IKER 26 Pirinioetako hizkuntzak: lehena eta oraina - Euskaltzaindia

FERNANDO SÁNCHEZ
etc. han estudiau aspectos como las arias lexicas d’Aragón tenind en cuenta
només bel campo lexico u mirand de cllasificar las zonas en función de si son
més u menos “dialectals”. N’hi hai tamé bel estudio de dialectometría lexica
(García 1991) i morfolochica (Moreno 1991). Puede que lo més completo,
que amés m’ha feit honra para iste treballo mío, seiga Fronteras lingüísticas
internas en territorio aragonés (Llorente 1991). Manimenos, totz istes treballos,
tot send contribucions interesants, no podem dir que faigan una cllasificación
d’os dialectos aragoneses. Amés, només fan servir, ternes, los datos de
l’ALEANR, que, encara que ye una ferramienta de gran valor, no se puede
considerar una obra brenca completa, perque los llugars investigaus son los
que son (una chicota parte d’os que tienen l’aragonés como lluenga propia), i
per los abundants datos erronios que, desgraciadament, se hi repllegan, como
he puesto comprobar personalment en alguno d’os puntos encuestaus. 3
Mapa 2 [elaborau per R. Castañer i extrayiu
de Os territorios lingüisticos en Aragón, p. 187]
3 Estoi referind-me, especialment, a lo punto Hu 207, Campo, que, per razons personals,
conoixco prou ben cóm se hi charra.
859