galego - Consello de Contas de Galicia

Informe de Fiscalización das Entidades Locais, 1999
11. Non existe equivalencia entre os saldos de activo e pasivo das contas de orde e
control orzamentario.
12. Incorrecto traspaso do saldo da conta de resultados do exercicio ó balance de
situación.
13. Traspasase á conta de resultados do exercicio os saldos de contas que non se
remiten.
14. O remanente de tesourería non cuantifica os saldos debedores de dubidoso cobro
(artigo 172.2 LRFL)..
15. Non se cuantifica o remanente de tesourería afectado a gastos con financiamento
afectado (artigo 172.2 LRFL).
16. Non se contabilizan os debedores de dubidoso cobro no balance.
17. Non contabilización de amortizacións de activos depreciables no balance.
18. Existencia de saldos nulos ou negativos na conta de patrimonio.
19. Existencia no balance de contas con saldos contrarios á súa natureza.
20. Existencia de resultados negativos no cálculo do resultado orzamentario, aforro
neto e remanente de tesourería (artigo 96, RD 500/1990 e artigos 54 e 174 LRFL).
E) Contratación administrativa
Para aquelas entidades que formalizaron no exercicio contratos contemplados no artigo 58
da LCAP, elaborouse un cadro por tipos de contratos e sistema de adxudicación.
F) Análise da estructura das liquidacións orzamentarias de 1998-1999
Preséntase tamén a evolución dos ingresos e gastos en pesetas por habitantes das
distintas entidades no período 1998-1999, podendo existir na totalización diferencias por
redondeo debido ó sistema informático utilizado:
Ingresos
Tributos propios: informa sobre os dereitos recoñecidos procedentes dos impostos
directos, indirectos, taxas e outros ingresos. Indica a evolución da presión fiscal no período
e a contribución que fan os veciños ó orzamento municipal.
Transferencias: os ingresos procedentes de transferencias correntes (IV) e de capital
(VII); son unha expresión do financiamento alleo.
Endebedamento: indica a evolución dos ingresos por habitante procedentes do
endebedamento formalizado no período (Pasivos financeiros).
Outros: recolle a evolución do resto dos dereitos recoñecidos por habitante non incluídos
nas agrupacións anteriores, é dicir, os capítulos V (Ingresos patrimoniais), VI (Alleamento
de investimentos reais) e VIII (Activos financeiros).
Consello de Contas de Galicia 21