7. - Euskerazaintza

MATEO NAZABAL BALIABRAIN'GO ORCANISTA 205
Sarasola, bertako Ertoreak jarri zuan, Bigarren Iíarlistatea bukatu berrian
: 1876 inguruan.
Abade egin berria zan orduan D. Luis. Eta bertako semea zanez,
Bitoria'ko Obispo Jaunak bertako Parroko egin zuan. Eta —Jaunaren
gauzak! — urte artan bertan or etortzen zaio gure D. Luis'i —or ekartzen
diote— mutil gazte bat, abade egin nai zuala, eta ea berak Latin-Estudioak
emango ote zizkion.
Baietz, bada. Eta berealaxe asi zan gure D. Luis, mutillari latin
erakusten.
Gero D. Luis'ek askotan aipatzen zuan pasadizu au : "berrogei urte
beteak zeramazkiala Baliarrain'go Ertoretzan, eta berrogei urte, bertan
Latin erakusten. Eta Lenengo Ikasle ura, orduan Ormaiztegi'n Ertore
zegola.
Eta ain ederki —ain praktiko— erakusten zuan nunbait, berealako
batean ugaritu zitzaion ikasle-salla. Probintzi guzitik.
* * *
Gure Erretore D. Luis'ek, garai artan, bere anai Bizente —D. Bizente
Sarasola— izaten zuan laguntzalle —laguntzalle azkar—. Oso garaiz
lortu bait zuten, baliarraindarrak D. Bizente ura Erriko Maisu eta
Sekretario eta Organista izatea.
Ni etorri nintzanean, Organistatza berak egiten zuan. Bañan konpromisoko
Jaietan, Tolosa'tik etortzen zan norbait konpromisoa betetzera.
Bañan D. Bizente'ren alaba Feliziana Mamerto Lizarribar'ekin ezkondu
zanean, bereala sortu ziran nunbait beste asmo berri batzuek:
Mamerto D. Bizente'ren iru kargoetan oñordeko egítea alegia : Maisu,
Sekretario eta Organista.
Mamerto bere ofizioz, ez Organista bakarrik, Organo-egille ere ba
zan : Organo-egille, edo Piano-egille beintzat bai; eta naiko trebea bere
ofizioan.
Bañan biur gaitezen, berriz ere, Latin-Prezeptoriaren arira.
Uskeria bat pagatzen genion guk D. Luis'i bere lana —bere lana eta
gure pentzioa— "bost erreal" orduan esaten genduan bezela : 1,25.