Descargar publicación - Eurobask

Sare transeuroparrei buruzko euskal ikuspegi bat:
ingurugiroa, azpiegiturak eta burujabetasun eza
Koldo Gorostiaga
Europarlamentario de EH
Miembro de la Comisión de Medio Ambiente del PE
SUMARIO: I. INGURUGIROA.- II. AZPIEGITURAK.- III. BURUJABETASUN EZA.
Ingurugiroa, azpiegiturak eta politika. Hona hemen Europako Mugimenduaren Euskal
Kontseiluak antolaturiko mintegi honen barruan aipatuko ditudan hiru zutabe nagusiak. Zein
baino zein garrantzitsuago eta elkarren artean osagarriak. Gaurko gaia beraz, hein haundi
batean, Euskal Herriko XXI. mendeko gizarte arazoa dugu.
Alabaina hortan dugu koxka ...eta kezka: gure gizarte osoaren arazoa izanik ere honen
ikuspegi globalik falta zaigu, edo/ta arloz-arloko ikuspegi soiletaz arduratzen garela dirudi, arazo
tekniko hutsa balitz bezala.
I. INGURUGIROA
Bilboko ibaiaren beste aldean, Deustuko Unibertsitatean hain zuzen, duela hogei bat urte
antzeko Forum bat ospatu zen “Calidad de vida y medio ambiente” izenekoa, non munduko itzal
handiko adituek, ikuspegi askotariko metodologiaren bitartez, ekarpen benetan garrantzitsuak
egin zituzten. Horrela, gure bilbotar jauntxoez gain iritzi publikoari ere heldu zitzaion
ingurugiroaren babesaren aldeko gri•a.
Garai hartan jadanik kutxaduraz eta satsuduraz (Ingurugiroaren etsaiak) buru-belarri
arduraturik zegoen Joserra Etxebarria lagunak zioen: “Teknologiaren hazkundearekin batera
datorkigu ekosistema askoren heriotza...Satsuduraren ondorioak aurrikusi behar dira, eta
zorionez sekula baino nabarmenagoak ditugu gure begibistan...Ingurugiroa ez da teknikarien
eskuetan utzi behar,” guztien buruen gainean etengabe dagoen ezpata pozointsua baita,
oroitarazi zigun Joserrak.
Ingurugiroaren ardura herritartu behar zela, eskatzen zuen Joserrak eta mende laurden bat
igaro ondoren arazoa inoiz baino nabarmen eta premiatsuagoa dela nago ni ere.
Horra hor, adibidez, Claude Martin, WWF erakundearen buru denak, berriki (Seatleko
gailurrari begira) zioena: “Gure planetak azken 25 urteetan bere ondare natarularen %30 galdu
du jadanik. Denboraldi berean, munduko merkataritza bi aldiz azkarrago hazi da eta honek
ikaragarrizko eragina du ingurugiroan”.
Euskal Herrian tamalez, satsudura arazoek eragin handia izan dute eta dute. Dakigunez,
satsudurak ekosistemaren aurka jotzen du eta bere presentziak gure gizarteak bultzaturiko
ekimen kaltegarriak adierazten ditu. Honen aurrean ez dugula gai honek eskatzen duen
ardurarik erakutsi argi dago, orain arte bederen (1).
Irtenbidea ez da itsu-itsurik aitzinamenduaren aurka jotzea eta zero hazkundearen alde
azaltzea, ingurugiroa errespetatzen den bitartean. Gauden bezala egotea etorkizunean ere
bada, inolako mesederik ez egiteaz gain natura berak, dinamikoa denez, aldaketak eta
egokipenak etengabe eskatuko dizkigu ezinbestez. Erronka nonbait aukeretan datza.
Azkenengo hamar urteetan erdi antzua den eztabaida bizia izan dugu: ea egia den klima
aldaketaren prozesua eta honen inguruan aipatu izan diren kausa eragileak. Orain aldiz argi
dago eztabaidaren funtsa klima aldaketaren lastertasunean datzala.
Las Redes Transeuropeas (RTE) y el modelo federal de la UE. Una visión desde Euskadi
ISBN: 84-7248-869-1
227