Vocabulario de economía - Universidade de Vigo

a encadernación
vocabulario trilingüe inglés-español-galego atopouse con dúas inesperadas
achegas. Dun lado, coa masiva e inesperada demanda por parte dalgúns
estudantes dunha cuarta lingua: o francés. Felizmente Philippe Polome (que
daquela era profesor da Universidade de Vigo) aceptou participar no vocabulario
e revisar as entradas nesta lingua.
Doutro, decatámonos de que, ante as disputas ortográficas actuais, a
adopción de calquera solución ortográfica para o galego podería reducir
grandemente o impacto deste vocabulario no referente ao seu uso: atoparía
reparos entre os puristas normativistas (a meirande parte seguramente non
economistas), e nos usuarios cotiáns de terminoloxía económica (moitos
deles propoñentes de solucións de máximos e mesmo lusistas). Daquela,
concluíuse que o óptimo era presentar as entradas do galego-portugués en
dous bloques: introducir un “galego de mínimos” (que chamaremos ao
longo do dicionario galego), e un galego de máximos (que chamaremos ao
longo do dicionario portugués). Esta decisión permitiu a incorporación de
Fernando Almeida (da Universidade do Minho) ao proxecto que accedeu a
revisar o portugués. De todos os xeitos, os atrancos ortográficos non recortan
o duplo criterio seguido ao elixir o léxico terminolóxico económico
galego: 1) respectar a tradición escrita e do uso común (coas excepcións da
forma “presuposto” e poñendo reparos en “IVE”); e 2) conforme ao punto 4
da introdución das Normas Ortograficas e Morfolóxicas do Idioma Galego
da Real Academia Galega e Instituto da Lingua Galega (1982) “as escollas
normativas deben ser harmónicas coas outras linguas, especialmente coas
romances en xeral e coa portuguesa en particular, evitando que o galego
adopte solucións insolidarias e unilaterais naqueles aspectos comúns a
todas elas, tales como adaptación de cultismos e de terminoloxía científica
e técnica”.
Polo tanto, este Vocabulario terminolóxico de Economía conta con
entradas en cinco linguas: español, francés, galego, inglés, portugués. Neste
traballo interviñeron diferentes equipos de estudantes: tomando como referencia
o inglés, distribuíronse entre español, francés, galego e portugués.
A finais de 1998 tiñamos unha primeira versión que circulou entre os nosos
colegas economistas das universidades da Coruña, do Miño, Porto, Santiago
de Compostela, Vigo, Autónoma de Barcelona, Carlos III de Madrid, e
Minnesota. Con todo, non foi até o segundo semestre do curso 2000-01,
cando Fuco X. Lores, quen daquela impartía a mesma materia optativa de
economía na licenciatura de Tradución e Interpretación, lle deu un novo
pulo ao proxecto. Novamente conseguiu entusiasmar aos seus alumnos
9