galego - Consello de Contas de Galicia

Informe de Fiscalización das Entidades Locais, 1999
– Lei 49/1998, do 30 de decembro, de Orzamentos Xerais do Estado para 1999 (LPXE).
– Lei 50/1998, do 30 de decembro, de Medidas Fiscais, Administrativas de Orde Social
(LAPXE).
IV. LIMITACIÓNS Ó ALCANCE
Os resultados do traballo estiveron condicionados polas seguintes limitacións:
– Non rendición ou rendición incompleta das contas.
– Non se inclúen as entidades que non renderon as contas ou que o fixeron fóra do
prazo adicional concedido (ata o 31-12-2000).
– Contas e estados contables con deficiencias.
– Contas e estados contables non adaptados a Instrucción de Contabilidade para a
Administración Local.
V. TRÁMITE DE ALEGACIÓNS
En cumprimento do disposto no artigo 58 do Regulamento de Réxime Interno do Consello
de Contas de Galicia, os anteproxectos de informes individualizados de fiscalización foron
remitidos ás distintas entidades, concedéndolles un prazo de 15 días para formulación das
alegacións que estimaran pertinentes.
En relación con estas alegacións, é preciso indica-lo seguinte:
– Non se remitiu a trámite de alegacións aquelas entidades nas que os seus informes
non presentaron incidencias ou porque as existentes fan referencia só a
incumprimentos de prazos de aprobación do orzamento e de rendición da conta xeral.
– Se como consecuencia das alegacións suprímese ou modificase o contido do informe,
total ou parcialmente, sinálase no mesmo.
VI. METODOLOXÍA E PROCEDEMENTOS APLICADOS
A metodoloxía e criterios aplicados para a realización do Informe de fiscalización, non
presentan cambios substanciais os utilizados no derradeiro Informe (exercicio de 1998).
Así, preséntase para cada entidade local e para cada grupo de entidades, os resultados
obtidos en dúas partes diferenciadas:
12 Consello de Contas de Galicia