Vocabulario de economía - Universidade de Vigo

10
Vocabulario
DE ECONOMÍA
que se distribuíron por linguas acorde ás suas especialidades, encargándose
de revisar polo miúdo as diferentes entradas. Fixeron un excelente traballo,
moitos alén do simple interese de aplicar os seus coñecementos aprendidos
na carreira, incluso chegando a documentar as entradas atopadas en
diferentes dicionarios.
Rematado o traballo, o interese de Anxo Lorenzo, e moi especialmente
do vicerreitor de Relacións Institucionais, Xavier Martínez Cobas, para que
este vocabulario fose publicado pola Área de Normalización Lingüística da
Universidade de Vigo, permitiu dar un formato e maquetación axeitados
para facer doado o seu uso. As persoas que traballaron nel presentaron un
produto final óptimo: realizaron o índice de linguas, e repasaron novamente
as diferentes entradas do galego.
No apartado de agradecementos cabe empezar polo grupo da Carlos III,
polo ánimo, as discusións, apoio e interese especialmente a Xurxo Durán,
Antón García, Antonio R. Sampayo, Fidel Castro-Rodríguez, o interese de
Mikel Pérez-Nievas, máis, abofé, ao entusiasmo e ánimo de Fernando del
Rio. Da acollida da primeira versión, queremos agradecer da Universidade
de Vigo a Izabela Jelovac, Kike Vázquez, e moi especialmente a Carlos Garrido,
quen realizou unha coidadosa e detallada revisión de todas as entradas
do galego e do portugués, facendo suxestións sempre moi interesantes e
agudas. Tamén cómpre agradecer o interese pola finalización do vocabulario
a Pedro S. Amaral da University of Minneapolis. Finalmente , debemos
agradecer o apoio dende mesmo antes de que este vocabulario fose sequera
un proxecto viábel á Iolanda e mais ao Xavier. Iolanda Galanes facilitou o
traballo aos estudantes ao redactar unha guía modelo para extraer termos
dende textos, e sempre contamos co interese de Xavier Martínez Cobas e coa
súa preocupación polo bo remate deste proxecto ao longo destes anos.
Finalmente, este vocabulario terminolóxico e a terminoloxía galega de economía
está en débeda coas angueiras e o devezo de facer ben as cousas de
todos os estudantes que participaron no proxecto. Obrigados a todos.
Confiamos en que este grao de area sexa de axuda tanto aos nosos colegas
economistas como aos non economistas –maiormente vai destinado aos
xornalistas e aos non especializados– para que entre todos, co agarimo que
merece, deamos pulo e prestixiemos esta a nosa lingua, a lingua dos nosos
devanceiros.
Campus Universitario, As Lagoas, Marcosende. Xullo, 2004