Vocabulario de economía - Universidade de Vigo

2
a encadernación
Limiar
AIDEA deste vocabulario vén de principios dos anos 90 cando un grupo
bastante numeroso de galegos estabamos realizando estudos de posgrao
en economía (tanto mestrías como doutoramento) na Universidade
Carlos III de Madrid. Coa perspectiva da distancia, o activo e concienciado
niño de galegos identificaran certas eivas para axeitadamente poder discutir
de economía en galego, o que tornou en todos nós un grande interese
terminolóxico. Para gañar a dignidade e o respecto da lingua precisábase
loxicamente unha compilación sistemática, unha terminoloxía económica
en galego, na cal poder acudir para falarmos e entendermónos. Isto semellaba
fundamental, tanto para os nosos colegas economistas como para os
usuarios non economistas –maiormente xornalistas e outros non especializados–
de termos económicos en galego.
Cando Fuco Lores nos mostrou o Vocabulario Terminolóxico de Matemáticas
do profesor Masa (da Facultade de Matemáticas, Universidade de
Santiago de Compostela) todos coincidimos unanimemente que aquela era
a liña que debiamos seguir. Indirectamente, pois, somos tributarios del.
A elaboración dun vocabulario técnico científico en galego, polo menos
en economía, enfróntase basicamente a catro problemas. En primeiro lugar,
a influencia do español e, ao lonxe, do inglés que, particularmente no caso
dos novos termos científicos, é moi forte. Sempre estivo no noso ánimo
adoptar as solucións léxicas do portugués, é dicir, da términoloxía dos
nosos colegas economistas portugueses. Dunha banda, coidamos que é o
axeitado para falarmos nos mesmos termos e conceptos, e doutra banda,
outorga un espírito universalista. Aínda así, tamén nos atopamos con certos
atrancos pois é certo que os economistas portugueses en múltiples ocasións
nin sequera traducen os novos termos da literatura económica en inglés.
En segundo lugar, a mesma terminoloxía científica económica posúe
diferentes usos, e incluso grafías, para distintas linguas. Así, o inglés británico
escribe labour onde o inglés americano indica labor. Ou ben, en
7