7. - Euskerazaintza

SAN IGNAZIO ZAURITUA IRUÑA'I'IK AZPEITIA'RA 543
rik gabe bere etxeraño iritxi zedin. Berak gidatu zituala zaurituaren angarillariak,
bere Zubasti'ko Jauregian barrena, Larraun lurreraño, andik
Gipuzkoa'ra kalterik gabe joan zitezen...
# # #
Sebastian Zubasti'ren aitormenetik dakigu, beraz, Urbasa'n barrena
ez baño, Aralar-aldetik izan zala Iñigo erituaren etxerako bidea.
Gauza au, donostiar Aita Rekondo batek aztarnatu bait du, oraindik
urte asko ez dala, Artxiboetan lan-egiñez, Nafarroa'ko gerrate-kontuak
dakarzkiten papera zaarretan...
Orain ba dakigu, beraz, ibillera ura etzala izan Urbasa-aldetik,
Aralar-aldetik baizik: Zubasti'tik, Atez'ko atakan zear, Irurtzun'en
barrena, Madoz'en gora, Larraun'en zear...
Orrela ateratzen bait dira, gañera, egi-itxurazkoak, Nafarroa'ko, eta
Gipuzko-erdi-inguruko zenbait lekutan esaten diran kontuak: Betelu'n
esaten dana, adibidez, Betelu'ko etxe batean lo-egin zuala gure mutil
zaurituak; eta Gipuzkoa'ko Altzaga'n eta Itxasondo'n esaten dana, Altzaga'ko
Bostaitzeta'n igaro zala, alegia, eta Itxasondo'ko Itxasaga baserrian
gauren bat egin zuala... Eta, arritzekoa: Loyola'n bertan, bertako
sukaldariak, beren aurrekoengandik jasota, esan oi dutena: denbora batean,
Nafarroa'tik Loyola'ra mandotan ekartzen zan ardo nafarra, gure
Iñigo zaurituak egin zuan bide beretik etortzen zala Loyola'ko upategietara:
Larraun-bidetik, alegia.