Descargar publicación - Eurobask

Koldo Gorostiaga
Ezker abertzalearentzako argi dagoena zera da: Diskurtso ofiziala eta errealitatea ez datoz
bat. Ditugun kezkak gure lurraldeari buruz ez dira naturalak baizik eta pairatzen dugun sistema
ultraliberalaren ondorioak. Gure ama-lurrari eten gabe bizitza eta bertan bizitzeko gaitasuna
lapurtzen zaizkio eta inor gutxi arduratzen da.
Gure aukera, Iñaki Antigüedad, EHko parlamentariaren hitzetan, hauxe litzateke: “Lurraldea
eta lurraldetasuna ez dira, inondik ere gauza bera. Bailara, ibar, mendialde, herrixka eta
hirigune bakoitzari bere zeregin eta funtzioa propio onartu eta bermatzen dizkion lurralde
antolamendu orekatu eta horizontalean integratuta behar dugu,...” “Euskarak kasuko Kontseilua
sortu duen bezala, lurraren eta lurraldearen defentsan dihardutenak biltzeko egitura”
eraginkorraren alde egiten du deia. Eta gero, Eguzki taldeak aurkeztu berri duen
proposamenarekin bat eginez, mugaz bi aldeetako ikuspegi integrala behar-beharrezkotzat
jotzen du Unibertsitateko irakasle honek.
Ikuspegi honen arabera, teknologia berriko burdinbide sare baten premia azpimarratzen
dugu (10) eta era berean gure botere publikoen engaiamendua eskatzen dugu baita ere.
Pairatzen dugun eredu ofizialatik at beste aukerarik egon badago Europan, eta horren
ekarpenaren inguruan gogoeta gune bat sortzearen alde gaudela esan behar dugu, argi eta
garbi.
Gainera guk dagoenekoz zenbait oinarri finkatu ditugu Euskal Herriko burdinbidearen
zutabeak zeintzuk izan behar diren zehazteko.
Hasteko, argi dugu trenbideak paper garratzitsu bat bete behar duela Euskal Herriko garraiosisteman,
merkantziak eta bidaiariak garraiatzeko. Beste garraio bide batzuekin konparatuz
abantaila ekologiko, ekonomiko eta sozial haundiak dituelako.
Dena dela, ez gara zerotik abiatzen. Dagoenekoz gure lurraldea azpiegitura desberdinekin
urratuta dago eta horregaitik trenbideak gaur egun martxan dauden garraio-sistemak eta
azpiegiturak osatu behar ditu, intermodalitatea bultzatuz.
Bestalde, gaur egungo RENFE-ko sare nagusiak duen ibilbidea bizkarrezur egokia dela
iruditzen zaigu. Baiona-Altsasu-Iruña-Kastejon alde batetik eta Altsasu-Gasteiz bestetik, ardatz
nagusi egokia osatzen dute gure garraio-sisteman burdinbideak funtzio garrantzitsua jokatzeko.
Ibilbide hau egokiena dela uste dugu Euskal Herriko barne uztardura lortzeko eta kanpo-lotura
ona edukitzeko Atlantiar, Mediterranear eta Ipar Europear ardatzekin. Gero, ardatz nagusi honi
txertatu beharko dizkiogu beste azpiegiturak, horien artean gaur egungo Eusko Trenbide eta
FEVEko sareak. Egitasmo egokia egiteko Euskal Herriko burdinbide sare osoa gestionatuko
duen Euskal Ente Publiko bakar bat sortzea ezinbesteko beharra ikusten dugu.
Hala ere, zaharkituta gelditu delako, egungo trenbide sarea berritzearen aldakoak gara,
besteak beste tarte batzuk bikoiztuz (Nafarroan kasu), zerbitzu orokorraren hobekuntza
bultzatuz eta Beasaindik Altsasuraino tarte berria eginez.
Gainera, Gasteiz-Bilbo lotura garrantzitsuari buruz soluziorik onena eztabaidatzeko prest
gaude. Bilboko portuko merkantziak ateratzeko arazoari ere irtenbide egokia bilatu behar diogu.
Abiadurari dagokionez, Euskal Herria egituratzen duen abiadura nahi dugu. Ez soilik
hiriburuen arteko egituraketa bermatzeko, baita eskualdeen nahiz herrien artekoa ere.
236 Las Redes Transeuropeas (RTE) y el modelo federal de la UE. Una visión desde Euskadi
ISBN: 84-7248-869-1