galego - Consello de Contas de Galicia

Informe de Fiscalización das Entidades Locais, 1999
O seu resultado positivo constituirá un recurso, de acordo co establecido na ICAL, para o
financiamento de modificacións de créditos no exercicio seguinte. Se o seu resultado fose
negativo procederase de acordo co establecido no artigo 174 da Lei 39/1988 Reguladora
das Facendas Locais, que dispón:
– O pleno da Corporación procederá na primeira sesión que celebre, á reducción de
gastos do novo orzamento por contía igual ó déficit producido.
– Se a reducción de gastos non resultase posible, poderíase acudir a unha operación de
crédito polo seu importe, sempre que se dean as condicións sinaladas no artigo 158.5
da Lei.
– De non adoptarse as medidas previstas nos apartados anteriores, o orzamento do
exercicio seguinte aprobarase cun superávit inicial de contía non inferior ó repetido
déficit.
O remanente de tesourería, conforme ó disposto na ICAL, estará integrado polos dereitos
pendentes de cobro, as obrigas pendentes de pago e os fondos líquidos, todos eles
referidos ó 31 de decembro do exercicio. Os dereitos pendentes de cobro cuantifícanse
deducindo, cando así proceda, aqueles que se consideran de difícil o imposible
recadación.
O remanente de tesourería obterase como suma dos fondos líquidos de tesourería mais os
dereitos pendentes de cobro, deducindo as obrigas pendentes de pago.
O remanente de tesourería para gastos xerais determínase como diferencia entre o
remanente de tesourería total e o remanente de tesourería afectado a gastos con
financiamento afectado.
O remanente de tesourería afectado a gastos con financiamento afectado, de acordo coa
ICAL, estará constituído pola suma das desviacións de financiamento positivas que se
produzan ó fin do exercicio.
De acordo coas anteriores definicións establecidas na ICAL, o estado de remanente de
tesourería presentase coa seguinte estructura e composición:
Estado de Remanente de Tesourería
1. Debedores pendentes de cobro no fin do exercicio. (saldos de dubidoso cobro)
2. Acredores pendentes de pago no fin do exercicio.
3. Fondos líquidos na Tesourería no fin do exercicio.
4. Remanente de Tesourería total. 4 = (1-2+3) = (5+6)
5. Remanente de Tesourería para gastos xerais. 5 = (4-6)
6. Remanente de Tesourería afectado. 6 = (4-5)
Inclúese no informe do presente exercicio información relativa á cuantificación feita por
cada entidade respecto dos saldos de dubidoso cobro; polo que o importe total de
debedores pendentes a 31-12-1999 é o que figura no epígrafe 1 máis o importe dos saldos
de dubidoso cobro.
16 Consello de Contas de Galicia