7. - Euskerazaintza

Urdiñola berriz ere
FRANTZISKO URDIÑOLA ETA AITA BITORIA
Joan diran bi urte oietan, gure Urdiñola aipatu degu Urteroko "Oiartzun"
Aldizkari ontan.
No hay dos sin tres" esaten du erderazko errepin batek. Oraingoan
ere ala gertatu bear du nunbait. Irugarren aldiz gure oyartzuar aundia
aipatu nai degu.
Eta leengo urtean aipatutako alderditik aipatu ere: gure erritarrak
Ameriketa'ko Indioai egindako mesede aundi baten aldetik.
* * *
Gure Urdiñola leengo urtean Mexiko'ko Indioai Tlaskala'ko lurrak
banatzen ikusi genduan : bakoitzari beretzat bere lur-bazterra ematen.
Bafian Urdiñola baño leenago ere izan zan beste gizon bat —eta euskalduna
bera ere, ain zuzen— lur aiek Indioenak zirala, eta biurtu bear
zitzaizkiela, argi ta garbi esan zuana. Eta esan ere ,ez nolanai, Salamanka'ko
Unibertsidadeko Katedratik baizik : Aita Frantzisko de Bitoria,
edo obeto esateko, Aita Frantzisko de Arkaia, gasteiztarra eta euskalduna
bera ere.
Aita Frantzisko de Arkaia aren ondoan ipiñi nai degu gaur guk gure
Urdiñola oyartzuarra : Urdiñola Kapitan oyartzuarra, Aita Arkaia Katedratiko
gasteiztarraren ondoan. Eta oyartzuarra ipiñi ere, gasteiztarraren
prediku teorikoaren betetzalle praktiko bezela. Gasteiztarrak teorian
itza atera, eta oyartzuarrak praktikan itza bete.
* * *
Gauza jakiña da, españarrak armaen indarrez Ameriketa'ko lur zabalen
jabe egin ziranean, Indioetako asko ta asko leengo beren lurrik