lorca na trastenda dun comercio
de gramolas que Luís Manteiga tiña en Lugo, ante a ollada atenta dos
seus «asesores» linguísticos, Francisco Lamas e Luís Manteiga. Federico partiría
dun borrador previo ou tamén puido trasladalo directamente da súa
memoria ó papel.
«Romaxe e Noiturnio» podían ser escritos en 1933190 . O primeiro, copiado
no dorso dunha invitación, dirixida a Lorca polo Embaixador de Portugal,
para concertar unha cita con Julio Dantas, o 9 de maio de 1933. Lorca
marcha para América o 13 de outubro, polo que puido ser escrito antes da
viaxe. Reforza esta tese o episodio do afogado no verán do 33 no río Sil, ó
seu paso por terras de León, que González Alegre sitúa nun día de agosto.
«Noiturnio», segundo Andrew A. Anderson, tivo que escribirse tamén por
estas datas, pois a letra de ambos os dous poemas é idéntica.
«Cantiga do neno» está inspirada na estadía porteña de Federico, polo
tanto puido ser escrita despois da chegada do poeta, en marzo de 1934. O
188 Vid. Martínez-Barbeito, 1945. Cito por Grial, nº. 43, xaneiro-febreiro-marzo, 1974, p. 96
(revista na que se reproduce integramente o seu artigo de 1945).
189 Para esta complexa composición e elaboración deste poemario, vid. Anderson, 1988.
190 Data dun posible borrador lorquiano. Aínda que a colaboración lingüística con Guerra
da Cal, se é verdade o que el afirma (vid. Franco Grande, 1985a), puidera suceder en 1934.
162