o proceso penal a manuel curros enríquez - Consello da Cultura ...

libro CURROS ENRIQUEZ 21/9/01 09:00 Página 31
O Tribunal estaba composto por:
D. Francisco Delgado, presidente.
D. Manuel Aragoneses.
D. Mariano Valcayo, relator da sentencia.
Non podemos entrar nas motivacións íntimas polas que o Tribunal pronunciou
unha sentencia absolutoria, revogando a condenatoria do xuíz Mella. Polo tanto,
temos que aternos ó que di a propia sentencia, que os feitos denunciados non son
constitutivos de delicto por non escarneceren nin atacaren ningún dogma da relixión
católica. O que, por outra parte, é a auténtica realidade se temos en conta a opinión
de calquera persoa que lea as mencionadas poesías, tanto hoxe coma no seu momento
histórico, salvo o bispo de Ourense e o xuíz Mella.
Pero non hai que descartar que tamén tivera moito que ver o magnífico informe
oral do avogado Luciano Puga, a absolución solicitada polo fiscal, a próxima publicación
da Lei de axuizamento criminal, que en virtude do principio acusatorio vedaría
a condena, e pode ser que tamén tivese a súa importancia a presión popular que
miraba neste proceso a vinganza do clero conservador e retrógrado contra o vate, que
chegaba ó fondo da alma popular coas valentes denuncias contra toda clase de opresión
e contra a pobreza material en que estaba sumido o pobo e contra un clero rico
e prepotente. O pobo non entendeu a condena do gran defensor da Liberdade.
B. M. P.
31