IKER 26 Pirinioetako hizkuntzak: lehena eta oraina - Euskaltzaindia

862
Aragonés central:
APROXIMACIÓN A LA SITUACIÓN DIALECTAL DE L’ARAGONÉS
— Participios: -ato, -ito.
— Atras conservacions de sordas intervocalicas: capeza, caixico.
— Sonorización d’oclusivas zaga nasal i liquida: cambo, punda, aldo.
— Articlos: o, a / ro, ra / el, la (Bielsa).
Aragonés oriental:
— Pasau perifrastico: vas fer.
— Perda d’a -r final n’a pronuncia: fer (/fé/). 5
— Palatalizacions: pllorar, fllor, cllau, llavar, llugar. Pero no afecta ni a lo
chistavín ni a lo fovano.
Aragonés meridional:
— Articlos: o, a / ro, ra/ lo, la (Lo Grau, Naval)
— Perda d’elementos foneticos i morfosintacticos.
— Vulgarismos castellanos.
Como se hi puede veyer, només un rasgo cllaro diferencia lo central d’a resta,
la conservación de sordas, i tamé només uno a l’oriental, lo pasau perifrastico. La
resta de rasgos no incluyen a tot lo territorio a’l que se asignan u el sobreixen
cllarament. Respective a la conservación de sordas, cal dir que no ye un fenomeno
que solo seiga d’ixe aragonés central, ni muito menos, sino que s’estenderilla
per tot lo territorio d’a lluenga en mayor u menor grau. Veigam bels mapas: n’o
mapa 5, clasico de Saroïhandy, se hi puede veyer la espardidura d’a conservación
de sordas (i tamé las sonorizacions zaga liquida i nasal); manimenos, lo mapa 6,
d’Alvar en iste caso, me pareixe més acertau que l’anterior para iste rasgo.
Yo mesmo, que he estudiau l’aragonés d’Agüero (Sánchez i Tomás 2005-
2006), he repllegau una buena zarpada de sordas conservadas a ixe llugar tan
occidental i meridional devez: acochar, allaca (i allaquizo), ardicala, artica, berruca,
caxicar, caxico, cocote, corruca (i corrucar), esmelicar, melico, meliquera,
murziacalo; chenipriza, chenipro, escarpar; batallo, bitiello, Collata O Mal (top.),
escupito, forato, O Sarrato (top.), paretes, pixata, pixatina, subitón, zarzallata, etc.
A la finitiva, talment lo més adecuau seiga de dir que en aragonés n’hi hai
una tendencia a la conservación de sordas que se da con més intensidat en
bellas zonas —aon tampó no ye un fenomenos sistematico— que no en atras.
5 Pero ixo tamé ocurre, como verem dimpuesas, n’o punto més occidental d’o territorio,
Ansó.