galego - Consello de Contas de Galicia

Informe de Fiscalización das Entidades Locais, 1999
c) Racionalidade na execución do gasto público baseado en criterios de eficacia
e economía.
d) Execución dos programas de actuación, investimento e financiamento e
demais proxectos ou previsións que rexan a actividade das empresas públicas e
das empresas vinculadas á Comunidade Autónoma, así como o emprego ou
aplicación de subvencións con cargo a orzamentos da Comunidade Autónoma e
das exencións fiscais directas e persoais concedidas.
2. O Consello de Contas proporá as medidas a adoptar, no seu caso, para a
mellora da xestión económico-financeira do sector público de Galicia”.
En consecuencia e, para cumprir os preceptos citados, elabórase o presente Informe de
Fiscalización das Entidades Locais de Galicia.
II. OBXECTIVOS ESPECÍFICOS E ALCANCE
A fiscalización realízase para aquelas entidades que renderon as contas do exercicio de
1999 con anterioridade ó 31 de decembro do 2000.
O alcance da fiscalización limítase a unha análise formal de cumprimento da legalidade
sobre determinados aspectos das contas rendidas seguindo o Programa de Traballo para
o exercicio, aprobado polo Pleno do Consello de Contas o 14-12-2000. Esta Fiscalización
consiste na análise dos orzamentos, modificacións orzamentarias e conta xeral, de xeito
que os resultados obtidos non supoñen a conformidade ou desconformidade do Consello
de Contas coa totalidade da xestión económico-financeira das entidades fiscalizadas. Non
se realiza unha fiscalización de regularidade senón tan só verificar o cumprimento de
legalidade de certos aspectos e cos alcances que se detallan no programa de traballo
aprobado. Este programa estructúrase en catro apartados:
A) Análise xeral da documentación remitida
Verificar a presentación formal da documentación rendida, así como a remisión da
información solicitada relativa a:
– Existencia de entes dependentes.
– Reparos á legalidade da Intervención.
– Relación de contratos formalizados no exercicio que superen os límites establecidos no
artigo 58 da Lei de Contratos das Administracións Públicas (LCAP).
B) Orzamento
Verificar a adecuación do expediente de aprobación do orzamento nas súas distintas fases
ó establecido nos artigos 143-150 da Lei 39/1988 Reguladora das Facendas Locais
(LRFL). Verifícase tamén o cumprimento dos requisitos legais respecto a súa formación,
8 Consello de Contas de Galicia