galego - Consello de Contas de Galicia

Informe de Fiscalización das Entidades Locais, 1999
VIII. RECOMENDACIÓNS
Presentación da conta xeral rendida:
– As entidades locais deberán adoptar tódalas medidas necesarias para que a
documentación que se renda ó Consello de Contas se presente ordenada, foliada e
debidamente dilixenciada.
Orzamento e as súas modificacións:
– A formación, aprobación e publicación do orzamento do exercicio axustarase ó
establecido na LRFL no relativo ó seu contido, procedemento e prazos (artigos 149
ó 152).
– Recoméndase mellorar as técnicas de orzamentación utilizadas, cumprindo o
establecido no artigo 146 da LRFL e 4 do RD 500/1990, e evitar a realización dun
elevado número de modificacións orzamentarias.
– O estado de modificacións de créditos estará soportado nos correspondentes
expedientes aprobados no exercicio e na relación autorizada polo interventor
prevista na ICAL.
– As modificacións de crédito rexistraranse no estado de ingresos e gastos, evitando o
incumprimento do principio de equilibrio orzamentario (artigo 16.2 do RD 500/1990).
Conta xeral:
– A formación, tramitación, aprobación e rendición da conta xeral ó Consello de
Contas axustarase ó procedemento, contido e prazos do disposto na LRFL e na
ICAL.
– Procederase ó cálculo do resultado orzamentario de acordo co previsto no artigo 97
do RD 500/1990.
– Deberanse cuantificar no estado de remanente de tesourería os dereitos pendentes
de cobro que se consideran de difícil ou imposible recadación, así como, o importe
do remanente de tesourería afectado a gastos con financiamento afectado de
acordo co disposto na LRFL e RD 500/1990.
– No caso de existir remanente de tesourería para gastos xerais negativo débese
proceder ó establecido no artigo 174 da Lei 39/1988 (LRFL) que sinala:
1. “O Pleno da Corporación procederá, na primeira sesión que celebre, á
reducción de gastos do novo orzamento por contía igual ó déficit
producido.
24 Consello de Contas de Galicia